ଭୁବନେଶ୍ୱର,୨୮/୦୮: ବିଳମ୍ୱିତ ରାତିରେ ହେଲା ସଡ଼କ ଦୁର୍ଘଟଣା । ଭୁବନେଶ୍ୱରର ଆଚାର୍ଯ୍ୟବିହାର ଛକରେ ହାଇୱା- ବୋଲେରୋ ଧକ୍କା । ଦୁର୍ଘଟଣାରେ ନଷ୍ଟହେଲା ଟ୍ରାଫିକ ପୋଷ୍ଟ,ସିସିଟିଭି ଏବଂ ସିଗ୍ନାଲ ଲାଇଟ୍ । ଏହି ଦୁର୍ଘଟଣାରେ ଉଭୟ ହାଇୱା ଏବଂ ବୋଲେରୋ ଚାଳକ ଆହତ ହୋଇଛନ୍ତି । 

ସୂଚନା ଅନୁଯାୟୀ, ଭୁବନେଶ୍ୱରରେ ବିଳମ୍ୱିତ ରାତିରେ ହେଲା ଦୁର୍ଘଟଣା । ଆଚାର୍ଯ୍ୟବିହାର ଛକରେ ହୋଇଥିବା ଏହି ହାଇୱା- ବୋଲେରୋ ଧକ୍କାରେ ଏକ ଟ୍ରାଫିକ ପୋଷ୍ଟ ସହ ସିସିଟିଭି ଏବଂ ସିଗ୍ନାଲ ଲାଇଟ୍ ସମ୍ପୂର୍ଣ୍ଣ ଭାବରେ ଭାଙ୍ଗି ଚୁରମାର ହୋଇଛି । ଏହି ଦୁର୍ଘଟଣା ଏତେ ଭୟଙ୍କର ହୋଇଥିଲା ଯେ, ଉଚ୍ଚ ଶବ୍ଦରେ କମ୍ପିଥିଲା ଆଚାର୍ଯ୍ୟବିହାର । ଏନେଇ ସ୍ଥାନୀୟଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଆହତଙ୍କୁ କ୍ୟାପିଟାଲ ହସ୍ପିଟାଲ ପଠାଇଛି । ଏଥି ସହିତ ଦୁର୍ଘଟଣା ହୋଇଥିବା ସ୍ଥାନରେ କ୍ଷତିଗ୍ରସ୍ତ ହୋଇଥିବା ସିସିଟିଭି ଏବଂ ବେଟ୍ରି ଗୁଡ଼ିକ ଜବତ କରି ଘଟଣାର ତଦନ୍ତ ଆରମ୍ଭ କରିଛି ପୋଲିସ ।