ମୁମ୍ୱାଇ : କଙ୍ଗନା ରଣାୱତଙ୍କ ଅପକମିଂ ଫିଲ୍ମ ‘ଏମର୍ଜେନ୍ସି’ ର ରିଲିଜ ଅଟକି ରହିଥିବା ବେଳେ ,ଏହି ମଧ୍ୟରେ ସେ ଆଉ ଏକ ନୂଆ ଫିଲ୍ମର ଘୋଷଣା କରିଛନ୍ତି। କଙ୍ଗନା ଫିଲ୍ମର ଟାଇଟଲ ସହ ଏହାକୁ ସୋସିଆଲ ମିଡ଼ିଆରେ ପୋଷ୍ଟ କରିଛନ୍ତି। ହେଲେ ଏହା ଜଣାପଡ଼ିନି ଯେ, ଫିଲ୍ମରେ କଙ୍ଗନା ଆକ୍ଟିଂ କରିବେ ନା କ୍ୟାମେରା ପଛରେ ରହି ସହଯୋଗ କରିବେ। ସେପଟେ କିନ୍ତୁ ଏହି ନୂଆ ଫିଲ୍ମର ଘୋଷଣାରେ ପ୍ରଶଂସକଙ୍କର ଉତ୍ସାହ ଖୁବ୍ ବଢି ଯାଇଛି।

କଙ୍ଗନା ଲେଖିଛନ୍ତି , ବଡ଼ ପରଦାରେ ବାସ୍ତବ ଜୀବନରେ ବୀରତ୍ୱପୂର୍ଣ୍ଣ ଯାଦୁର ଅନୁଭବ ନିଅନ୍ତୁ। ‘ଭାରତ ଭାଗ୍ୟ ବିଧାତା’ର ଘୋଷଣା କରି ବହୁତ ଉତ୍ସାହିତ, ଏହି ଫିଲ୍ମରେ ସାଧାରଣ ଲୋକଙ୍କ ଅସାଧାରଣ ସଫଳତାକୁ ସିନେମା ମାଧ୍ୟମରେ ଦେଖାଯାଇଛି। ଏହାର ଟାଲେଣ୍ଟେଡ୍‌ ପ୍ରଡୁସର ହେଉଛନ୍ତି ବବିତା ଅସିୱାଲ ଓ ଆଦି ଶର୍ମା , ଭିଜନରୀ ଡାଇରେକ୍ଟର-ରାଇଟର ମନୋଜ ତପାଡିଆ ନିର୍ଦ୍ଦେଶନା ଦେବେ।  Eunoia ଫିଲ୍ମସ ଓ ଫ୍ଲୋଟିଂ ରକ୍ସ ଏଣ୍ଟରଟେନମେଣ୍ଟ ନିଜର ପ୍ରଥମ ଭେଞ୍ଚର ଭାରତ ଭାଗ୍ୟ ବିଧାତା ନେଇ ଆସୁଛି। ଭାରତ ଭାଗ୍ୟ ବିଧାତା ଦର୍ଶକଙ୍କୁ ଆଶା , ସାହସ ଓ ମୁସ୍କିଲ ସମୟରେ ଦୃଢ ଭାବେ ଠିଆ ହୋଇ ରହିବା ପାଇଁ ପ୍ରେରଣା ଯୋଗାଇବ। ଏହି ଖବର ଉପରେ କଙ୍ଗନାଙ୍କର ଅନେକ ଫୋଲୟର୍ସ ଖୁସି ବ୍ୟକ୍ତି କରିଛନ୍ତି। କିଛି ଲୋକ ଟ୍ରୋଲିଂ ମଧ୍ୟ କରୁଛନ୍ତି।

Experience the magic of real-life heroism on the big screen!
Ecstatic to announce Bharat Bhhagya Viddhata, a cinematic tribute to the unsung heroes, with talented producer duo Babita Ashiwal & Adi Sharmaa, and visionary director-writer Manoj Tapadia.
Eunoia films and Floating… pic.twitter.com/p9NRtWetdN

— Kangana Ranaut (@KanganaTeam) September 3, 2024

କଙ୍ଗନାଙ୍କ ଫିଲ୍ମ ଏମର୍ଜେନ୍ସି  ୬ ଡିସେମ୍ୱରରେ ରିଲିଜ ହେବାର ଥିଲା , ଏହା ଉପରେ ରୋକ୍ ଲଗାଯାଇଛି। କଙ୍ଗନା ଅନେକ ଇଣ୍ଟରଭ୍ୟୁଜ୍‌ରେ କହି ସାରିଛନ୍ତି ଯେ, ଏହି କଥାରେ ସେ ଖୁବ୍‌ ନିରାଶ ହୋଇଛନ୍ତି। ତାଙ୍କର କହିବା ହେଲା କି ସେ ଫିଲ୍ମରେ ଯେଉଁ କଥା ଦେଖାଉଛନ୍ତି , ସେ ସବୁ ଇତିହାସରେ ଲିଖିତ ହୋଇ ରହିଛି। ସେ ରିସର୍ଚ୍ଚ ପରେ ଫିଲ୍ମ ତିଆରି କରିଛନ୍ତି।