ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

୧୧ ବର୍ଷ ପରେ ଅଲଗା ହେଲେ ଜିଭି ପ୍ରକାଶ କୁମାର-ସୈନ୍ଧଭି

ମୁମ୍ବାଇ,୧୪/୫: କଣ୍ଠଶିଳ୍ପୀ ସୈନ୍ଧଭିଙ୍କ ଠାରୁ ଛାଡ଼ପତ୍ର ଘୋଷଣା କରିଛନ୍ତି ସଙ୍ଗୀତ ନିର୍ଦ୍ଦେଶକ ତଥା ଅଭିନେତା ଜିଭି ପ୍ରକାଶ କୁମାର । ବିବାହର ୧୧ ବର୍ଷ ପରେ ପ୍ରକାଶ ଏବଂ ସୈନ୍ଧଭି ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଛନ୍ତି । ଏନେଇ ଜିଭିପ୍ରକାଶ ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି ଯେଉଁଥିରେ ସେ ଛାଡପତ୍ର ବିଷୟରେ ସୂଚନା ଦେଇଛନ୍ତି ।

ତେବେ ଜିଭି  ପ୍ରକାଶ ଇନଷ୍ଟାଗ୍ରାମରେ ପୋଷ୍ଟ ସେୟାର କରି ଲେଖିଛନ୍ତି,'ବହୁ ଚିନ୍ତା ପରେ ସୈନ୍ଧଭି ଏବଂ ମୁଁ ବିବାହର ୧୧ ବର୍ଷ ପରେ ଅଲଗା ହେବାକୁ ନିଷ୍ପତ୍ତି ନେଇଛୁ। ପରସ୍ପର ପ୍ରତି ସମ୍ମାନ ରକ୍ଷା କରୁଥିବାବେଳେ ଆମର ମାନସିକ ଶାନ୍ତି ଏବଂ ସୁସ୍ଥତା ପାଇଁ ଏହା ହେଉଛି ଭଲ ନିଷ୍ପତ୍ତି । ଆମ ଜୀବନରେ ଏହି ବ୍ୟକ୍ତିଗତ ପରିବର୍ତ୍ତନକୁ ନେଇ ଗଣମାଧ୍ୟମ, ବନ୍ଧୁ ଏବଂ ପ୍ରଶଂସକମାନେଆମର ଗୋପନୀୟତାକୁ ବୁଝନ୍ତୁ ଏବଂ ସମ୍ମାନ କରନ୍ତୁ। ଆମେ ବିଶ୍ୱାସ କରୁଛୁ ଏହା ପରସ୍ପର ପାଇଁ ଭଲ ନିଷ୍ପତ୍ତି । ଆପଣଙ୍କର ବୁଝିବା ଏବଂ ସମର୍ଥନ ଏହି କଷ୍ଟ ସମୟରେ ବହୁତ କିଛି । ଧନ୍ୟବାଦ।

ଏହି ଦମ୍ପତି ୨୦୧୩ ରେ ବିବାହ କରିଥିଲେ । ବିବାହର ୭ ବର୍ଷ ପରେ ଏହି ଦମ୍ପତି ୨୦୨୦ରେ ଝିଅ ଅନଭିଙ୍କ ପିତାମାତା ହୋଇଥିଲେ । ସୈନ୍ଧଭି ଜଣେ କର୍ଣ୍ଣାଟକ ଲୋକପ୍ରିୟ ଗାୟିକା  ହୋଇଥିବାବେଳେ ପ୍ରକାଶ ତାମିଲ ଏବଂ ତେଲୁଗୁ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ଗାୟକ ଏବଂ ଅଭିନେତା  । ଏହି ଯୋଡି ଅନେକ ପ୍ରୋଜେକ୍ଟରେ ଏକାଠି କାମ କରିଛନ୍ତି । ପ୍ରକାଶ ଥାଉକି, ଜିଭି ପ୍ରକାଶ ହେଉଛନ୍ତି ଓସ୍କାର ବିଜେତା ଏଆର ରେହମାନଙ୍କ ଭଣଜା । ସେ ବର୍ତ୍ତମାନ କଙ୍ଗନା ରାଣାୱତଙ୍କ ଏମରଜେନ୍ସି, ଅକ୍ଷୟ କୁମାରଙ୍କ ସରଫିରା, ନିତିନଙ୍କ ରବିନ୍ ହୁଡ୍ ଏବଂ ତାମିଲ, ତେଲୁଗୁ ଏବଂ ହିନ୍ଦୀର ବହୁ ସଂଖ୍ୟକ ଚଳଚ୍ଚିତ୍ର ରଚନା କରିବାରେ ବ୍ୟସ୍ତ ଅଛନ୍ତି । 




  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.