ଚାନ୍ଦବାଲି, ୦୮/୧୧ : ବେଆଇନ ବାଣ କାରଖାନା ଉପରେ ଚଢାଉ। ଭଦ୍ରକ ଜିଲ୍ଲା ଚାନ୍ଦବାଲି ଥାନା ପଳାସପୁର ଗାଁରେ ବେଆଇନ ବାଣ କାରଖାନା ଉପରେ ମତୋ ଏବଂ ଚାନ୍ଦବାଲି ପୋଲିସ ମିଳିତ ଚଢ଼ାଉ କରିଛି। ଏହି ସମୟରେ ୧୦ ବସ୍ତାରୁ ଉର୍ଦ୍ଧ୍ଵ ବାଣ ଜବତ ହୋଇଛି। ବାଣ କରିଗର ଫେରାର ହୋଇଯାଇଛି।

ସୂଚନାନୁଯାୟୀ, ଖେରଙ୍ଗ ପଞ୍ଚାୟତ ପଳାଶପୁରରେ ବେଆଇନ ବାଣ କାରଖାନା ଉପରେ ଅଚାନକ ଚଢ଼ାଉ କରାଯାଇଛି। ୧୦ ବସ୍ତାରୁ ଉର୍ଦ୍ଧ୍ଵ ବାଣ ସହ କିଛି ବାରୁଦ ଏବଂ ବାଣ ତିଆରି ଜିନିଷ ପତ୍ର ଜବତ ହୋଇଛି। ଆଗକୁ ଦୀପାବଳୀ ଥିବାରୁ ବାଣ କାରିଗରମାନେ ବେଆଇନ ଭାବେ ଲୁଚିଛପି ବାଣ ତିଆରି କରୁଛନ୍ତି। ଚାନ୍ଦବାଲି ପୋଲିସ ଖବରପାଇ ଚଢାଉ କରିଛି। ଚାନ୍ଦବାଲି ଥାନା ଅଧିକାରୀ ପଞ୍ଚାନନ ମହାନ୍ତି, ଅତିରିକ୍ତ ତହସିଲଦର ଠାକୁର ଦାସ, ଫାଣ୍ଡି ଅଧିକାରୀ ବୁଦ୍ଧିରାମ ମହାନ୍ତି ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।