ମୁମ୍ବାଇ,୨୬/୦୫: ଆସନ୍ତା ମାସ ୧ ତାରିଖରୁ ଆରମ୍ଭ ହେବାକୁ ଯାଉଥିବା ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ଭାରତୀୟ ଦଳ ଶନିବାର ୟୁଏସ୍ଏ ଯାତ୍ରା କରିଛି । ପ୍ରଥମ ପର୍ଯ୍ୟାୟରେ ଅଧିନାୟକ ରୋହିତ ଶର୍ମାଙ୍କ ସମେତ କୋଚ୍ ରାହୁଲ ଦ୍ରାବିଡ, ରିଷଭ ପନ୍ତ, ସୂର୍ଯ୍ୟକୁମାର ଯାଦବ, ଶିବମ ଦୁବେ, ରବିନ୍ଦ୍ର ଜାଡେଜା, କୁଲଦୀପ ଯାଦବ, ଯଶପ୍ରୀତ ବୁମରା, ଅର୍ଶଦୀପ ସିଂହ, ଶୁଭମନ ଗିଲ, ମହମ୍ମଦ ସିରାଜ, ଅକ୍ଷର ପଟେଲ ପ୍ରମୁଖ ମୁମ୍ବାଇ ବିମାନ ବନ୍ଦରରୁ ଲଣ୍ଡନ ଅଭିମୁଖେ ଯାତ୍ରା କରିଥିଲେ । ସେଠାରେ ଉପ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଦଳ ସହ ଯୋଗ ଦେବେ ବୋଲି ଜଣାପଡ଼ିଛି ।
ଯଶସ୍ୱୀ ଜୈସ୍ୱାଲ୍, ସଞ୍ଜୁ ସାମସନ, ରିଙ୍କୁ ସିଂହ, ବିରାଟ କୋହଲି ପ୍ରମୁଖ ଦ୍ୱିତୀୟ ପର୍ଯ୍ୟାୟରେ ଆମେରିକା ଯାତ୍ରା କରିବେ । ଜୁନ ୫ ତାରିଖରେ ଭାରତ ବିଶ୍ୱକପ୍ ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ରେ ଦଳ ଆୟର୍ଲାଣ୍ଡକୁ ଭେଟିବ । ଏହାପରେ ଦଳ ଜୁନ ୯ରେ ପାକିସ୍ତାନ, ଜୁନ ୧୨ରେ ୟୁଏସ୍ଏ ଓ ୧୫ ତାରିଖରେ କାନାଡ଼ାକୁ ଭେଟିବ।
