ବାଡମେର – ରାଜସ୍ଥାନର ବାଡମେର ଜିଲ୍ଲାରେ ବାୟୁସେନାର ମିଗ୍‌-୨୯ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଉକ୍ତ ଦୁଘଟଣା ସୋମବାର (୨ ସେପ୍ଟେମ୍ୱର) ରାତିରେ ଘଟିଛି । ସ୍ଥାନୀୟ ପୁଲିସ ମୁତାବିକ ଏହି ସୂଚନା ମିଳିଛି। ସେଠାରେ ବାୟୁସେନାର ଅଧିକାରୀ କହିଛନ୍ତି କି, ଏହି ଦୁର୍ଘଟଣାରେ ପାଇଲଟ ଅଛନ୍ତି। ସେ ନିଜକୁ ସୁରକ୍ଷିତ ଭାବେ ବିମାନରୁ ବାହାରକୁ ଆସିବାରେ ସଫଳ ହୋଇଛନ୍ତି। ଦୁର୍ଘଟଣାର ସ୍ଥାନରେ ଧନଜୀବନ କ୍ଷୟଭତିର ଖବର ଆସି ନାହିଁ। ବାୟୁସେନା କୋର୍ଟ ଅଫ୍‌ ଇନକ୍ୱାରୀର ଆଦେଶ ଦେଇଛି। 

ଦୁର୍ଘଟଣା ପରେ ଭାରତୀୟ ବାୟୁ ସେନା ପକ୍ଷରୁ ବୟାନ ଜାରି କରାଯାଇଛି। ବାୟୁସେନା ଏକ୍ସରେ ନିଜର ପୋଷ୍ଟରେ କହିଛି- ହାଡମେର ସେକ୍ଟରରେ ଏକ ନିୟମିତ ରାତ୍ରି ପ୍ରଶିକ୍ଷଣ ମିଶନ ବେଳେ , ଏକ ଆଇଏଏଫ୍‌ ମିଗ୍‌- ୨୯ ରେ ଏକ ଗୁରୁତର ଟେକ୍ନିକାଲ ସମସ୍ୟା ଆସି ଥିଲା , ଯେଉଁଥି ପାଇଁ ପାଇଲଟଙ୍କୁ ବିମାନରୁ ଇଜେକ୍ଟ କରିବାକୁ ପଡ଼ିଛି। ପାଇଲଟ୍‌ ସୁରକ୍ଷିତ ଅଛନ୍ତି , କୌଣସି ଧନଜୀବନର କ୍ଷୟକ୍ଷତିର ଖବର ନାହିଁ ।