ନୂଆଦିଲ୍ଲୀ,୨୩।୫: ଗାଜାରେ ହମାସ ସହ ଲଢୁଥିବା ଇସ୍ରାଏଲକୁ କୁଟନୈତିକ ସ୍ତରରେ ଦୁଇ ଦିନ ଭିତରେ ଦ୍ବିତୀୟ ଝଟକା। ଗତକାଲି ପାଲେଷ୍ଟାଇନକୁ ଦେଶର ମାନ୍ୟତା ଦେଇଥିଲେ ସ୍ପେନ, ନରୱେ ଓ ଆୟର୍ଲ୍ୟାଣ୍ଡ ଭଳି ଦେଶ। ଆଉ ଦିନକ ପରେ ଅର୍ଥାତ ଆଜି ପାଲେଷ୍ଟାଇନ୍‌ରେ କଲମ୍ବିଆ ନିଜର ଦୂତାବାସ ଖୋଲିବା ନେଇ ଘୋଷଣା କରିଛି। ପାଲେଷ୍ଟାଇନ୍‌ର ରାମଲ୍ଲାହ ସହରରେ କଲମ୍ବିଆ ନିଜର ଦୂତାବାସ ଖୋଲିବାର ନିଷ୍ପତ୍ତି ନେଇଛି। 

କଲମ୍ବିଆର ରାଷ୍ଟ୍ରପତି ପୂର୍ବରୁ ହିଁ ଗାଜାରେ ଇସ୍ରାଏଲର ଆକ୍ସନକୁ ନରସଂହାର ବୋଲି କହିସାରିଛନ୍ତି ଓ ବନ୍ଦ କରିବାକୁ ଅପିଲ ମଧ୍ୟ କରିଥିଲେ। କଲମ୍ବିଆର ବୈଦେଶିକ ମନ୍ତ୍ରୀ ଲୁଇସ୍ ମୁରିଲୋ କହିଛନ୍ତି, ରାଷ୍ଟ୍ରପତି ଗୁସ୍ତାଭୋ ପେତ୍ରୋ ନିର୍ଦେଶ ଦେଇଛନ୍ତି ରାମଲ୍ଲାହରେ ଦୂତାବାସ ଖୋଲାଯାଉ। ସେ କହିଛନ୍ତି, ଆମେ ଓ୍ବେଷ୍ଟ ବ୍ୟାଙ୍କର ସହର ରାମଲ୍ଲାହରେ ନିଜର ଉପସ୍ଥିତିକୁ ଦର୍ଶାଇବୁ। ଗୁସ୍ତାଭୋ ବହୁବାର ଇସ୍ରାଏଲି ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ଆଲୋଚନା କରିସାରିଛି। ତାଙ୍କୁ ନେତନ୍ୟାହୁଙ୍କ ଆଲୋଚକ ଭାବରେ ଗଣାଯାଏ।

କଲମ୍ବିଆର ଏହି ଘୋଷଣା ତିନି ଦେଶର ସେହି ନିଷ୍ପତ୍ତି ପରେ ଆସିଛି, ଯେଉଁଥିରେ ପାଲେଷ୍ଟାଇନକୁ ମାନ୍ୟତା ଦେବାର ଘୋଷଣା କରାଯାଇଛି। ସ୍ପେନ୍ ଆୟରଲାଣ୍ଡ ଓ   ସ୍ୱତନ୍ତ୍ର ପାଲେଷ୍ଟାଇନକୁ ଦେଶର ମାନ୍ୟତା ଦେଇଛନ୍ତି ।  ଏପରି ଘୋଷଣା ପରେ ଇସ୍ରାଏଲ ପୂରା କ୍ଷୁବ୍ଧ ହୋଇ ପଡ଼ିଥିଲା। ଏଥିପାଇଁ ନରୱେ ଓ ଆୟର୍ଲ୍ୟାଣ୍ଡରେ ଥିବା ନିଜର ରାଷ୍ଟ୍ରଦୂତମାନଙ୍କୁ ଇସ୍ରାଏଲ ତତ୍କାଳ ଫେରାଇ ଆଣିଛି। ବୁଧବାର ଇସ୍ରାଏଲର ବିଦେଶ ମନ୍ତ୍ରୀ ଇସ୍ରାଏଊ କାଟଜ୍‌ କହିଛନ୍ତି, “ମୁଁ ଗୋଟିଏ ସ୍ପଷ୍ଟ ଓ ରୋକଠୋକ ବାର୍ତ୍ତା ଆୟର୍ଲ୍ୟାଣ୍ଡ ଓ ନରୱେକୁ ଦେବାକୁ ଚାହେଁ। ଇସ୍ରାଏଲର ସାର୍ବଭୌମତ୍ୱ ଓ ସୁରକ୍ଷାକୁ ଦୁର୍ବଳ କରିବାକୁ ଚାହୁଁଥିବା ତତ୍ତ୍ୱଙ୍କ ବିରୋଧରେ ଦେଶ କେବେ ହେଲେ ଚୁପ ରହିବ ନାହିଁ। ସେଥିପାଇଁ ଉଭୟ ଦେଶରେ ଥିବା ରାଷ୍ଟ୍ରଦୂତଙ୍କୁ ତତ୍କାଳ ସ୍ୱଦେଶ ଫେରି ଆସିବାକୁ ନିର୍ଦ୍ଦେଶ ଦିଆଯାଇଛି।”