ମୁମ୍ୱାଇ ୧୯/୦୯: ପରଲୋକରେ ପ୍ରସିଦ୍ଧ ସଙ୍ଗୀତ ନିର୍ଦ୍ଦେଶକ ତଥା ହିମେଶ ରେଶମିୟାଙ୍କ ବାପା ବିପିନ ରେଶମିୟା। ୮୭ ବର୍ଷ ବୟସରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ଚିକିତ୍ସାଧୀନ ଅବସ୍ଥାରେ ମୁମ୍ବାଇର କୋକିଲାବେନ ଧୀରୁବାଇ ଅମ୍ବାନୀ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି । ତେବେ ତାଙ୍କର ମୃତ୍ୟୁ ଖବର ଶୁଣି ପରିବାରରେ ଦୁଃଖର ଛାୟା ଖେଳିଯାଇଛି। 

ତେବେ ସେ ଗତ ସେପ୍ଟେମ୍ବର ୧୮ ରାତି ପ୍ରାୟ ୮.୩୦ ସମୟରେ ସମସ୍ତଙ୍କୁ ଛାଡି ସବୁଦିନ ପାଇଁ ଶେଷ ନିଶ୍ୱାସ ତ୍ୟାଗ କରିଛନ୍ତି । ହିମେଶ ରେଶମିୟା ତାଙ୍କ ପିତାଙ୍କୁ ହରାଇ ଦୁଃଖରେ ଭାଙ୍ଗି ପଡିଛନ୍ତି । ସେ ତାଙ୍କ ସହିତ ଅତି ନିକଟତର ଥିଲେ । ସୂଚନା ଥାଉକି, ହିମେଶ ରେଶମିୟାଙ୍କ ବାପା ବିପିନ ରେଶମିୟା ବାର୍ଦ୍ଧକ୍ୟ ଜନିତ ପୀଡାରେ ଥିଲେ । ତାଙ୍କୁ ନିଶ୍ୱାସ ନେବାରେ ଅସୁବିଧା ହେଉଥିଲା, ପରେ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଗୁରୁବାର ଅର୍ଥାତ ଆଜି ତାଙ୍କ ମୃତଦେହକୁ ଘରକୁ ଅଣାଯିବା ପରେ   ଜୁହୁରେ ତାଙ୍କର ଶେଷକୃତ୍ୟ କରାଯିବ।  ବିପିନଙ୍କ ଅନ୍ତିମ ସଂସ୍କାର ବିଷୟରେ ସୂଚନା ଦେଇ ଫ୍ୟାଶନ ଡିଜାଇନର ବନିତା ଥାପର କହିଛନ୍ତି ଯେ ମୁଁ ବହୁତ ଦୁଃଖିତ । ମୁଁ ତଥାପି ବିଶ୍ୱାସ କରିପାରୁନି ନାହିଁ ଯେ ସେ ଆଉ ଏହି ଦୁନିଆରେ ନାହାଁନ୍ତି । ଆମର ସମ୍ପର୍କ ୨୦ ବର୍ଷ ପୁରୁଣା ଥିଲା ବୋଲି କହିଛନ୍ତି ।