ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

୨୦୨୫ରୁ ସବୁ ମୋବାଇଲ ସି ପୋର୍ଟ ଚାର୍ଜିଂ ବ୍ୟବସ୍ଥା, ଦେଶରେ ଇ-ବର୍ଜ୍ୟ ପରିମାଣ କମାଇବାକୁ ସରକାର ପଦକ୍ଷେପ

ନୂଆଦିଲ୍ଲୀ, ୨୭।୬: ମୋବାଇଲ ଫୋନ୍‌ଗୁଡ଼ିକୁ ଚାର୍ଜ କରିବା ପାଇଁ ସଦ୍ୟତମ ଜ୍ଞାନକୌଶଳ ସମ୍ୱଳିତ ସି ପୋର୍ଟ ବ୍ୟବସ୍ଥାକୁ ୟୁରୋପୀୟ ସଂଘ ବାଧ୍ୟତାମୂଳକ କରିବା ପରେ ଭାରତ ମଧ୍ୟ ଅନୁରୂପ ବ୍ୟବସ୍ଥା ଆପଣାଇବ ବୋଲି ଜଣାଯାଇଛି । ଆସନ୍ତା ବର୍ଷ ଜୁନ୍ ମାସରୁ ଦେଶର ଫୋନ୍ ନିର୍ମାତାମାନେ ସେମାନଙ୍କର ଫୋନ୍ ଓ ଟାବଲେଟ୍‌ଗୁଡ଼ିକରେ କେବଳ ସି-ପୋର୍ଟ ଚାର୍ଜିଂ ବ୍ୟବସ୍ଥା ରଖିବାକୁ ସରକାର ସମୟ ଧାର୍ଯ୍ୟ କରିଛନ୍ତି । ତଦନୁଯାୟୀ, ଅନୁରୂପ କେବୁଲ୍ ମଧ୍ୟ ଯୋଗାଇବାକୁ କୁହାଯାଇଛି । ସେହିପରି ୨୦୨୬ ଶେଷ ସୁଦ୍ଧା ଲାପ୍‌ଟପ୍‌ଗୁଡ଼ିକରେ ମଧ୍ୟ ଅନୁରୂପ ଚାର୍ଜିଂ ବ୍ୟବସ୍ଥା ବାଧ୍ୟତାମୂଳକ କରାଯିବ । 

ତେବେ ବର୍ତ୍ତମାନ ପାଇଁ ହେଡ୍‌ଫୋନ୍ ଓ ଇୟରଫୋନ୍ ପାଇଁ ଏହା ଲାଗୁ ହେବନାହିଁ । ଦେଶରେ ଇ-ବର୍ଜ୍ୟ ପରିମାଣ କମାଇବା ପାଇଁ ସରକାର ଏଭଳି ପଦକ୍ଷେପ ନେଇଛନ୍ତି । ସମ୍ପ୍ରତି ଏହି ଇ-ବର୍ଜ୍ୟ ଏକ ସମସ୍ୟା ଭାବେ ଉଭା ହୋଇଥିବା ବେଳେ ତାହାର କ୍ରମବର୍ଦ୍ଧିଷ୍ଣୁ ପ୍ରରାଣରେ ରୋକ୍ ଲଗାଇବା ପାଇଁ ବିଭିନ୍ନ ଦେଶ ପକ୍ଷରୁ ଏପରି ଦୃଢ଼ କଟକଣାମାନ ଲାଗୁ କରାଯାଉଛି । 

ତେବେ ଆଶ୍ୱସ୍ତିର ବିଷୟ, ଆପଲ୍ କମ୍ପାନୀ ସମେତ ଅନ୍ୟ ଫୋନ୍ ନିର୍ମାତାମାନେ ସେମାନଙ୍କ ଫୋନ୍‌ଗୁଡ଼ିକରେ ପୂର୍ବରୁ ଏହି ସି ପୋର୍ଟ ଚାର୍ଜିଂ ବ୍ୟବସ୍ଥା ଖଞ୍ଜି ସାରିଛନ୍ତି । ତେଣୁ ସରକାରଙ୍କ ଏହି ନୂତନ କଟକଣା ସେମାନଙ୍କ ଉପରେ ବିଶେଷ କିଛି ପ୍ରଭାବ ପକାଇବ ନାହିଁ । ଅପରପକ୍ଷେ, ଅଳ୍ପ ମୂଲ୍ୟର ସାଧାରଣ ଫୋନ୍ ବ୍ୟବହାର କରୁଥିବା ନିମ୍ନ ବର୍ଗର ଗ୍ରାହକଙ୍କ ପାଇଁ ଏହା ସାମୟିକ ଭାବେ କଷ୍ଟକର ହେବ ନିଶ୍ଚୟ । ତେଣୁ ସମସ୍ତଙ୍କ ପାଇଁ ଏକ ପ୍ରକାର ଚାର୍ଜିଂ ବ୍ୟବସ୍ଥା କରାଇବା ଦ୍ୱାରା ବ୍ୟବହାରକାରୀମାନେ ଗୋଟିଏ ପ୍ରକାର ଚାର୍ଜରେ ସମସ୍ତ ଫୋନ୍ ସମେତ ଟାବଲେଟ୍, ଲାପଟପ୍ ଆଦି ଚାର୍ଜିଂ କରିପାରିବେ । ସୁତରାଂ, ପରୋକ୍ଷରେ ଏହା ଇ-ବର୍ଜ୍ୟ ପରିମାଣ କମାଇବ ବୋଲି ଆଶା କରାଯାଉଛି ।  

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.