ନୂଆଦିଲ୍ଲୀ,୨୧/୧୧: ୧୯୬୭ ମସିହାରେ, ଇସ୍ରାଏଲ୍ ସୈନ୍ୟବାହିନୀ ମାତ୍ର ୬ ଦିନ ଯୁଦ୍ଧ କରିଥିଲେ। ଏହି ଯୁଦ୍ଧରେ, ଆଇଡିଏଫ୍ ଇଜିପ୍ଟର ସିନାଇ ତୈଳ କ୍ଷେତ୍ର ଏବଂ ସିରିଆର ଗୋଲାନ୍ ହାଇଷ୍ଟକୁ କାବୁ କରିଥିଲା, ଯଦ୍ବାରା ଏହା ତୈଳ-ଗ୍ୟାସ୍ ଭଣ୍ଡାର ବୃଦ୍ଧି କରିପାରିବ। ଏଥର ଗାଜାରେ ଚାଲିଥିବା ଯୁଦ୍ଧ ଭିତରେ ଆଶଙ୍କା ବଢ଼ିବାରେ ଲାଗିଛି ଯେ, ଇସ୍ରାଏଲର ତୈଳ ମିଶନ ସକ୍ରିୟ ଅଛି, କାରଣ ନେତାନ୍ୟାହୁ ହମାସରୁ ପ୍ରତିଶୋଧ ନେବା ପାଇଁ ଗାଜାରେ ଯୁଦ୍ଧ ଆରମ୍ଭ କରିଥିଲେ। କିନ୍ତୁ ବର୍ତ୍ତମାନ ଏହି ଯୁଦ୍ଧର ନିଆଁରେ ଗାଜା ସହିତ ଓ୍ବେଷ୍ଟବ୍ୟାଙ୍କ୍‌ ମଧ୍ୟ ଜଳୁଛି। ଏଭଳି ପରିସ୍ଥିତିରେ ଇସ୍ରାଏଲର 'ତୈଳ ମିଶନ' କ’ଣ ବୋଲି ପ୍ରଶ୍ନ ଉଠିଛି। କେବଳ ଗାଜା-ଓ୍ବେଷ୍ଟବ୍ୟାଙ୍କର ଧ୍ବଂସ ସହିତ ଏହା ସମ୍ପୂର୍ଣ୍ଣ ହେବ କି ବୋଲି ଅନେକ ଆଲୋଚନା ମଧ୍ୟ ଚାଲିଛି। 

ପଢ଼ନ୍ତୁ: ୟୁକ୍ରେନ୍ ସହ ଲଢି ଋଷର ମଧ୍ୟ ହୋଇଛି ପ୍ରବଳ କ୍ଷତି : ପ୍ରତିଦିନ ମରୁଛନ୍ତି ୬୩୦ ସୈନିକ ? ଏପର୍ଯ୍ୟନ୍ତ ୨୪୦୦ ଟ୍ୟାଙ୍କ ଏବଂ ୨୦୦ ଏୟାରକ୍ରାଫ୍ଟ ହେଲାଣି ଧ୍ବଂସ

ଅକ୍ଟୋବର ୭ ରେ, ହମାସ ଇସ୍ରାଏଲ ଉପରେ ଆକ୍ରମଣ କରିଥିଲା ଏବଂ ଏହା ପରେ ଆଇଡିଏଫ ହମାସକୁ ହଟାଇବା ପାଇଁ ଗାଜା ଷ୍ଟ୍ରିପ ଉପରେ ଦ୍ରୁତ ଆକ୍ରମଣ ଆରମ୍ଭ କରିଥିଲା। ଉତ୍ତର ଗାଜାରୁ ଆରମ୍ଭ ହୋଇଥିବା ଆଇଡିଏଫ୍ ଗ୍ରାଉଣ୍ଡ ଅପରେସନ୍ ଦକ୍ଷିଣ ଗାଜାରେ ପହଞ୍ଚିଛି, କିନ୍ତୁ ବର୍ତ୍ତମାନ ଆଶ୍ଚର୍ଯ୍ୟଜନକ କଥା ହେଉଛି ଯେ ନେତାନ୍ୟାହୁଙ୍କ ବ୍ରିଗେଡ୍ ଗାଜା ତଥା ଓ୍ବେଷ୍ଟବ୍ୟାଙ୍କ ଉପରେ ମଧ୍ୟ ଆକ୍ରମଣ ଆରମ୍ଭ କରିଛି।

ପୂରା ପାଲେଷ୍ଟାଇନ୍‌କୁ ନକ୍ସାରୁ ହଟାଇବାକୁ ଇସ୍ରାଏଲ୍‌ର ଯୋଜନା:

ସୂଚନାଥାଉକି, ଇସ୍ରାଏଲ୍ ସୈନ୍ୟବାହିନୀ ଗାଜା ଠାରୁ ଓ୍ବେଷ୍ଟବ୍ୟାଙ୍କ ପର୍ଯ୍ୟନ୍ତ କିପରି ଭାବରେ ଧ୍ବଂଶ ଲୀଳା କରୁଛି ତାହା ଦେଖି ସମଗ୍ର ବିଶ୍ୱ ଚକିତ ହୋଇଯାଇଛି। କାରଣ ୪୫ ଦିନ ପୂର୍ବେ ନେତାନ୍ୟାହୁଙ୍କ ଶପଥ କେବଳ ହମାସକୁ ହଟାଇବା ପାଇଁ ଥିଲା, କିନ୍ତୁ ବର୍ତ୍ତମାନ ଇସ୍ରାଏଲ୍ ସେନାର ମନୋଭାବ ସମ୍ପୂର୍ଣ୍ଣ ବଦଳି ଯାଇଛି। । ଗାଜାରେ ଏହି ଧ୍ୱଂସାବଶେଷ ପରେ ଆଇଡିଏଫ୍ ଓ୍ବେଷ୍ଟବ୍ୟାଙ୍କକୁ ବୋମା ଓ ଗୁଳି ଚଳାଇ ତୈଳ-ଗ୍ୟାସ ଡିପୋକୁ ସୁରକ୍ଷା ଦେବା ସହ ତୈଳ ଓ ଗ୍ୟାସ ଭଣ୍ଡାରକୁ କାବୁ କରିବାରେ ଲାଗିଛି।

ପଢ଼ନ୍ତୁ: ବିଶ୍ୱର ସବୁଠୁ ମହଙ୍ଗା ହ୍ୱିସ୍କି, ୨୩ କୋଟିରେ ନିଲାମ

ତିନୋଟି ତୈଳ ଡିପୋ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ କିମ୍ବା ପୁଣି ଆରମ୍ଭ ପାଇଁ ପ୍ରୟାସକୁ ନେଇ ଇସ୍ରାଏଲ୍ ଏକ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରୁଛି। ଏହା କ୍ରମାଗତ ଭାବରେ ଗାଜା ଠାରୁ ଓ୍ବେଷ୍ଟବ୍ୟାଙ୍କ ପର୍ଯ୍ୟନ୍ତ ଆକ୍ରମଣ କରିଚାଲିଛି, ଯାହା ଦ୍ବାରା ଗାଜା ଏବଂ ଓ୍ବେଷ୍ଟବ୍ୟାଙ୍କର ପାଲେଷ୍ଟାଇନୀୟମାନଙ୍କୁ ସ୍ଥାନାନ୍ତର କରାଯାଇପାରିବ ଏବଂ ତା’ପରେ ଇସ୍ରାଏଲ୍ ଗାଜା-ଓ୍ବେଷ୍ଟବ୍ୟାଙ୍କ ସମେତ ସମଗ୍ର ପାଲେଷ୍ଟାଇନକୁ ଦଖଲ କରିପାରିବ।

ଇସ୍ରାଏଲର ଗୁଇନ୍ଦା ବିଭାଗ ମନ୍ତ୍ରୀ ଗିଲା ଗେମଲିୟଲ କହିଛନ୍ତି ଯେ ଯେଉଁ ଦିନ ଯୁଦ୍ଧ ଶେଷ ହେବ, ଗାଜାର ପୁନଃ ଥଇଥାନରେ ବିଶ୍ବର ସମସ୍ତ ବଡ଼ ସଂଗଠନ ଜଡିତ ହେବେ। କିନ୍ତୁ ମୁଁ ବିଶ୍ୱାସ କରେ ଯେ ଗାଜାର ପୁନଃ ଥଇଥାନ କରିବା ପରିବର୍ତ୍ତେ ଏହାକୁ ବିସ୍ଥାପିତ କରାଯିବା ଉଚିତ, ଏହାକୁ ବିଶ୍ବର ଅନ୍ୟ ଅଂଶକୁ ସ୍ଥାନାନ୍ତର କରାଯିବା ଉଚିତ। ଅର୍ଥାତ୍ ଇସ୍ରାଏଲର ଉଦ୍ଦେଶ୍ୟ ସ୍ପଷ୍ଟ ଯେ, ବିଶ୍ୱ ମାନଚିତ୍ରରୁ ପାଲେଷ୍ଟାଇନର ଅସ୍ତିତ୍ୱକୁ ଲିଭାଇବା। ଗାଜା-ଓ୍ବେଷ୍ଟବ୍ୟାଙ୍କ ସମେତ ସମଗ୍ର ଅଞ୍ଚଳକୁ କାବୁ କରିବା, ଫଳରେ ଇସ୍ରାଏଲ୍ ଅତି ସୁବିଧାର ସହିିତ ଏହାର ତମାମ ତୈଳ ଡିପୋକୁ ସହଜରେ ଖୋଲିପାରିବ ଏବଂ ଏହା ବ୍ୟତୀତ ଗାଜା-ଓ୍ବେଷ୍ଟବ୍ୟାଙ୍କ ଅଞ୍ଚଳରେ ଥିବା ତୈଳ ଏବଂ ଗ୍ୟାସ ଭଣ୍ଡାରକୁ କାବୁ କରିପାରିବ।

You can also read: କୋଭିଡ ଟିକା ଯୋଗୁଁ ଯୁବକମାନଙ୍କ ମଧ୍ୟରେ ବଢ଼ିଛି କି ମୃତ୍ୟୁ ଆଶଙ୍କା? କ'ଣ କହୁଛି ଆଇସିଏମ୍‌ଆର୍‌ର ଅଧ୍ୟୟନ?