ଧନବାଦ, ୧୪/୧୧ : ଝାଡ଼ଖଣ୍ଡ ଧନବାଦ କେନ୍ଦୁଆଡିହ ଥାନା ଅନ୍ତର୍ଗତ କେନ୍ଦୁଆ ବଜାର ସ୍ଥିତ ଏକ ଦୋକାନରେ ଭୟାବହ ଅଗ୍ନିକାଣ୍ଡ। ଏକ ୪ ବର୍ଷର ଶିଶୁ ସମେତ ୨ ମହିଳା ଜୀବନ୍ତ ଦଗ୍ଧ। ୩ ଆହତ। ସମସ୍ତେ ଗୋଟିଏ ପରିବାରର ହୋଇଥିବା ସୂଚନା ମିଳିଛି। ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। 

ସୂଚନାନୁଯାୟୀ, କେନ୍ଦୁଆଡିହ ଥାନା ଅନ୍ତର୍ଗତ କେନ୍ଦୁଆ ବଜାର ସ୍ଥିତ ସୁବାଷ ଗୁପ୍ତାଙ୍କ ଏସକେ ଜେନେରାଲ ଶୃଙ୍ଗାର ଷ୍ଟୋରରେ ହଠାତ୍ ନିଆଁ ଲାଗି ଯାଇଥିଲା। ଏହି ସମୟରେ ଦୋକାନର ଉପର ମହଲାରେ ଗୋଟିଏ ପରିବାରର ୬ ସଦସ୍ୟ ଥିଲେ। ନିଆଁ ଲାଗି ଯିବା ଫଳରେ ସମସ୍ତେ ହୋହାଲ୍ଲା କରିଥିଲେ। ସ୍ଥାନୀୟ ଲୋକମାନେ ବାଲକୋନି ବାଟେ ୩ ଜଣଙ୍କୁ ସଫଳତାପୂର୍ବକ ଉଦ୍ଧାର କରିଥିଲେ। ଆଉ ୩ ଜଣ ଜୀବନ୍ତ ଦଗ୍ଧ ହୋଇଯାଇଥିଲେ। ମୃତକଙ୍କ ମଧ୍ୟରେ ୨ ମହିଳାଙ୍କ ସମେତ ଜଣେ ୪ ବର୍ଷୀୟା ଶିଶୁ ରହିଛି। ସେହିପରି ଅନ୍ୟ ୩ ସଦସ୍ୟ ଆହତ ହୋଇଛନ୍ତି। ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଖବର ପାଇ ଦମକଳ ବାହିନୀ ସ୍ଥନୀୟ ଲୋକଙ୍କ ସହାୟତାରେ ନିଆଁକୁ ଆୟତ୍ତ କରିଛି।