କୋଣାର୍କ,୨୯/୦୯: ମାଛ ଧରା ଟ୍ରଲରରେ କାର୍ଯ୍ୟରତ ମତ୍ସ୍ୟଜୀବୀଙ୍କ ମୃତ୍ୟୁ । ମୃତ ବ୍ୟକ୍ତି ଜଣକ ଗାଣ୍ଡୁଆ ବେହେରା । ନୂଆଗଡ ସାମୁଦ୍ରିକ ଥାନା ନିକଟ ଜେଠିର ଅପରପାର୍ଶ୍ୱରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ସମୁଦ୍ରରେ ମାଛ ଧରି ପରିବାର ପ୍ରତିପୋଷଣ କରୁଥିବା ଅସ୍ତରଙ୍ଗ କାଳିଆକଣ ଗ୍ରାମର ଗାଣ୍ଡୁଆ ବେହେରା ଦୁଇ ଦିନ ତଳେ ଘରୁ ଯାଇଥଲେ । ତେବେ ରବିବାର ସକାଳୁ ନୂଆଗଡ ସାମୁଦ୍ରିକ ଥାନା ନିକଟ ଜେଠିର ଅପରପାର୍ଶ୍ୱରେ ଗାଣ୍ଡୁଆ ବେହେରାଙ୍କ ମୃତଦେହ ଦେଖି୍ବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ନୂଆଗଡ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।