ଇସଲାମାବାଦ : ପାକିସ୍ତାନର ତେହରିକ୍‌ –ଏ-ଇନସାଫ୍‌ର ସଂସ୍ଥାପକ ଇମ୍ରାନ ଖାନ ଓ ପାର୍ଟି ନେତା ଶାହ ମହମୁଦ କ୍ୟୁରେଶୀଙ୍କୁ ଇସଲାମାବାଦ ହାଇକୋର୍ଟଙ୍କ ଠାରୁ ମିଳିଛି ବଡ଼ ଆଶ୍ୱସ୍ତି। କୋର୍ଟ ସିଫର ମାମଲାରେ ପିଟିଆଇର ଉଭୟ ନେତାଙ୍କୁ ସୋମବାର ମୁକ୍ତ କରି ଦେଇଛନ୍ତି। ହାଇକୋର୍ଟଙ୍କ ଚିଫ୍‌ ଜଷ୍ଟିସ୍‌ ଆମିର ଫାରୁକ୍ ଓ ଜଷ୍ଟିସ୍‌ ମିୟାଙ୍ଗୁଲ ହସନ ଔରଙ୍ଗଜେବଙ୍କ ମିଳିତ ବେଞ୍ଚ ମାମଲାର ଶୁଣାଣି କରିଛନ୍ତି। ପୀଠ ସିଫର ମାମଲାରେ ସଜାର ବିରୋଧରେ ଇମ୍ରାନ ଖାନ ଓ ଶାହ ମହମୁଦ କ୍ୟୁରେଶୀଙ୍କ ଅପିଲ ସ୍ୱୀକାର କରିବା ପରେ ନିଜର ନିଷ୍ପତ୍ତି ଶୁଣାଇଛନ୍ତି। ହେଲେ , ତୋଶଖାନା ଓ ଇଦ୍ଦତ ମାମଲାରେ ସଜା କାରଣରୁ , ପିଟିଆଇର ଉଭୟ ନେତା ଜେଲରୁ ମୁକ୍ତ ହେବାର ଆଶା ନାହିଁ। କହି ରଖୁଛୁ କି , ପାକିସ୍ତାନର ପୂର୍ବତନ ବିଦେଶ ମନ୍ତ୍ରୀ ଶାହ ମହମୁଦ କ୍ୟୁରେଶୀଙ୍କୁ ନିକଟରେ ୯ ମେ’ର ମାମଲାରେ ଗିରଫ କରାଯାଇଛି।

ଏହା ପୂର୍ବରୁ , ଇମ୍ରାନ ଖାନଙ୍କ ଓକିଲ ଗୋପନୀୟ କାଗଜପତ୍ର ଲିକ୍‌ କରାଯିବା ମାମଲାରେ ତଳ କୋର୍ଟଙ୍କ ନିଷ୍ପତ୍ତିରେ ଥିବା ତ୍ରୁଟି ଆଡ଼କୁ ଇସାରା କରିଥିଲେ। ସେ କହିଥିଲେ ଯେ ବିଦେଶୀ ଶକ୍ତିକୁ ଖୁସି କରାଇବାକୁ ପିଟିଆଇ ସଂସ୍ଥାପକ ଓ କ୍ୟୁରେଶୀଙ୍କୁ ଏହି ମାମଲାରେ ସଜା ଶୁଣା ଯାଇଥିଲା। ପାକିସ୍ତାନ ମୁସଲିମ୍‌ ଲିଗ୍‌(ନୱାଜର) ପୂର୍ବତନ ସରକାର ବେଳେ ସଂଘୀୟ ଯାଞ୍ଚ ଏଜେନ୍ସି  ସିଫରର ଦୁରୁପଯୋଗ ପାଇଁ ଖାନ୍‌ ଓ କ୍ୟୁରେଶୀଙ୍କ ବିରୋଧରେ ମାମଲା ରୁଜୁ କରିଥିଲା। ପୂର୍ବତନ ପ୍ରଧାନମନ୍ତ୍ରୀ ଖାନ୍‌ ଓ କ୍ୟୁରେଶୀଙ୍କ ଗୋପନୀୟତା କାଗଜପତ୍ର ଲିକ୍ କରିବା ମାମଲାରେ ୧୦ ବର୍ଷର ସଜା ଶୁଣାଯାଇ ଥିଲା। ତାଙ୍କର ଓକିଲ ସଲମାନ ସଫଦର କହିଛନ୍ତି କି, ପୂର୍ବତନ ପ୍ରଧାନମନ୍ତ୍ରୀ ଖାନଙ୍କୁ ପୂର୍ବର ଆମେରିକୀୟ ପ୍ରଭାରୀ ଦୂତଙ୍କ ନିର୍ଦ୍ଦେଶରେ ଜେଲ୍‌ରେ ରଖାଯାଇଛି। 

ଅନ୍ୟପଟେ ପାକିସ୍ତାନର ଏକ ଅଦାଲତ ପୂର୍ବତନ ପ୍ରଧାନମନ୍ତ୍ରୀ ଓ ତାଙ୍କର ପାର୍ଟିର ଅନ୍ୟ ନେତାଙ୍କୁ ମାର୍ଚ୍ଚ ୨୦୨୨ରେ ବିରୋଧ ରାଲି ବେଳେ ଭଙ୍ଗାରୁଜା କରିବା ସହ ଜଡ଼ିତ ମାମଲାରେ ମୁକ୍ତ କରି ଦେଇଛନ୍ତି।