ନୂଆଦିଲ୍ଲୀ,୭।୧୨: ଋଷ-ୟୁକ୍ରେନ୍, ଇସ୍ରାଏଲ-ହାମସ ପରେ ଏବେ ଦୁଇ ଲାଟିନ୍ ଆମେରିକୀୟ ଦେଶ ଭିତରେ ଯୁଦ୍ଧ ସ୍ଥିତି ଦେଖିବାକୁ ମିଳିଛି। ଭେନେଜୁଏଲା ଓ ପଡୋଶୀ ଦେଶ ଗୁଏନା ଭିତରେ କେବେ ବି ଯୁଦ୍ଧ ହୋଇପାରେ। ଏହା ଭିତରେ ଗୁଏନାର ରାଷ୍ଟ୍ରପତି ଇରଫାନ୍ ଅଲ୍ଲୀ ବୁଧବାର କହିଛନ୍ତି, ତାଙ୍କ ଦେଶ ଭେନେଜୁଏଲାଠାରୁ ନିଜକୁ ବଞ୍ଚାଇବା ପାଇଁ ସବୁ ପ୍ରକାର ପଦକ୍ଷେପ ଗ୍ରହଣ କରୁଛି।
ଉଲ୍ଲେଖନୀୟ ଯେ, ଭେନେଜୁଏଲା କୌଣସ ମୂଲ୍ୟରେ ଘଞ୍ଚ ଜଙ୍ଗଳରେ ଭର୍ତ୍ତି ଇସେକ୍ୟୁବାକୁ ନିଜ କବଜାରେ ନେବାକୁ ଚାହୁଁଛି। ଏହି ଅଞ୍ଚଳ ଅରବ ଡଲାରର ତୈଳ ଭଣ୍ଡାର ଓ ଖଣିଜରେ ଭରି ରହିଛି। ଏହି କାରଣରୁ ସେ ଅଞ୍ଚଳରେ ଭେନେଜୁଏଲା ଓ ଗୁୟାନ ନିଜ ନିଜର ଅଧିକାର ଦେଖାଇ ଆସୁଛନ୍ତି। ଭେନେଜୁଏଲାର ଦାବି ଅନୁସାରେ, ବିଭାଜନ ବେଳେ ଗୁଏନା ଇସେକ୍ୟୁବା ଅଞ୍ଚଳକୁ ଚୋରାଇ ନୋଇଥିଲା। ଏଭଳି ସ୍ଥିତିରେ ଭେନେଜୁଏଲାର ରାଷ୍ଟ୍ରପତି ନିକୋଲାସ୍ ମାଦୁରେ ନିଜ ଦେଶର ଲୋକଙ୍କଠାରୁ ଏନେଇ ଜନମତ ସଂଗ୍ରମ କରିଥିଲେ, ଏହାପରେ ରାଷ୍ଟ୍ରପତି ଇସେକ୍ୟୁବାକୁ ଭେନେଜୁଏଲା ଭିତରେ ସାମିଲ କରିବା ଉପରେ ନିଜର ସହମତି ପ୍ରକାଶ କରିଥିଲେ। ଏଭଳି ସ୍ଥିତିରେ ଦୁଇ ଦେଶ ଭିତରେ ବିବାଦ ବଢି ଯାଇଛି।
ଗୁଏନାର ରାଷ୍ଟ୍ରପତିଙ୍କୁ ଏହା ପଚରା ଯାଇଥିଲା କ’ଣ ସେ ସାମରିକ ସହାୟତାର ଅନୁରୋଧ କରିଛନ୍ତି ? ଇରଫାନ୍ ଅଲ୍ଲୀ କହିଛନ୍ତି ତାଙ୍କ ସରକାର ଇସେକ୍ୟୁବାକୁର ରକ୍ଷା ପାଇଁ ସହଯୋଗୀ ଓ ଆଞ୍ଚଳିକ ଭାଗିଦାରୀ ପର୍ଯ୍ୟନ୍ତ ପହଁଞ୍ଚୁଛନ୍ତି, ଯେଉଁଥିରେ ଗୁଏନା ପ୍ରତିରକ୍ଷା ଚୁକ୍ତି ହୋଇଛି। ଆମେ ଏହି ବିପଦକୁ ଖୁବ୍ ଗମ୍ଭୀରତାର ସହ ନେଇଛୁ। ଏହି ଅଞ୍ଚଳରେ ଶାନ୍ତି ଓ ସ୍ଥିରତାକୁ ସୁନିଶ୍ଚିତ କରିବା ପାଇଁ ବହୁ ପଦକ୍ଷେପ ନେଇଛୁ।’
