ମୁମ୍ବାଇ ୩୧/୦୩: ସୁପରହିରୋ ଥ୍ରୀଲର୍ ଫିଲ୍ମ ‘କ୍ରିଶ୍ ୪’ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି ହ୍ରିତିକ ରୋଶନ । ଏହି ଫ୍ରାଞ୍ଚାଇଜର ପୂର୍ବ ତିନି ଫିଲ୍ମ ‘କୋଇ ମିଲ ଗୟା’, ‘କ୍ରିଶ୍’ ଓ ‘କ୍ରିଶ୍ ୩’ ସୁପରହିଟ୍ ସାବ୍ୟସ୍ତ ହୋଇଥିଲା । ଏ ସମସ୍ତ ଫିଲ୍ମର ପ୍ରଯୋଜନା କରିବା ସହିତ ନିର୍ଦ୍ଦେଶନା ଦେଇଥିଲେ ରାକେଶ ରୋଶନ । ଏ ସିରିଜ୍ର ଚତୁର୍ଥ ଫିଲ୍ମ ପାଇଁ ମଧ୍ୟ ରାକେଶ ବେଶ୍ ତତ୍ପର ଅଛନ୍ତି ।
କେତେକ ମିଡିଆରେ ପ୍ରକାଶିତ ଖବର ଅନୁସାରେ, ହ୍ରିତିକଙ୍କ ତାଙ୍କର ପିତା ରାକେଶଙ୍କ ସହ ଏହି ଗ୍ରୀଷ୍ମ ଋତୁରେ ଫିଲ୍ମର କଥାବସ୍ତୁ ଓ ଅନ୍ୟାନ୍ୟ ବିଭାଗର କାର୍ଯ୍ୟ କରିବେ । ଏ ବର୍ଷ ଦୁହେଁ ମିଶି ଆଇଡିଆ ଓ ସ୍କ୍ରିପ୍ଟିଂ କାମ ଏ ବର୍ଷ ଶେଷ କରିବେ । ଏସବୁ କାମ ସାରି ଆସନ୍ତା ବର୍ଷ ‘କ୍ରିଶ୍ ୪’ର ସୁଟିଂ ଆରମ୍ଭ କରିବା ପାଇଁ ଦୁହେଁ ଯୋଜନା କରିଛନ୍ତି । ବର୍ତ୍ତମାନ ଏହି ଫିଲ୍ମ ପାଇଁ ଭିନ୍ନ ଭିନ୍ନ ସ୍କ୍ରିପ୍ଟ ଓ ଆଇଡିଆ ପ୍ରସ୍ତୁତ କରାଯାଉଛି । ସେସବୁକୁ ବିଚାର କରି ଦେଖିବା ପରେ ଉପଯୁକ୍ତ କାହାଣୀ ଓ ଆଇଡିଆ ବାଛିବେ ।
୨୦୦୩ରେ ‘କ୍ରିଶ୍’ ଫ୍ରାଞ୍ଚାଇଜି ଆରମ୍ଭ ହୋଇଥିଲା । ଏହି ଫ୍ରାଞ୍ଚାଇଜିର ପ୍ରଥମ ସିନେମା ଥିଲା ‘କୋଇ ମିଲ୍ ଗୟା’ । ଏଥିରେ ଋତ୍ୱିକ୍ ରୋଶନ ଓ ପ୍ରୀତି ଜିଣ୍ଟା ମୁଖ୍ୟ ନାୟକ ଓ ନାୟିକା ଚରିତ୍ର ନିର୍ବାହ କରିଥିଲେ । ଏହାର ୩ ବର୍ଷ ପରେ ଆସିଥିଲା ‘କ୍ରିଶ୍’ । ପୁଣି ୨୦୧୩ରେ ‘କ୍ରିଶ୍ ୩’ ସିନେମା ଘରକୁ ଆସିଥିଲା ।