ନୂଆଦିଲ୍ଲୀ,୧୨/୦୮: ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟର ତାଜା ମାମଲାରେ ସର୍ଟ ସେଲର୍‌ ସଂସ୍ଥା କହିଛି ଯେ ଆମର ସଦ୍ୟତମ ଅଭିଯୋଗକୁ ସେବି ମୁଖ୍ୟ ଗ୍ରହଣ କରିଛନ୍ତି। ଶନିବାର ରାତିରେ ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟରେ ସେବି ମୁଖ୍ୟ ମାଧବୀ ପୁରୀ ବୁଚ୍ଚଙ୍କ ବିରୋଧରେ ସମ୍ବେଦନଶୀଳ ଖୁଲାସା ହୋଇଛି ଯେ ଆଦାନୀ ଦୁର୍ନୀତିରେ ସେ ଏବଂ ତାଙ୍କ ସ୍ୱାମୀଙ୍କ ସମ୍ପର୍କ ରହିଛି। ରିପୋର୍ଟରେ ଏହା ସିଧାସଳଖ ଲେଖା ହୋଇଛି ଯେ ଆଦାନୀ ଗ୍ରୁପ୍‌ର ରିପୋର୍ଟ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେବି ନିଜର ଇଚ୍ଛା ପ୍ରକାଶ କରି ନାହିଁ କାରଣ ସେବି ମୁଖ୍ୟ, ଆଦାନୀ ଗ୍ରୁପ୍‌ରେ ପୁଞ୍ଜି ବିନିଯୋଗ କରିଥିଲେ।

ସୋସିଆଲ ମିଡିଆ ପୋଷ୍ଟରେ ହିଣ୍ଡେନବର୍ଗ, ସେବି ମୁଖ୍ୟ ମାଧବୀ ପୁରୀ ବୁଚ୍ଚ ଏବଂ ତାଙ୍କ ସ୍ୱାମୀ ଧୱଲ ବୁଚ୍ଚଙ୍କ ବିବୃତ୍ତିକୁ ଲଗାଇ କହିଛି ଯେ .. "ସେବି ମୁଖ୍ୟ ମାଧବୀ ପୁରୀ ବୁଚ୍ଚ ଏବଂ ତାଙ୍କ ସ୍ୱାମୀ ଧୱଲ ବୁଚ୍ଚ ୧୦ ଅଗଷ୍ଟ ୨୦୨୪ ରେ ତାଙ୍କ ହିଣ୍ଡେନବର୍ଗ ଦ୍ବାରା ତାଙ୍କ ବିରୁଦ୍ଧରେ ଲାଗି‌ଥିବା ଅଭିଯୋଗକୁ ନେଇ ଏକ ବୟାନ ଦାଖଲ କରିଛନ୍ତି। ଏହି ଅନୁସାରେ, ହିଣ୍ଡେନବର୍ଗ ରିପୋର୍ଟରେ ଯେଉଁ ଟଙ୍କା ବିଶୟରେ କୁହାଯାଇଛି, ସେଥିରେ ୨୦୧୫ରେ ବିନିଯୋଗ କରାଯାଇଥିଲା, ସେତେବେଳେ ଉଭୟ ସିଙ୍ଗାପୁରରେ ରହୁଥିଲେ। ମାଧବୀ ସେବି ରେ ଯୋଗଦେବାର ପ୍ରାୟ ୨ ବର୍ଷ ପୂର୍ବରୁ ଏହି ପୁଞ୍ଜି ବିନିଯୋଗ ହୋଇଥିଲା।

ଏହି ପୁଞ୍ଜି ବିନିଯୋଗ ପାଇଁ ନିଷ୍ପତ୍ତି ନିଆଯାଇଥିଲା, କାରଣ ମୁଖ୍ୟ ବିନିଯୋଗ ଅଧିକାରୀ ଅନିଲ ଆହୁଜା, ଧୱାଲଙ୍କ ସ୍କୁଲ ଏବଂ ଆଇଆଇଟି ଦିଲ୍ଲୀର ପିଲାଦିନର ବନ୍ଧୁ ଅଟନ୍ତି। ସିଟିବ୍ୟାଙ୍କ, ଜେପି ମୋର୍ଗାନ ଏବଂ 3i ଗ୍ରୁପ୍ ପିଏଲସିର ଜଣେ ପୂର୍ବତନ କର୍ମଚାରୀ ହୋଇ ମଧ୍ୟ ତାଙ୍କର ଅନେକ ଦଶନ୍ଧି ଧରି ଏକ ଦୃଢ଼ ପୁଞ୍ଜି ବିନିଯୋଗ କ୍ୟାରିୟର ରହିଛି, ଯାହା ଅନିଲ ଅହୁଜା ନିଶ୍ଚିତ କରିଛନ୍ତି। 

କହିରଖୁଛୁ ଯେ, ଶନିବାର ସକାଳେ ହିଣ୍ଡେନବର୍ଗ ଅନୁସନ୍ଧାନ ରିପୋର୍ଟ ଏଥିରେ ଲେଖିଛି ସୋସିଆଲ ମିଡିଆ ଠାରୁ ଆର୍ଥିକ ବଜାର ପର୍ଯ୍ୟନ୍ତ ହିଣ୍ଡେନବର୍ଗର ପରବର୍ତ୍ତୀ ଶିକାର କିଏ ହେବ ସେନେଇ ଚର୍ଚ୍ଚା ଜୋର ଧରିଥିଲା କାରଣ ଦେଢ଼ ବର୍ଷ ପୂର୍ବେ ଜାନୁୟାରୀ ୨୦୨୩ ରେ ହିଣ୍ଡେନବର୍ଗ ଆଦାନୀ ଗ୍ରୁପ ବିରୁଦ୍ଧରେ ନିଜର ରିପୋର୍ଟ ପ୍ରକାଶ କରି ଘରୋଇ ଷ୍ଟକ ବଜାରରେ ଆଲୋଡ଼ନ ସୃଷ୍ଟି କରିଥିଲା। ଏବଂ ଏହା ପରେ ଅନେକ ମାସ ପର୍ଯ୍ୟନ୍ତ, ଆଦାନୀ ଗ୍ରୁପ୍‌ର ଅଂଶଧନ ହ୍ରାସ ପାଇଥିଲା ।