ମୁମ୍ବାଇ, ୨୮/୮ :  ଆଇସିସିର ଆଗାମୀ ଚେୟାରମେନ ହେବେ ଜୟ ଶାହ । ୩୫ବର୍ଷୀୟ ଶାହ ଚଳିତ ବର୍ଷର ଶେଷ ମାସର ପ୍ରଥମ ତାରିଖରେ ନିଜର କାର୍ଯ୍ୟଭାର ସମ୍ଭାଳିବେ । ଶାହ ଏହି ପଦରେ ବସିବା ପରେ ଏବେ ସମସ୍ତଙ୍କ ମନରେ ଏକ ପ୍ରଶ୍ନ ଉଠୁଛି ଶାହ କେତେ ଟଙ୍କା ଦରମା ପାଇବେ । ଆସନ୍ତୁ ଜାଣିବା କେତେ ଟଙ୍କା ପାଇବେ ଶାହ ।

ଜୟ ଶାହ ଚେୟାରମ୍ୟାନ ପଦରେ ରହିଲେ କେତେ ଦରମା ମଳିବ ? ଏହି ପ୍ରଶ୍ନ ଏବେ ସମସ୍ତଙ୍କ ମନରେ ଉଙ୍କି ମାରୁଛି । ତେବେ ଏହା ପୂର୍ବରୁ ଆସନ୍ତୁ ଜାଣିବା ବିସିସିଆଇ ପଦରେ ରହିଥିବାବେଳେ ତାଙ୍କୁ କେତେ ଟଙ୍କା ଦରମା ମିଳୁଥିଲା । ପ୍ରକାଶ ଯେ, ଭାରତୀୟ କ୍ରିକେଟ ବୋର୍ଡ଼ର ଅଧ୍ୟକ୍ଷ, ସଚିବ, ଉପାଧ୍ୟକ୍ଷ ଏବଂ କୋଷାଧ୍ୟକ୍ଷର ପଦ ‘ମାନଦ’ ପଦ ମାଧ୍ୟମରେ ଆସିଥାଏ । ଏହି ପଦରେ କାର୍ଯ୍ୟ କରିବା ଲୋକଙ୍କର କୌଣସି ଫିକ୍ସ ଦରମା ନ ଥାଏ । ଏହି ଗୁରୁତ୍ବପୂର୍ଣ୍ଣ ପଦରେ କାମ କରୁଥିବା ଲୋକଙ୍କୁ ବୋର୍ଡ଼ ତରଫରୁ କାମ କରିବା ଲାଗି ଖର୍ଚ୍ଚ ପ୍ରାପ୍ତ ହୋଇଥାଏ । କାମ କରିବା ସମୟରେ ତାଙ୍କୁ କେତେକ ଭତ୍ତା ଏବଂ ଖର୍ଚ୍ଚ ଦିଆଯାଇଥାଏ ।

‘ମାନଦ’ ପଦାଧିକାରୀ ଯେତେବେଳେ ନିଜ ପଦରେ ରହିଥାନ୍ତି ଆଇସିସି ମିଟିଂ କିମ୍ବା ଭାରତୀୟ ଟିମର କୌଣସି କାର୍ଯ୍ୟ ଲାଗି ବିଦେଶ ଗସ୍ତରେ ଯାଇଥାନ୍ତି ତ ତାଙ୍କୁ ପ୍ରତ୍ୟେକ ଦିନ ୧୦୦୦ଡଲାର ଭତ୍ତା ରୂପରେ ଦିଆଯାଇଥାଏ । ଖାଲି ଏତିକି ନୁହେଁ ବରଂ ‘ମାନଦ’ ପଦାଧିକାରୀ ଯାତ୍ରା କରିଥାନ୍ତି ତ ବୋର୍ଡ଼ ତରଫରୁ ଯାତ୍ରା ସମୟରେ ତାଙ୍କର ସୁଖ ସୁବିଧାର ଧ୍ୟାନ ଦିଆଯାଇଥାଏ । ବିମାନ ଯାତ୍ରା ସମୟରେ ତାଙ୍କୁ ସବୁବେଳେ ଫାଷ୍ଟ କ୍ଲାସର ସୁବିଧା ପ୍ରଦାନ କରାଯାଇଥାଏ ।

ବିଦେଶ ଯାତ୍ରା ସମୟରେ ଯେତେବେଳେ ସେ ଉକ୍ତ ଦେଶରେ ବୈଠକ ଲାଗି ଯାଇଥାନ୍ତି ତ ତାଙ୍କୁ ପ୍ରତିଦିନ ହିସାବରେ ୪୦ହଜାର ଟଙ୍କା ଭତ୍ତା ରୂପରେ ଦିଆଯାଇଥାଏ । ଏହାସହ ବିଜନେସ କ୍ଲାସରେ ଯାତ୍ରା କରିବାର ସୁବିଧା ପ୍ରଦାନ କରାଯାଇଥାଏ । ଏହା ବ୍ୟତୀତ ବୈଠକ ସମୟରେ ସେ କୌଣସି କାମରେ ଗୋଟିଏ ସହରରୁ ଅନ୍ୟ ସହରକୁ ଯିବା ସମୟରେ ପ୍ରତିଦିନ ହିସାବରେ ୩୦ହଜାର ଟଙ୍କା ଭତ୍ତା ରୂପରେ ତାଙ୍କୁ ପ୍ରାପ୍ତ ହୋଇଥାଏ । ଯଦି ସେହି ସମୟରେ କୌଣସି ହୋଟେଲ ବୁକ୍ କରିଥାନ୍ତି ତ ତାହାର ସବୁ ଖର୍ଚ୍ଚ ବୋର୍ଡ଼ ଉଠାଇଥାଏ । 

ଏବେ ପର୍ଯ୍ୟନ୍ତ ଆପଣଙ୍କୁ ଏହି କଥା ସମ୍ୟକ ଭାବେ ବୁଝାପଡ଼ିଯିବଣି ବିସିସିଆଇ ତରଫରୁ ‘ମାନଦ’ ପଦରେ କାର୍ଯ୍ୟ କରୁଥିବା ଅଧିକାରୀଙ୍କୁ କେତେ ଟଙ୍କା ମିଳୁଛି । ବରଂ ତାଙ୍କୁ କାର୍ଯ୍ୟ କରିବା ଲାଗି ଭତ୍ତା ଏବଂ ଖର୍ଚ୍ଚ ଦିଆଯାଇଥାଏ । ଠିକ୍ ସେହିଭଳି ଆଇସିସିରେ ବି ‘ମାନଦ’ ପଦରେ ବସିଥିବା ବ୍ୟକ୍ତିଙ୍କୁ କୌଣସି ଦରମା ନ ଥାଏ । ବରଂ ତାଙ୍କର ଯାତ୍ରା, ମିଟିଂ ଇତ୍ୟାଦି ଲାଗି ଭତ୍ତା ଏବଂ ଖର୍ଚ୍ଚ ଦିଆଯାଇଥାଏ । ମାତ୍ର ଆଇସିସି ତରଫରୁ ଆଜି ପର୍ଯ୍ୟନ୍ତ କୁହାଯାଇ ନାହିଁ କି ସେ ନିଜ ଅଧିକାରୀଙ୍କୁ ଯାତ୍ରା, ମିଟିଂ କିମ୍ବା ଅନ୍ୟ ସୁବିଧା ଲାଗି କେତେ ଟଙ୍କା ପ୍ରଦାନ କରିଥାଏ ।