ନୂଆଦିଲ୍ଲୀ,୦୧/୦୯: ଅଗଷ୍ଟରେ ମୋଟ ଜିଏସ୍‌ଟି ସଂଗ୍ରହ ୧.୭୪ ଲକ୍ଷ କୋଟି ରହିଥିବା ବେଳେ ଏହା ୧୦ ପ୍ରତିଶତ ବୃଦ୍ଧି ହୋଇଛି। ରାଜସ୍ୱ ରିପୋର୍ଟ ଅନୁଯାୟୀ, ଅଗଷ୍ଟ ମାସରେ ଜୋରଦାର ଜିଏସ୍‌ଟି ସଂଗ୍ରହ ହୋଇଛି ଏବଂ ଜିଏସ୍‌ଟି ସଂଗ୍ରହର ଏହି ତଥ୍ୟ ସମସ୍ତ କ୍ଷେତ୍ରରେ ଦ୍ରବ୍ୟ ଏବଂ ସେବା କରର ଅଭିବୃଦ୍ଧିକୁ ଦର୍ଶାଉଛି। ଜିଏସ୍‌ଟି ସଂଗ୍ରହରେ କେନ୍ଦ୍ରୀୟ ଜିଏସ୍‌ଟି (CGST), ରାଜ୍ୟ ଜିଏସ୍‌ଟି (SGST) ଏବଂ ଇଣ୍ଟିଗ୍ରେଟେଡ୍ ଜିଏସ୍‌ଟି (IGST) ଅନ୍ତର୍ଭୁକ୍ତ।

ଅଗଷ୍ଟରେ ଜିଏସ୍ଟି ସଂଗ୍ରହ ୧ ଲକ୍ଷ ୭୪ ହଜାର ୯୬୨ କୋଟି ଟଙ୍କା ଅର୍ଥାତ୍ ସରକାର ୧.୭୪ ଲକ୍ଷ କୋଟି ଟଙ୍କା ଜିଏସ୍‌ଟି ସଂଗ୍ରହ କରିଛନ୍ତି। ଅଗଷ୍ଟ ୨୦୨୩ରେ ଏହି ସଂଖ୍ୟା ୧ ଲକ୍ଷ ୫୯ ହଜାର ୦୬୯ କୋଟି ଅର୍ଥାତ୍ ୧.୫୯ ଲକ୍ଷ କୋଟି ଟଙ୍କା ଥିଲା। ଯଦି ଆମେ ଚଳିତ ବର୍ଷର ଜିଏସ୍‌ଟି ରାଜସ୍ୱକୁ ଦେଖିବା, ଚଳିତ ବର୍ଷ ଜାନୁୟାରୀ ରୁ ଅଗଷ୍ଟ ମଧ୍ୟରେ ଏପର୍ଯ୍ୟନ୍ତ ୯,୧୩,୮୫୫ କୋଟି ଟଙ୍କା ଜିଏସ୍‌ଟି ସଂଗ୍ରହ ଗ୍ରହଣ କରାଯାଇଛି, ଯାହାକି ୧୦.୧ ପ୍ରତିଶତ ବୃଦ୍ଧି ଅଟେ। ଗତ ବର୍ଷ ଅଗଷ୍ଟ ପର୍ଯ୍ୟନ୍ତ , ଜିଏସ୍‌ଟି ସଂଗ୍ରହ ମାଧ୍ୟମରେ ସରକାର ମୋଟ ୮ ଲକ୍ଷ ୨୯ ହଜାର ୭୯୬ କୋଟି ଟଙ୍କା ପାଇଥିଲେ। ଜାତୀୟ ରାଜଧାନୀ ଦିଲ୍ଲୀ ହେଉ କିମ୍ବା ଦକ୍ଷିଣ ରାଜ୍ୟ କର୍ଣ୍ଣାଟକ, ପଶ୍ଚିମରେ ମହାରାଷ୍ଟ୍ର ଠାରୁ ଆସାମ ପର୍ଯ୍ୟନ୍ତ, ରାଜ୍ୟଗୁଡିକର ଜିଏସ୍‌ଟି ସଂଗ୍ରହରୁ ଜଣାପଡିଛି ଯେ ଦ୍ରବ୍ୟ ଏବଂ ସେବା ଟିକସ କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଛି।

ଯଦି ଆମେ ଅଗଷ୍ଟ ୨୦୨୪ ପର୍ଯ୍ୟନ୍ତ ରାଜ୍ୟ କିମ୍ବା କେନ୍ଦ୍ର ଶାସିତ ଅଞ୍ଚଳଗୁଡ଼ିକର ଆକଳନକୁ ଦେଖିବା, ତେବେ ମୋଟ ଆଇଜିଏସ୍‌ଟିରେ ରାଜ୍ୟଗୁଡିକର ଏସ୍‌ଜିଏସ୍‌ଟି ଅଂଶ ବୃଦ୍ଧି ପାଇଛି । ଅଗଷ୍ଟ ୨୦୨୩ ରେ ଏହା  ୧ ଲକ୍ଷ ୯୪ ହଜାର ୯୪୯ କୋଟିରୁ ଅଗଷ୍ଟ ୨୦୨୪ ରେ ୨ ଲକ୍ଷ ୧୩ ହଜାର ୨୧୯ କୋଟି ଟଙ୍କାକୁ ବୃଦ୍ଧି ପାଇଛି। ଏହି ପ୍ରି ସେଟେଲମେଣ୍ଟ ଏସ୍‌ଜିଏସ୍‌ଟି ବର୍ଷକୁ ବର୍ଷ ଭିତ୍ତିରେ ୯ ପ୍ରତିଶତ ବୃଦ୍ଧି ପାଉଥିବା ଦେଖିବାକୁ ମିଳିଛି।