ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ମହାରାଷ୍ଟ୍ରରେ କାୟା ମେଲାଉଛି ଜିକା ଭାଇରସ୍, ସଚେତନ ରହିବାକୁ ସରକାରଙ୍କ ନିର୍ଦ୍ଦେଶ

ବର୍ଷା ଋତୁର ଆଗମନ ଅନେକ ରୋଗକୁ ନିମନ୍ତ୍ରଣ ଦେଇଥାଏ । ଖାସ୍ କରି ସଂକ୍ରମଣ ରୋଗ ଖୁବ୍ ଶୀଘ୍ର ଆକ୍ରମଣ କରିଥାଏ । ଡେଙ୍ଗୁ ରୋଗ ପରେ ବର୍ତ୍ତମାନ ଏକ ନୂଆ ପ୍ରଜାତିର ସଂକ୍ରମଣ ସାମ୍ନାକୁ ଆସିଛି । ଜୁଲାଇ ୨ ରେ ପୁଣେରେ ଜଣେ 55 ବର୍ଷ ବୟସ୍କା ମହିଳା ଜୀକା ଭାଇରସ ସଂକ୍ରମିତ ହୋଇଥିବା ଜଣାପଡିଛି । ଏହା ପରେ ମହାରାଷ୍ଟ୍ରରୁ ଜୀକା ଭାଇରସ ମାମଲା କ୍ରମାଗତ ଭାବରେ ରିପୋର୍ଟ କରାଯାଉଛି । ବର୍ତ୍ତମାନ ପର୍ଯ୍ୟନ୍ତ ସେମାନଙ୍କ ସଂଖ୍ୟା ୭ ବୋଲି କୁହାଯାଉଛି । ଜୀକା ଭାଇରସରେ ପୀଡିତ ଥିବା ରୋଗୀଙ୍କ ସଂଖ୍ୟା ବଢୁଥିବାରୁ, ଗର୍ଭବତୀ ମହିଳାଙ୍କ ପରୀକ୍ଷା ଏବଂ ସେମାନଙ୍କର ବିଶେଷ ଯତ୍ନ ନେବା ପାଇଁ କେନ୍ଦ୍ର ସରକାର ରାଜ୍ୟମାନଙ୍କୁ ପରାମର୍ଶ ଦେଇଛନ୍ତି ।

ମହାରାଷ୍ଟ୍ରରେ ବୃଦ୍ଧି ପାଉଛି ଜୀକା ଭାଇରସ-

ମହାରାଷ୍ଟ୍ରର କେତେକ ଅଞ୍ଚଳରେ ଜିକା ଭାଇରସ୍ ମାମଲା ଦ୍ରୁତ ଗତିରେ ବୃଦ୍ଧି ପାଉଛି । ଗର୍ଭବତୀ ମହିଳାଙ୍କ ପାଇଁ ଏହି ଅବସ୍ଥା ଭଲ ନୁହେଁ ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସମସ୍ତ ରାଜ୍ୟକୁ ପରାମର୍ଶ ଦେଇଛନ୍ତି । ଠିକ୍ ସମୟରେ ସେମାନଙ୍କର ଯାଞ୍ଚ କରିବା ଅତ୍ୟନ୍ତ ଆବଶ୍ୟକ । ଯଦି କୌଣସି ମହିଳା ଏହି ରୋଗରେ ସଂକ୍ରମିତ ହୁଅନ୍ତି, ତା’ର ଗର୍ଭସ୍ଥ ଶିଶୁର ବିକାଶ ଉପରେ ନଜର ରଖିବା ଉଚିତ୍ ।

ଏଡିସ୍ ମଶା କାମୁଡ଼ିବା ଦ୍ୱାରା ହୋଇଥାଏ ଜୀକା ଭାଇରସ-

ସ୍ୱାସ୍ଥ୍ୟ ସେବା ବିଭାଗର ମହାନିର୍ଦ୍ଦେଶକ ଡ.ଅତୁଲ ଗୋୟଲ କହିଛନ୍ତି ଯେ, ସ୍ୱାସ୍ଥ୍ୟ ସୁବିଧାରୁ ଜଣେ ନୋଡାଲ ଅଧିକାରୀ ନିଯୁକ୍ତ କରିବାକୁ ମନ୍ତ୍ରଣାଳୟ ନିର୍ଦ୍ଦେଶ ଦେଇଛି । ଯାହା ଏଡିସ୍ ମଶା ଦ୍ୱାରା ହେଉଥିବା ରୋଗ ଉପରେ ନଜର ରଖେ । ଆପଣ ଜାଣିରଖନ୍ତୁ ଯେ, ଜୀକା ଭାଇରସ ସଂକ୍ରମଣ ଏଡିସ ମଶା କାମୁଡ଼ିବା ଦ୍ୱାରା ବିସ୍ତାର ହୁଏ । କେବଳ ଏତିକି ନୁହେଁ, ଏହା ଡେଙ୍ଗୁ ଏବଂ ଚିକନଗୁନିଆ ମଧ୍ୟ ସୃଷ୍ଟି କରିଥାଏ।

ଜୀକା ଭାଇରସ ଏବଂ ଏହାର ଲକ୍ଷଣ-

ଜୀକା ଭାଇରସ ଏଡିସ ମଶା କାମୁଡ଼ିବା ଦ୍ୱାରା ବିସ୍ତାର ହୁଏ । ଏହି ଜୀବାଣୁ ପ୍ରଥମେ ଉଗାଣ୍ଡାରେ ୧୯୪୭ ରେ ଦେଖା ଦେଇଥିଲା । ସେଠାରେ ଥିବା ଗଛରେ ଏହା ଦେଖିବାକୁ ମିଳିଥିଲା ।

ଜୀକା ଭାଇରସ କିପରି ବିସ୍ତାର ହୁଏ?

ସଂକ୍ରମିତ ମଶା କାମୁଡ଼ିବା ଦ୍ୱାରା ଜୀକା ଭାଇରସ ବିସ୍ତାର ହୁଏ । ଏହି ଜୀବାଣୁ ଯୌନ ସମ୍ପର୍କ, ରକ୍ତ ସଂକ୍ରମଣ କିମ୍ବା ପ୍ଲେସେଣ୍ଟା ମାଧ୍ୟମରେ ସଂକ୍ରମିତ ମା ଠାରୁ ଶିଶୁକୁ ପ୍ରସବ ସମୟରେ ଅତି ଶୀଘ୍ର ବ୍ୟାପିପାରେ । ତେଣୁ ପ୍ରଥମ ତ୍ରୟ ମାସିକରେ ଅଲଟ୍ରାସାଉଣ୍ଡ ସ୍କ୍ରିନିଂ କରିବା ସମୟରେ ଜଣେ ଗର୍ଭବତୀ ମହିଳା ସାବଧାନ ହେବା ଉଚିତ ।

ଜୀକା ଭାଇରସର ଲକ୍ଷଣ-

ସାଧାରଣତଃ ଜୀକା ଭାଇରସରେ ସଂକ୍ରମିତ ୮୦% ଲୋକଙ୍କ ଠାରେ କୌଣସି ସଂକ୍ରମଣ ଦେଖାଯାଏନାହିଁ । କିନ୍ତୁ ଯଦି କେହି ଜ୍ୱର, ଗଣ୍ଠି ଏବଂ ମାଂସପେଶୀ ଯନ୍ତ୍ରଣା, ମୁଣ୍ଡବିନ୍ଧା କିମ୍ବା କଞ୍ଜେକ୍ଟିଭାଇଟିସ୍ ଅନୁଭବ କରୁଛନ୍ତି, ତେବେ ଏହାକୁ ଅଣଦେଖା କରାଯିବା ଅନୁଚିତ । ସଂକ୍ରମିତ ମଶା କାମୁଡ଼ିବାର ଗୋଟିଏ ସପ୍ତାହ ପରେ ଏହି ଲକ୍ଷଣ ଦେଖାଯାଏ ଏବଂ ପ୍ରାୟ ଏକ ସପ୍ତାହ ପର୍ଯ୍ୟନ୍ତ ରହିପାରେ ।


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.