ନୂଆଦିଲ୍ଲୀ,୫/୯ : ବାଂଗଲାଦେଶ ଟିମ୍ ଚଳିତ ମାସ ଭାରତ ଗସ୍ତରେ ଆସିବାରେ ଅଛି । ୧୯ସେପ୍ଟେମ୍ବରରୁ ଉଭୟଙ୍କ ମଧ୍ୟରେ ଦୁଇ ମ୍ୟାଚର ଟେଷ୍ଟ ସିରିଜ ଏବଂ ଏହାପରେ ୩ ଟି-୨୦ ଅନ୍ତର୍ଜାତୀୟ ମ୍ୟାଚର ସିରିଜ ଖେଳାଯିବ । ପ୍ରଥମ ଟେଷ୍ଟ ମ୍ୟାଚ୍ ୧୯ରୁ ୨୩ସେପ୍ଟେମ୍ବର ଭିତରେ ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମରେ ଖେଳାଯିବ । ଏହି ଟେଷ୍ଟ ସିରିଜରେ ଟିମ୍ ଇଣ୍ଡିଆର ଅନୁଭବୀ ସ୍ପିନର ଏବଂ ଦେଶ ଲାଗି ଦ୍ବିତୀୟ ସବୁଠାରୁ ଅଧିକ ଓ୍ବିକେଟ ନେଇଥିବା ବୋଲର ରବିଚନ୍ଦ୍ରନ ଅଶ୍ବିନଙ୍କ ଟାର୍ଗେଟରେ ଭେଟରାନ ଜହୀର ଖାନଙ୍କ ଏକ ବଡ଼ ରେକର୍ଡ ହେବ । ସେ ଏହାକୁ ଭାଙ୍ଗିବାରେ ବେଶୀ ଦୂର ନାହାନ୍ତି । ଯଦି ତାଙ୍କ ଯାଦୁ ପ୍ରଥମ ମ୍ୟାଚରେ ଚାଲିବ ତ ଜହୀର ଖାନଙ୍କ ମହାରେକର୍ଡ଼ ଭାଙ୍ଗି ଦେବେ ।
ପ୍ରକାଶ ଯେ, ଭାରତ ଏବଂ ବାଂଗଲାଦେଶ ମଧ୍ୟରେ ଏବେ ପର୍ଯ୍ୟନ୍ତ ଖେଳାଯାଇଥିବା ଟେଷ୍ଟ ମ୍ୟାଚରେ ସବୁଠାରୁ ଅଧିକ ଓ୍ବିକେଟ ନେବାର ରେକର୍ଡ଼ ଜହୀର ଖାନଙ୍କ ନାଁ ଅଛି । ସେ ୭ମ୍ୟାଚ ଖେଳିଥିବାବେଳେ ଯେଉଁଥିରେ ୩.୮୦ର ଇକନୋମୀ ରେଟରେ ୩୧ଓ୍ବିକେଟ ନେଇଛନ୍ତି । ସେ ବାଂଗଲାଦେଶ ବିପକ୍ଷ ଟେଷ୍ଟ ମ୍ୟାଚ୍ ଦୁଇ ଥର ୫ଓ୍ବିକେଟ ନିକଟରେ ନେଇସାରିଛନ୍ତି । ତାଙ୍କର ଏକ ଇନିଂଗରେ ସର୍ବଶ୍ରେଷ୍ଠ ପ୍ରଦର୍ଶନ ୫/୨୨ ରହିଥିଲା । ଦୁଇ ଦେଶ ମଧ୍ୟରେ ହୋଇଥିବା ଟେଷ୍ଟ ମ୍ୟାଚରେ ସବୁଠାରୁ ଅଧିକ ଓ୍ବିକେଟ ନେଇଥିବା ଦ୍ବିତୀୟ ବୋଲରଙ୍କ ନାଁ ଇଶାନ୍ତ ଶର୍ମା ଅଟେ । ସେ ୭ମ୍ୟାଚରେ ୨୫ଓ୍ବିକେଟ ନେଇଛନ୍ତି ।
ରବିଚନ୍ଦ୍ରନ ଅଶ୍ବିନ ନମ୍ବର-୧ ହେବାରୁ କେବଳ ୯ଓ୍ବିକେଟ ଦୂରରେ ଅଛନ୍ତି । ୯ ଓ୍ବିକେଟ ନେବା ପରେ ଅଶ୍ବିନ ଜହୀର ଖାନଙ୍କୁ ଭାରତ ବାଂଗଲାଦେଶ ଟେଷ୍ଟ ମ୍ୟାଚରେ ସବୁଠାରୁ ଅଧିକ ଓ୍ବିକେଟ ନେଇଥିବା ବୋଲର ଭାବେ ପଛରେ ପକାଇଦେବେ ଏବଂ ନମ୍ବର -୧ ହୋଇଯିବେ । ଅଶ୍ବିନୀ ଏବେ ପର୍ଯ୍ୟନ୍ତ ୨୩ ଓ୍ବିକେଟ୍ ନେଇଛନ୍ତି ଏବଂ ଲିଷ୍ଟରେ ତୃତୀୟ ସ୍ଥାନରେ ଅଛନ୍ତି । ସେ ୬ମ୍ୟାଚ ଖେଳି ଏହି ଓ୍ବିକେଟ ନେଇଛନ୍ତି । ଏହି ସମୟରେ ଏହି ଅନୁଭବୀ ସ୍ପିନର ଦୁଇ ଥର ୪ଓ୍ବିକେଟ ନେଇଛନ୍ତି ଏବଂ ଥରକରେ ୫ଓ୍ବିକେଟ ନିକଟରେ ହାସଲ କରିଛନ୍ତି ।
