କାଲିମେଳା, ୩୧।୩: ଗଞ୍ଜେଇ ସହ ଗାଡ଼ିକୁ ଜବତ କଲା କାଲିମେଳା ପୋଲିସ । ଧଳା ରଙ୍ଗର ଅଶୋକ ଲେୟଲାଣ୍ଡ କମ୍ପାନୀର ଗାଡ଼ି ଉପରେ ତରବୁଜ ରଖି ଏହା ଭିତରେ ଗଞ୍ଜେଇ ଲୁଚେଇ ପଡ଼ୋଶୀ ରାଜ୍ୟକୁ ଚୋରା ଚାଲାଣ ହେଉଥିଲା । କାଲିମେଳା ପୋଲିସ ବିଶ୍ଵସ୍ଥ ସୂତ୍ରରୁ ଖବର ପାଇଁ ଗତ ଗତ ଶୁକ୍ରବାର ଭୋର ସକାଳେ ସୁଧାଖୁଣ୍ଟା ଜଙ୍ଗଲ ନିକଟ ମାଛ ଘାଟିରେ ମାଡ଼ି ବସିଥିଲା ।
ତେବେ ଦୁର୍ବୃତ୍ତ ଟମ୍ପଟ ମାରିଥିବା ବେଳେ ଗାଡ଼ିକୁ ଜବତ କରି ଗାଡ଼ି ଭିତରୁ ୨୦ଟି ବସ୍ଥାରେ ଭରା ହୋଇଥିବା ୫୦୦ କିଲୋ ଗଞ୍ଜେଇ ବାହାରିଥିଲା । ଯାହାର ଆନୁମାନିକ ବଜାର ମୂଲ୍ୟ ପାଖାପାଖି ୪୫ ଲକ୍ଷରୁ ଉର୍ଦ୍ଧ୍ୱ ହେବ ବୋଲି କାଲିମେଳା ଥାନା ଭାରପ୍ରାପ୍ତ ଅଧିକାରୀ ଚନ୍ଦ୍ରକାନ୍ତ ତାଣ୍ଡି ପ୍ରକାଶ କରିଛନ୍ତି ।