ମୁମ୍ବାଇ,୧୦/୦୯:ଫିଲ୍ମ 'ୱାର ୨'ସହ ପରଦାକୁ ଫେରୁଛନ୍ତି  ହ୍ରିତିକ ରୋଶନ ।  ଫିଲ୍ମର ସୁଟିଂ ଅକ୍ଟୋବର ୨୦୨୩ରୁ ଆରମ୍ଭ ହୋଇଥିବା ବେଳେ ୨୦୨୪ ମାର୍ଚ୍ଚ ରେ ହ୍ରିତିକ୍ ଏବଂ ଏପ୍ରିଲ ରେଜୁନିଅର ଏନଟିଆର ଚଳଚ୍ଚିତ୍ରର ସୁଟିଂ ଆରମ୍ଭ କରିଥିଲେ । ଏପରି ସମୟରେ ଫିଲ୍ମକୁ ନେଇ ସାମ୍ନାକୁ ଆସିଛି ଏକ ବଡ଼ ଅପଡେଟ୍ । ଫିଲ୍ମରେ କିଆରା ଆଡଭାନୀଙ୍କ ଏଣ୍ଟ୍ରି ହୋଇଥିବା ଜଣାପଡିଛି । ସେ ଫିଲ୍ମରେ ହ୍ରିତିକ ରୋଶନଙ୍କ ସହ ନଜର ଆସିବାକୁ ଥିବାବେଳେ  ଉଭୟ ଖୁବଶୀଘ୍ର ରୋମାଣ୍ଟିକ ଗୀତ ସୁଟ କରିବେ ବୋଲି ଜଣାପଡିଛି ।

ତେବେ ରିପୋର୍ଟ ଅନୁଯାୟୀ, ହ୍ରିତିକ ଏବଂ କିଆରା ଓ୍ବାର୨ ର ରୋମାଣ୍ଟିକ ଗୀତ  ଇଟାଲୀରେ ସୁଟିଂ ହେବ । ଏଥିପାଇଁ ଏହି ଦୁଇ ତାରକା ସେପ୍ଟେମ୍ବର ୧୮ ରେ ସେଠାକୁ ଯାଇ ଗୀତ ସୁଟ କରିବେ ବୋଲି ଜଣାପଡିଛି । ସେହିପରି ଏହାପୂର୍ବରୁ, ଇଟାଲୀର ଅମାଲଫି କୋଷ୍ଟର ପୋଷ୍ଟିନୋ ବିଚରେ ଚଳଚ୍ଚିତ୍ର 'ୱାର'ର 'ଘୁଙ୍ଗରୁ' ଗୀତ ସୁଟିଂ କରାଯାଇଥିଲା । ଏଥର ଫିଲ୍ମର ନିର୍ମାତା ଆଦିତ୍ୟ ଚୋପ୍ରା ଏବଂ ଆୟାନ ମୁଖାର୍ଜୀ ଭେନିସ ଏବଂ ହ୍ରଦ କୋମୋ ନିକଟରେ ଏହି ଗୀତର ସୁଟିଂ କରିବାକୁ ଯାଉଥିବା କୁହାଯାଉଛି । ସୂଚନା ଥାଉ କି, ହ୍ରିତିକ ରୋଶନ ଏବଂ କିଆରା ଆଡଭାନୀ ପ୍ରଥମ ଥର ପାଇଁ ଏକାଠି କାମ କରିବାକୁ ଯାଉଛନ୍ତି । ତେବେ ଫିଲ୍ମରେ ତାଙ୍କ ଏଣ୍ଟ୍ରିକୁ ନେଇ ନିର୍ମାତାଙ୍କ ଅଫିସିଆଲ ଘୋଷଣାକୁ ଅପେକ୍ଷା କରିଛନ୍ତି ଫ୍ୟାନ୍ସ ।