ନୂଆଦିଲ୍ଲୀ,୦୭/୦୨: କେନ୍ଦ୍ର ସରକାରଙ୍କ ଉପରେ ଜୋରଦାର ବିରୋଧ କରି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ନେତୃତ୍ୱରେ କର୍ଣ୍ଣାଟକ ସରକାର ଆଜି ନୂଆଦିଲ୍ଲୀରେ ବିରୋଧ କରୁଛନ୍ତି। କଂଗ୍ରେସ ସରକାର ଗତ କିଛି ବର୍ଷ ମଧ୍ୟରେ ଟ୍ୟାକ୍ସ ଟ୍ରାନ୍ସଫର ଏବଂ ସହାୟତା ଅନୁଦାନ କ୍ଷେତ୍ରରେ ରାଜ୍ୟ ସହିତ ଅନ୍ୟାୟ ହୋଇଥିବା ଅଭିଯୋଗ କରିଛନ୍ତି। ଆଗାମୀ ଲୋକସଭା ନିର୍ବାଚନ ପୂର୍ବରୁ ମନ୍ତ୍ରୀଙ୍କ ସମେତ କର୍ଣ୍ଣାଟକ କଂଗ୍ରେସର ସମସ୍ତ ବିଧାୟକ ଓ ସାଂସଦମାନେ ଜନ୍ତର ମନ୍ତ୍ରର ମଇଦାନରେ ପହଞ୍ଚିଛନ୍ତି।
ରାଜ୍ୟ ସରକାର ୧୫ ତମ ଅର୍ଥ ଆୟୋଗ ଅଧୀନରେ ପାଞ୍ଚ ବର୍ଷ ମଧ୍ୟରେ କର୍ଣ୍ଣାଟକର ୧.୮୭ ଲକ୍ଷ କୋଟି ଟଙ୍କାର କ୍ଷତିପୂରଣ ଦେବାକୁ କେନ୍ଦ୍ରକୁ ଦାବି କରୁଛନ୍ତି। ଏହି ପ୍ରଦର୍ଶନରେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା, କର୍ଣ୍ଣାଟକର ଉପ ମୁଖ୍ୟମନ୍ତ୍ରୀ ଡି.କେ ଶିବକୁମାର ଏବଂ ଅନ୍ୟ ମନ୍ତ୍ରୀମାନେ ମଧ୍ୟ ଉପସ୍ଥିତ ଅଛନ୍ତି। ସିଦ୍ଧରମୈୟା କହିଛନ୍ତି ଯେ ଏହି ବିରୋଧର ଉଦ୍ଦେଶ୍ୟ ହେଉଛି କେନ୍ଦ୍ର ସରକାର ତଥା ଦେଶର ଲୋକଙ୍କ ଦୃଷ୍ଟି ଆକର୍ଷଣ କରିବା। ସେ କେନ୍ଦ୍ର ସରକାରଙ୍କ ଆଗରେ କର୍ଣ୍ଣାଟକକୁ ସାବତ ପୁଅ ଭଳି ବ୍ୟବହାର ଓ ସଂଘୀୟ ବ୍ୟବସ୍ଥାକୁ ଅପମାନିତ କରିଥିବା ଅଭିଯୋଗ କରିଛନ୍ତି। କେନ୍ଦ୍ରର ନୀତି ଯୋଗୁଁ ରାଜ୍ୟ ପ୍ରତି ହୋଇଥିବା ଅନ୍ୟାୟର ସମାଧାନ ପାଇଁ କିଛି କରି ନ ଥିବାରୁ ସିଦ୍ଧରମୈୟା ବାରମ୍ବାର ରାଜ୍ୟର ବିଜେପି ନେତା ତଥା ଏହାର ପୂର୍ବ ସରକାର ଉପରେ ଆକ୍ରୋଷମୂଳକ ମନ୍ତବ୍ୟ ଦେଇଚାଲିଛନ୍ତି।
ସେ କହିଥିଲେ ଯେ ବିଜେପିର ୨୭ ଲୋକସଭା ସାଂସଦ ତାଙ୍କ ସପକ୍ଷରେ ଥିଲେ ମଧ୍ୟ ସେ ସଂସଦ କିମ୍ବା ସରକାରଙ୍କ ଆଗରେ ମୁହଁ ଖୋଲୁ ନାହାଁନ୍ତି। ଏନଡିଏ ସରକାରରେ କର୍ଣ୍ଣାଟକର ପ୍ରତିନିଧିତ୍ୱ କରୁଥିବା ମନ୍ତ୍ରୀମାନେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ସହ ଆଲୋଚନା କରୁନାହାନ୍ତି। କର୍ଣ୍ଣାଟକର ଉପ ମୁଖ୍ୟମନ୍ତ୍ରୀ ଡି.କେ ଶିବକୁମାର କହିଛନ୍ତି ଯେ ସରକାର ଆମକୁ ଯାହା ପାଇବା ଉଚିତ୍ ତାହାଠାରୁ କମ୍ ଦେଉଛନ୍ତି। ଯଦି ଅନ୍ୟ ରାଜ୍ୟଗୁଡିକ ଲାଭ ପାଆନ୍ତି ତେବେ ଏଥିରେ କୌଣସି ଅସୁବିଧା ନାହିଁ। କିନ୍ତୁ ଗୁଜୁରାଟକୁ କେନ୍ଦ୍ର ସରକାର ଯେଉଁ ସବୁ ଯୋଜନା, ବ୍ୟବସ୍ଥା ଆଦି କେନ୍ଦ୍ର ଯୋଗାଇଦେଉଛି, ତାହା କର୍ଣ୍ଣାଟକ ରାଜ୍ୟକୁ ମଧ୍ୟ ଦିଆଯାଉ ବୋଲି କୁହାଯାଉଛି। କର୍ଣ୍ଣାଟକ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ପ୍ରିୟଙ୍କା ଖଡ୍ଗେ ପ୍ରଶ୍ନ କରିଛନ୍ତି ଯେ କେନ୍ଦ୍ର ସରକାର କାହିଁକି ଏହି ପଦକ୍ଷେପ ନେଉଛନ୍ତି? ସେ କହିଛନ୍ତି ଯେ ସମସ୍ତେ ଅଲଗା ଅଲଗା ଭାବେ ଲଢ଼ୁଛନ୍ତି କିନ୍ତୁ ଖୁବଶୀଘ୍ର ଦକ୍ଷିଣ ମହାମେଣ୍ଟକୁ ଏକଜୁଟ ହେବାକୁ ପଡ଼ିବ।
କେବଳ କର୍ଣ୍ଣାଟକ କଂଗ୍ରେସ ନୁହେଁ. ବରଂ ବରିଷ୍ଠ ସିପିଆଇ (ଏମ୍) ନେତା ତଥା କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ ତାଙ୍କ କ୍ୟାବିନେଟ୍ ସହକର୍ମୀମାନେ ଫେବୃଆରୀ ୮ ରେ ଦକ୍ଷିଣ ରାଜ୍ୟ ପ୍ରତି କେନ୍ଦ୍ରର ଅବହେଳା ବିରୋଧରେ ଜାତୀୟ ରାଜଧାନୀରେ ବିକ୍ଷୋଭ ପ୍ରଦର୍ଶନ କରିବେ। ଅନ୍ୟପକ୍ଷରେ, କୋଲକାତାରେ ଟିଏମସି ସୁପ୍ରିମୋ ତଥା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୁକ୍ରବାର ଦିନ ତାଙ୍କ ରାଜ୍ୟର ବକେୟା, ବିଶେଷ କରି ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଯୁକ୍ତି ଗ୍ୟାରେଣ୍ଟି ଅଧିନିୟମ ଅନୁଯାୟୀ ଦେୟକୁ ରୋକିବା ପାଇଁ କେନ୍ଦ୍ର ବିରୋଧରେ ପ୍ରଦର୍ଶନ କରିବେ।
You can also read: ଉତ୍ତରାଖଣ୍ଡରେ ୟୁସିସିକୁ ବିରୋଧ; ବିଧେୟକକୁ ନେଇ ମୁସଲିମ ସଂଗଠନ ଜମିଏତ ଉଲେମା-ଏ-ହିନ୍ଦର ପ୍ରତିକ୍ରିୟା....'ସରିୟତ ବିରୋଧି କୌଣସି ଆଇନ ଗ୍ରହଣୀୟ ନୁହେଁ'