ମାଲକାନଗିରି/ଖଇରପୁଟ, ୬/୮(ଆପ୍ର ):  ମାଲକାନଗିରି ଜିଲ୍ଲାରେ ଦୀର୍ଘ ୨୨ ଦିନ ଧରି ଲଗାଣ ବର୍ଷା ଲାଗି ରହିବା ଦ୍ୱାରା ଜିଲ୍ଲାର ବିଭିନ୍ନ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟିଛି । ବିଶେଷ କରି ବଣ୍ଡା ଘାଟିରେ ଦୁଇଥର ପାହାଡ଼ ଧସି ଯୋଗାଯୋଗ ବିଛିନ୍ନ ହୋଇଛି। ପ୍ରଶାସନ ପକ୍ଷରୁ ଯୁଦ୍ଧକାଳୀନ ଭିତିରେ ବଣ୍ଡା ଘାଟି ରାସ୍ତା ମରାମତି କରାଯିବା ପରେ ଯାତାୟତ ସ୍ୱାଭାବିକ ହୋଇପାରିଛି। 

ପୁଣି ଗତ କାଲି ରାତି‌ରେ  ପ୍ରବଳ ବର୍ଷାରେ ମାଲକାନଗିରି ଜିଲ୍ଲା ଖଇରପୁଟ ବ୍ଳକ୍ ବଣ୍ଡାଘାଟୀର ମାଙ୍କଡ ଝୋଲା ଝରଣାରେ ପ୍ରବଳ ବେଗରେ ପାଣି ପ୍ରଭାବିତ ହୋଇ ପାହାଡ ଉପରୁ ଝରଣା ପାଣିରେ ମାଟି ପଥର ଖସି ଆସି  ରାସ୍ତା ଅବରୋଧ ହୋଇଥିଲା। ବ୍ଲକ ପ୍ରଶାସନିକ ଅଧିକାରୀ ସେଠାରେ ପହଁଚି ରାସ୍ତାରୁ ମାଟି ପଥର ହଟାଇବା ପରେ ଖଇରପୁଟରୁ ବଣ୍ଡା ଘାଟି ମୁଦୁଲିପଡାକୁ ଯାନବାହାନ ଚଳାଚଳ ସ୍ୱାଭାବିକ ହୋଇଛି।