ଆଜିକାଲି ଅନେକ ଲୋକ ସ୍ୱାସ୍ଥ୍ୟର ଯତ୍ନ ପାଇଁ ସେମାନଙ୍କର ଦୈନନ୍ଦିନ ଖାଦ୍ୟରେ ବିଭିନ୍ନ ଫଳ,ଶସ୍ୟ ଜାତୀୟ ଖାଦ୍ୟ ଖାଇଥାନ୍ତି । କେବଳ ଏତିକି ନୁହେଁ ଡ୍ରାଏ ଫ୍ରୁଟ୍ସ ମଧ୍ୟ ଅନେକ ଲୋକ ଖାଇଥାନ୍ତି । ଯାହା ଆମ ସ୍ୱାସ୍ଥ୍ୟ ସୁସ୍ଥ ରଖିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ ବୋଲି ବିବେଚନା କରାଯାଏ । ତେବେ ସେଥି ମଧ୍ୟରୁ ଅଖରୋଟ ଅତ୍ୟନ୍ତ ସ୍ୱତନ୍ତ୍ର । କାରଣ ଅଖରୋଟରେ ପୋଷକ ତତ୍ତ୍ୱ ଭରପୁର ରହିଛି। ଯାହାଦ୍ୱାରା ଏହାକୁ ଖାଇଲେ ଅନେକ ସ୍ୱାସ୍ଥ୍ୟ ଉପକାର ହୋଇଥାଏ । ଏଭଳି ସମୟରେ ଅନେକ ଲୋକ ଏହାକୁ ସିଧାସଳଖ ଖାଇଥାନ୍ତି । କିନ୍ତୁ, ବିଶେଷଜ୍ଞମାନେ କହିଛନ୍ତି ଯେ ଖାଇବା ପୂର୍ବରୁ ସେମାନଙ୍କୁ ଭିଜାଇ ରଖିବା ଜରୁରୀ । କାହିଁକି ଏହାକୁ ଭିଜାଇ ଖାଇବା ଦରକାର ଏବଂ ଏଥିରେ କେଉଁ ପ୍ରକାରର ପୋଷକ ତତ୍ତ୍ୱ ଅଛି ଆସନ୍ତୁ ଜାଣିବା

ଅଖରୋଟରେ ଫାଇବର, ଭିଟାମିନ୍ E,ଫୋଲେଟ୍, ମ୍ୟାଗ୍ନେସିୟମ୍, ଫସଫରସ୍ ଭଳି ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ଭରପୂର ରହିଛି । ବିଶେଷଜ୍ଞମାନେ କହିଛନ୍ତି ଯେ ରୋଗ ପ୍ରତିରୋଧକ ଶକ୍ତି ବଢାଇବାରେ ଏବଂ ହାଡକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଏହାକୁ ନିୟମିତ ଖାଇବା ଦ୍ୱାରା ମସ୍ତିଷ୍କର ସ୍ୱାସ୍ଥ୍ୟରେ ଉନ୍ନତି ଆସେ ବୋଲି କୁହାଯାଏ । ଏଥିସହ ଅଖରୋଟରେ ଓମେଗା-3 ଫ୍ୟାଟି ଏସିଡ୍ ସହ ମନୋଅନସୁଚୁରେଟେଡ୍ ଏବଂ ପଲିଅନସୁଚୁରେଟେଡ୍ ଫ୍ୟାଟ୍ ରହିଛି । ଯାହା ହାର୍ଟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । ବିଶେଷଜ୍ଞମାନେ କହିଛନ୍ତି ଯେ ଅଖରୋଟକୁ ଭିଜାଇ ଖାଇବା ଅତ୍ୟନ୍ତ ଲାଭଦାୟକ ଅଟେ । ହଜମ ପ୍ରକ୍ରିୟାରେ ଉନ୍ନତି ଆଣେ: ବିଶେଷଜ୍ଞମାନେ କହିଛନ୍ତି ଯେ ଅଖରୋଟକୁ ଭିଜାଇବା ହଜମ ପ୍ରକ୍ରିୟାରେ ଉନ୍ନତି ଆଣେ । ଭିଜାଇବା ଦ୍ୱାରା ଏହି ପୋଷକ ତତ୍ତ୍ୱକୁ ଅବଶୋଷଣ କରିଥାଏ । ଫଳରେ ଏହା ହଜମ ପ୍ରକ୍ରିୟାରେ ସୁଧାର ଆଣିଥାଏ ଏବଂ ପେଟ ଗ୍ୟାସ ହୋଇ ନଥାଏ ।

ତିକ୍ତତା ହ୍ରାସ କରେ: ଅଖରୋଟକୁ ଭିଜାଇବାର ଆଉ ଏକ ଲାଭ ହେଉଛି ଏହା ତିକ୍ତତାକୁ ହ୍ରାସ କରିବାରେ ସାହାଯ୍ୟ କରିଥାଏ । ଏଥିସହ ଯେଉଁମାନେ ଅଖରୋଟ ଖାଇବାକୁ ପସନ୍ଦ କରନ୍ତି ନାହିଁ ସେମାନଙ୍କ ପାଇଁ ଏହା ଅତ୍ୟନ୍ତ ସହାୟକ ହୋଇଥାଏ ବୋଲି କୁହାଯାଏ ।

ନରମ ହୋଇଥାଏ: ଅଖରୋଟକୁ ଭିଜାଇବା ଦ୍ୱାରା ସେମାନଙ୍କୁ ନରମ ଏବଂ ଚୋବାଇବା ସହଜ ହୋଇଥାଏ । ହଜମ ମଧ୍ୟ ସହଜ ହୋଇଯାଏ । ବିଶେଷଜ୍ଞମାନେ ମତ ଦିଅନ୍ତି ଯେ ଦାନ୍ତ ସମସ୍ୟା ଥିବା ବ୍ୟକ୍ତିଙ୍କ ପାଇଁ ବି ସହାୟକ ହୋଇଥାଏ ।