ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ଅନୁସନ୍ଧାନମୂଳକ ସାମ୍ବାଦିକତା ଉପରେ ବ୍ୟାନ୍‌ ଲଗାଇବ ଇଣ୍ଡୋନେସିଆ, ସଂସଦରେ ବିଲ୍‌ ଆଗତ ପାଇଁ ପ୍ରକ୍ରିୟା ଆରମ୍ଭ

ଜାକର୍ତ୍ତା,୨୩/୦୫: ଇଣ୍ଡୋନେସିଆରେ ବ୍ୟାନ୍‌ ହେବ ଅନୁସନ୍ଧାନମୂଳକ ସାମ୍ବାଦିକତା ।  ଏ ନେଇ ସଂସଦରେ ବିଲ୍‌ ଆଗତ ପାଇଁ ପ୍ରକ୍ରିୟା ଆରମ୍ଭ ହୋଇଛି । 

ସେହିଭଳି ଏଲ୍‌ଜିବିଟି, ହିଂସା,  ନକାରାତ୍ମକ ଆଚରଣ ଆଦି ଭଳି ଘଟଣାର  ପ୍ରଦର୍ଶନ ସଂକ୍ରାନ୍ତ କଣ୍ଟେଣ୍ଟକୁ ମଧ୍ୟ ବ୍ୟାନ୍‌ କରାଯିବ  ବୋଲି ପ୍ରସ୍ତାବ ରହିଛି । ଏହା ଜନତାଙ୍କ ଭାବନାକୁ  କ୍ଷତି ପହଞ୍ଚାଉଥିବା ସରକାର ମନେ କରୁଛନ୍ତି ।  ପ୍ରସାରଣ ଆଇନ ୨୦୦୨ରେ ସଂଶୋଧନ ଲାଗି ବିଲ୍‌  ଆଗତ କରାଯିବ । ପୂର୍ବରୁ ୨୦୨୦ରେ ଏ ନେଇ  ପ୍ରଥମେ ଆଲୋଚନା ହୋଇଥିଲା । ତେବେ ଏହାକୁ  ନେଇ ବିବାଦ ଉପୁଜିବାରୁ ଏହା ଅଟକିଥିଲା । ଅନୁସନ୍ଧାନମୂଳକ ସାମ୍ବାଦିକତା ଉପରେ ବ୍ୟାନ୍‌  ଲଗାଯିବା ଦ୍ୱାରା ଗଣମାଧ୍ୟମ ସ୍ୱାଧୀନତା ପ୍ରଭାବିତ  ହେବ ବୋଲି ଇଣ୍ଡୋନେସିଆ ପ୍ରେସ୍‌ କାଉନ୍‌ସିଲ୍‌  ପକ୍ଷରୁ କୁହାଯାଇଥିଲା । 

କାଉନ୍‌ସିଲ୍‌ର ଆଇନ  ବିଭାଗ ମୁଖ୍ୟ ଆରିଫ୍‌ ଜୁଲ୍‌ଫିକର କହିଥିଲେ,  ଇଣ୍ଡୋନେସିଆର ଗଣମାଧ୍ୟମ ଆଇନ ଅନୁସାରେ  ସାମ୍ବାଦିକତାକୁ ବ୍ୟାନ୍‌ କରାଯାଇ ପାରିବ ନାହିଁ ।  ତେଣୁ ସରକାରଙ୍କ ଏହି ପ୍ରୟାସ ଆଇନ ବିରୋଧୀ ।  ତେବେ ଆଇନରେ ସଂଶୋଧନ ଆଣିବା ସକାଶେ ପ୍ରସ୍ତୁତି ଆରମ୍ଭ ହୋଇଥିବା ବେଳେ ସରକାରଙ୍କ  ନିକଟରେ ଚିଠା ବିଲ୍‌ ଦାଖଲ ହେବା ବାକି ରହିଛି ।  ତେବେ ଗଣମାଧ୍ୟମ ସ୍ୱାଧୀନତାକୁ ସର୍ବାଧିକ  ପ୍ରାଥମିକତା ଦିଆଯିବ ବୋଲି ଯୋଗାଯୋଗ  ମନ୍ତ୍ରୀ ବୁଦି ଆରି ସେତିଆଦି କହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.