ପ୍ରମୁଖ ଖବର
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ମହିଳା ଜୁନିୟର ହକି ବିଶ୍ୱକପ୍‌: ପ୍ରଥମ ମ୍ୟାଚ୍‌ରେ କାନାଡ଼ାକୁ ଭେଟିବ ଭାରତ, ଜାତୀୟ ଦଳରେ ଓଡ଼ିଶାରୁ ୫ ଖେଳାଳି

ସାଣ୍ଟିଆଗୋ, ୨୯।୧୧: ଚିଲିର ସାଣ୍ଟିଆଗୋରେ ଆଜିଠୁ ଆରମ୍ଭ ହୋଇଛି ମହିଳା ଏଫ୍‌ଆଇଏଚ୍‌ ହକି ଜୁନିୟର ବିଶ୍ୱକପ୍‌ର ଦଶମ ସଂସ୍କରଣ । ୫ଟି ମହାଦେଶରୁ ମୋଟ୍‌ ୧୬ଟି ଦଳ ଏହି ସଂସ୍କରଣରେ ଭାଗ ନେଇଛନ୍ତି । ଭାରତୀୟ ଦଳ ପୁଲ୍‌ ସି’ରେ ରହିଛି । ବୁଧବାର ପ୍ରଥମ ମ୍ୟାଚ୍‌ରେ ଦଳ କାନାଡ଼ାକୁ ଭେଟିବ । ପୁଲ୍‌ ସି’ରେ ଭାରତ ସମେତ କାନାଡ଼ା, ବେଲଜିୟମ ଓ ଜର୍ମାନୀ ରହିଛନ୍ତି । ୨୯ରେ କାନାଡ଼ା, ୩୦ରେ ଜର୍ମାନୀ ଏବଂ ଡିସେମ୍ବର ୨ରେ ଭାରତ ବେଲଜିୟମକୁ ଭେଟିବ । ୨ଟି ମ୍ୟାଚ୍‌ ଜିତି ପାରିଲେ ଦଳ କ୍ୱାର୍ଟର ଫାଇନାଲରେ ପ୍ରବେଶ କରି ପାରିବ । ଭାରତୀୟ ଦଳ ଏବେ ଭଲ ଫର୍ମରେ ରହିଛି । ତେଣୁ ଦଳର କ୍ୱାର୍ଟର ପଥ ସୁଗମ ରହିଛି ବୋଲି କୁହାଯାଇ ପାରେ । ଗତ ସଂସ୍କରଣ ଦକ୍ଷିଣ ଆଫ୍ରିକାରେ ଖେଳାଯାଇଥିଲା । ଭାରତ ପୁଲ ଏ’ରେ ଜର୍ମାନୀ, ୱେଲ୍ସ ଓ ମାଲେସିଆକୁ ପରାଜିତ କରି କ୍ୱାର୍ଟରରେ ପ୍ରବେଶ କରିଥିଲା । କ୍ୱାର୍ଟରରେ ଦକ୍ଷିଣ କୋରିଆକୁ ହରାଇଥିଲା । କିନ୍ତୁ ସେମିରେ ନେଦରଲାଣ୍ଡସ ଠାରୁ ପରାଜିତ ହୋଇ ଫାଇନାଲ ଖେଳିବାରୁ ବଞ୍ଚିତ ହୋଇଥିଲା । 

ବ୍ରୋଞ୍ଜ ଲଢ଼େଇରେ ଇଂଲଣ୍ଡ ସହ ସଂଘର୍ଷ କରି ଶେଷରେ ସୁଟ୍‌ ଆଉଟରେ ପରାଜିତ ହୋଇଥିଲା । ଡିଫେଣ୍ଡର ପ୍ରୀତିଙ୍କ ନେତୃତ୍ୱରେ ଦଳରେ ଭଲ ସନ୍ତୁଳନ ରହିଛି । ଏହି ଦଳରେ ଓଡ଼ିଶାରୁ ୫ ଜଣ ଖେଳାଳି ରହିଛନ୍ତି । ସେମାନେ ହେଲେ ଗୋଲକିପର ମାଧୁରୀ କିଣ୍ଡୋ, ମିଡଫିଲ୍ଡର ଜ୍ୟୋତି ଛତ୍ରୀ, ସୁଜାତା କୁଜୁର ଏବଂ ଫରୱାର୍ଡ ଦୀପି ମୋନିକା ଟପ୍ପୋ ଓ ସୁନେଲିତା ଟପ୍ପୋ । ଜ୍ୟୋତି ଏବଂ ଦୀପି ମୋନିକା ଉଭୟ କଳିଙ୍ଗ ଷ୍ଟାଡିୟମରେ ଥିବା ଓଡ଼ିଶା ନାଭାଲ ଟାଟା ହକି ଉତ୍କର୍ଷ କେନ୍ଦ୍ରରେ ପ୍ରଶିକ୍ଷଣ ନେଉଛନ୍ତି । ଭାରତୀୟ ମହିଳା ଦଳ: ଗୋଲକିପରମାଧୁରି କିଣ୍ଡୋ ଓ ଖୁସବୁ । ଡିଫେଣ୍ଡର-ନୀଲମ, ପ୍ରୀତି (ଅଧିନାୟିକା), ଜ୍ୟୋତି ସିଂ, ରୋପନି କୁମାରୀ । ମିଡ୍‌ଫିଲ୍ଡର- ମହିମା ଟେଟେ, ମଞ୍ଜୁ ଚୌରାସିଆ, ଜ୍ୟୋତି ଛତ୍ରୀ, ହିନା ବାନୋ, ସୁଜାତା କୁଜୁର, ଋତୁଜା ଦାଦାସୋ ପିସାଲ (ଉପ ଅଧିନାୟିକା) ଏବଂ ଫରୱାର୍ଡ- ସାକ୍ଷୀ ରାଣା, ମମତାଜ ଖାନ, ଅନୁ, ଦୀପିକା ସୋରେନ, ଦୀପି ମୋନିକା ଟପ୍ପୋ ଓ ସୁନେଲିତା ଟପ୍ପୋ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.