ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନ ସମୟରେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡଙ୍କ ଉପରେ କଟାକ୍ଷ କରିବାକୁ ନେଇ ସମାଜବାଦୀ ପାର୍ଟି ସାଂସଦ ଜୟା ବଚ୍ଚନ ଚଳିତ ସପ୍ତାହରେ ବେସ୍ ଚର୍ଚ୍ଚାରେ ରହିଥିଲେ । ବର୍ତ୍ତମାନ ଜୟା ବଚ୍ଚନ ତାଙ୍କ ବିଦାୟ ଅଭିଭାଷଣରେ ଗୃହର ସମସ୍ତ ସଦସ୍ୟଙ୍କୁ କ୍ଷମା ମାଗିଛନ୍ତି । ସେ ସ୍ପଷ୍ଟ କରିଛନ୍ତି ଯେ, ସେ ରାଗିଛନ୍ତି କିନ୍ତୁ ତାଙ୍କର ଉଦ୍ଦେଶ୍ୟ କାହାକୁ ଆଘାତ କରିବା ନଥିଲା । ଏସ.ପି ନେତା କହିଛନ୍ତି, "ଲୋକମାନେ ମୋତେ ସର୍ବଦା ପଚାରିଥାନ୍ତି ଯେ, ମୁଁ କାହିଁକି କ୍ରୋଧିତ ହୋଇଥାଏ । ଏହା ମୋର ପ୍ରକୃତି, ମୁଁ ନିଜକୁ ପରିବର୍ତ୍ତନ କରିପାରିବି ନାହିଁ । ଯଦି କୌଣସି କଥା ମୋତେ ପସନ୍ଦ ହୋଇନଥାଏ, କିମ୍ବା ଏହା ସହ ସହମତ ନହୁଏ, ତେବେ ମୁଁ ମୋର କ୍ରୋଧ ବଢିଥାଏ । 

ଜୟା ବଚ୍ଚନ କହିଛନ୍ତି, ଯଦି ମୁଁ ଆପଣଙ୍କ ମଧ୍ୟରୁ କାହା ସହିତ ଅନୁପଯୁକ୍ତ ଆଚରଣ କରିଛି, କିମ୍ବା ଏହା ବ୍ୟକ୍ତିଗତ ହୋଇଗଲା, ତେବେ ମୁଁ ସେଥିପାଇଁ କ୍ଷମା ମାଗୁଛି। ଗୁରୁବାର ରାଜ୍ୟସଭାରେ ବିଦାୟ ଅଭିଭାଷଣରେ ଏସପି ନେତା ଏହା କହିଛନ୍ତି । ସେ ଏହା ମଧ୍ୟ କହିଛନ୍ତି ଯେ, ଯଦି ତାଙ୍କ କଥାରେ କେହି ଆଘାତ ପାଇଛନ୍ତି ତେବେ ସେ ତାଙ୍କ ଠାରୁ କ୍ଷମା ଚାହୁଁଛନ୍ତି । ସୂଚନାଥାଉକି ୬୮ ଜଣ ସଦସ୍ୟଙ୍କ ମଧ୍ୟରେ ଜୟା ବଚ୍ଚନ ମଧ୍ୟ ଅନ୍ତର୍ଭୁକ୍ତ, ଯାହାର ରାଜ୍ୟସଭାରେ କାର୍ଯ୍ୟକାଳ ଫେବୃଆରୀରୁ ଏପ୍ରିଲ ମଧ୍ୟରେ ଶେଷ ହେବାକୁ ଯାଉଛି ।

ଗୃହରେ ୨୦ ବର୍ଷର ଅନୁଭୂତି ବିଷୟରେ ଜୟା ବଚ୍ଚନ ନିଜର ଅଭିଜ୍ଞତା ବାଣ୍ଟିଛନ୍ତି । କହିଛନ୍ତି, "୨୦ ବର୍ଷ ଜୀବନ ବହୁତ ଲମ୍ବା ସମୟ ଅଟେ । ଏହାରି ଭିତରେ ମୋର ଅନେକ ଖଟା ମିଠା ଅନୁଭୂତି ରହିଛି । ମୁଁ ଚାହୁଁଛି ଯେ ଏହି ଗୃହ ସର୍ବଦା ସମୃଦ୍ଧ ହେଉ ଏବଂ ଏଠାକୁ ଆସୁଥିବା ବିଶେଷଜ୍ଞଙ୍କ ଅଭିଜ୍ଞତାରୁ ଉପକୃତ ହେଉ।