ନୂଆଦିଲ୍ଲୀ,୨୯।୧: ସୋମାଲିଆର ପୂର୍ବ ଉପକୂଳ ଅଞ୍ଚଳରେ ନିୟୋଜିତ ଭାରତୀୟ ନୌସେନାର INS ସୁମିତ୍ରା ଇରାନର ଫ୍ଲାଗଡ୍ ଜାହାଜରୁ ସମୁଦ୍ର ଲୁଟେରାଙ୍କ ଦ୍ୱାରା ଅପହରଣ ହୋଇଥିବା ମତ୍ସ୍ୟଜୀବୀ ଏବଂ ଅନ୍ୟ ଲୋକଙ୍କୁ ଉଦ୍ଧାର କରିଛି। ସୋମବାର INS ସୁମିତ୍ରା ଏହି ଉଦ୍ଧାର କାର୍ଯ୍ୟ କରିଛି।
Swift response by #IndianNavy's Mission Deployed warship ensures safe release of hijacked vessel & crew.#INSSumitra, on #AntiPiracy ops along East coast of #Somalia & #GulfofAden, responded to a distress message regarding hijacking of an Iranian flagged Fishing Vessel (FV)… pic.twitter.com/AQTkcTJvQo
— SpokespersonNavy (@indiannavy) January 29, 2024
ନୌସେନାର ମୁଖପାତ୍ର କମାଣ୍ଡର ବିବେକ ମାଧୱାଲ କହିଛନ୍ତି, ସୋମାଲିଆର ପୂର୍ବ ଉପକୂଳ ତଥା ଆଡେନ ଉପକୂଳରେ ଏଭଳି କାର୍ଯ୍ୟ ପାଇଁ ନିୟୋଜିତ ଆଇଏନ୍ଏସ୍ ସୁମିତ୍ରା ଇରାନ ପତାକା ଲାଗିଥିବା ମତ୍ସ୍ୟଜୀବୀଙ୍କ ଜାହାଜ ଇମାନର ଅପହରଣ ସମ୍ପର୍କରେ ସୂଚନା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଜାହାଜରେ ସମୁଦ୍ର ଲୁଟେରା ଚଢିଯାଇଥିଲେ ଓ ଚାଳକ ଦଳକୁ ବନ୍ଧକ ବନାଇ ଦେଇଥିଲେ। ’
ମାଧୱାଲ କହିଛନ୍ତି, ଆଇଏନ୍ଏସ୍ ସୁମିତ୍ରା ଜାହାଜକୁ ରୋକିଥିଲା ଓ ସମୁଦ୍ର ଡକାୟତଙ୍କୁ ଚାଳକ ଦଳ ଜଳପୋତର ସୁରକ୍ଷିତ ମୁକ୍ତି ପାଇଁ ବାଧ୍ୟ କରିବା ନେଇ ଏସଓପି ଅନୁରୂପ କାମ କରିଥିଲା। ସେ କହିଛନ୍ତି, ଜାହାଜରେ ଚାଳକ ଦଳର ସବୁ ୧୭ ସଦସ୍ୟ ଓ ଅନ୍ୟ ଲୋକଙ୍କୁ ସଫଳତାର ସହ ମୁକ୍ତ କରାଯାଇଛି। ଭାରତ ମହାସାଗରରେ ସମୁଦ୍ର ସୁରକ୍ଷା ଅଭିଯାନରେ ଭାରତୀୟ ନୌସୈନିକ ଯୁଦ୍ଧପୋତର ମୁତୟନ ସମୁଦ୍ରରେ ସବୁ ଜାହାଜ ଓ ନାବିକଙ୍କ ସୁରକ୍ଷା ପ୍ରତି ଭରତୀୟ ନୌସେନାର ଦୃଢ ସଂକଳ୍ପକୁ ଦର୍ଶାଉଛି।’
