କଟକ,୦୬/୦୮: କଣ୍ଟାବାଞ୍ଜି ବିଧାୟକ  ଲକ୍ଷ୍ମଣ ବାଗ୍‌ଙ୍କ ବିରୋଧରେ ହାଇକୋର୍ଟରେ ମାମଲା  ରୁଜୁ ହୋଇଛି । ବିଧାୟକ ଶ୍ରୀ ବାଗ୍‌ ନିର୍ବାଚନୀ  ସତ୍ୟପାଠରେ ମିଥ୍ୟା ତଥ୍ୟ ଦେଇଥିବା ଅଭିଯୋଗ କରି ଉକ୍ତ ନିର୍ବାଚନମଣ୍ଡଳୀର ଭୋଟର୍‌ ଗିରିରାଜ ମାଝୀ ଏହି ମାମଲା ରୁଜୁ କରିଛନ୍ତି । ଉକ୍ତ ନିର୍ବାଚନକୁ ଅସିଦ୍ଧ ଘୋଷଣା କରିବା ଲାଗି ଆବେଦନକାରୀ  ପ୍ରାର୍ଥନା କରିଛନ୍ତି । ବିଚାରପତି ଜଷ୍ଟିସ୍‌ ଆନନ୍ଦ ଚନ୍ଦ୍ର  ବେହେରା ମାମଲାକୁ ବିଚାର ପାଇଁ ଗ୍ରହଣ କରି  ସୋମବାର ବିଧାୟକଙ୍କୁ ନୋଟିସ ଜାରି କରିଛନ୍ତି ।  ପରବର୍ତ୍ତୀ ଶୁଣାଣି ଆସନ୍ତା ୨୭କୁ ଧାର୍ଯ୍ୟ ହୋଇଛି।  ଆବେଦନକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ମିଲନ  କାନୁନ୍‌ଗୋ ମାମଲା ପରିଚାଳନା କରୁଥିବା ବେଳେ  ଆଇନଜୀବୀ ଆଶିଷ ମିଶ୍ର ସହଯୋଗ କରୁଛନ୍ତି ।