ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

ଖାତିର୍‌ କଲେନି ଲୋକଙ୍କ ଟାହିଟାପରା, ପରିବାର ଚଲାଇବାକୁ ଆଦରି ନେଲେ କୌଳିକ ବୃଦ୍ଧି, ଏବେ ଇଶ୍ୱର ସଫଳ ବ୍ୟବସାୟୀ

ସୋନପୁର ୦୯/୨: ତାଙ୍କ ପାଇଁ ଟାହିଟାପରା ଦେହସୁହା ହୋଇଯାଇଥିଲା । ବେଳେବେଳେ ମାନସିକ ଯାତନାରେ ଅତିଷ୍ଠ ହେବାକୁ ପଡ଼ୁଥିଲା । କିନ୍ତୁ ଜୀବନଯାତ୍ରାରେ ପରିବାରର ସମ୍ଭାଳିବାର ଦାୟିତ୍ୱ ବି ଥିଲା । ମୁଷ୍ଟିମେୟ ଲୋକଙ୍କ ନିକୃଷ୍ଟ ମାନସିକତା ପାଇଁ ନିଜକୁ କାହିଁକି ନିର୍ଯାତନା ଦେବେ ବୋଲି ଚିନ୍ତାକଲେ । ତାଳିମାରି ନାଚିବାକୁ, ଭିକ ମାଗିବାକୁ ମନ ବଳିଲାନି । ଲୋକଙ୍କ ଟାହିଟାପରାକୁ ଖାତିର ନକରି ରୋଜଗାର କରିବାକୁ ରାଜରାସ୍ତାକୁ ବାହାରିଲେ ।  ଛୋଟ ବ୍ୟବସାୟରୁ ଆରମ୍ଭ କଲେ ବେପାର ।  ମୋଚି ସମ୍ପ୍ରଦାୟର ହୋଇଥିବାରୁ ଯାନବାହନର ସିଟ୍‌ କଭର ସିଲାଇ ଏବଂ ଚମଡା ଯୋତା ଚପଲ  ତିଆରି କାମ ଆରମ୍ଭ କରିଥିଲେ । ଏବେ ସେ  ଜଣେ କ୍ଷୁଦ୍ର ବ୍ୟବସାୟୀ ଭାବେ ସୁପରିଚତ । ସେ  ହେଉଛନ୍ତି ସୋନପୁରର ତୃତୀୟଲିଙ୍ଗୀ ଈଶ୍ୱର  ଅଜଗର । 

ସୋନପୁର ପୌରାଞ୍ଚଳ ଅନ୍ତର୍ଗତ  ଚମାରପଡ଼ା ବସିନ୍ଦା ଚଞ୍ଚଳ ଅଜଗରଙ୍କ ପୁଅ ଈଶ୍ୱର ତୃତୀୟଲିଙ୍ଗୀ ବୋଲି  ପିଲାବେଳୁ ଜଣାପଡ଼ିଥିଲା । ସ୍କୁଲ ଯିବା ସମୟରେ ସାଙ୍ଗମାନଙ୍କ ଟାହିଟାପରାର  ସମ୍ମୁଖୀନ ହୋଇଥିଲେ । କିନ୍ତୁ ଆର୍ଥିକ ଅନଟନ ଓ ଲିଙ୍ଗଗତ ବିଭେଦ ଯୋଗୁ  ଅଷ୍ଟମ ଶ୍ରେଣୀପରେ ପାଠପଢ଼ାରେ ଡୋରି ଲାଗିଲା । ଏହାସତ୍ତେ୍ୱ ମନୋବଳ  ଦୃଢ଼ ହୋଇଥିବାରୁ ଅନ୍ୟମାନଙ୍କ ଅଜ୍ଞତା ଯୋଗୁ ହେଉଥିବା ଅପବାଦ  ସମ୍ମୁଖରେ ହାରିନଯାଇ ନିଜେ ମୁଣ୍ଡ ଟେକିଥିଲେ ।  ଲୋକ ଲଜ୍ଜାକୁ ଅଣଦେଖାକରି କୋମଳ ବୟସରେ  ନିଜ ପରିବାର ସମ୍ଭାଳିବା ପାଇଁ ବାହରିଥିଲେ ।  ସୋନପୁର ବ୍ଲକ୍‌ କାର୍ଯ୍ୟାଳୟ ସମ୍ମୁଖରେ ରାସ୍ତା  କଡ଼ରେ ଏକ ଛୋଟିଆ ଦୋକାନ କରି ଭଲ  ରୋଜଗାର କରୁଥିବା କହିଛନ୍ତି । ଜଣେ ତୃତୀୟ  ଶ୍ରେଣୀ କର୍ମଚାରୀ ବା କିରାଣି ଯେତିକି ରୋଜଗାର  କରିବେ ତାହାଠାରୁ ଈଶ୍ୱର ଅଧିକ ରୋଜଗାର  କରୁଥିବା କହିଛନ୍ତି । 

ନିଜେ ବ୍ୟବସାୟରେ ସଫଳ  ହେବାପରେ ଇତିମଧ୍ୟରେ ନିଜର ଦୁଇ ଭଉଣୀଙ୍କୁ  ବିବାହ କରାଇ ସାରିଲେଣି । ମନଭିତରେ ପାଠ  ପଢ଼ିନପାରିବାର ଅବସୋର ଥିବାରୁ ନିଜ ଭାଇଙ୍କୁ  ଉଚ୍ଚ ଶିକ୍ଷିତ କରିବା ଲକ୍ଷ୍ୟରେ ଈଶ୍ୱର ତାକୁ  ପାଠ ପଢ଼ାଉଛନ୍ତି । ସୁବର୍ଣ୍ଣପୁର ଜିଲ୍ଲାରେ ମୋଟ  ୨୧ଜଣ ତୃତୀୟଲିଙ୍ଗୀ ପଞ୍ଜୀକୃତ ହୋଇଥିବା  ବେଳେ ସମାଜିକ ସୁରକ୍ଷା ଯୋଜନାରେ ପଞ୍ଜିୀକୃତ  ତୃତୀୟଲିଙ୍ଗୀଙ୍କୁ ସରକାରଙ୍କ ତରଫରୁ ଭତ୍ତାର  ବ୍ୟବସ୍ଥା ରହିଛି । ମାତ୍ର ସେ ଏଯାବତ୍‌ ଭତ୍ତା  ନେଇନଥିବା କହିଛନ୍ତି । ଇଶ୍ୱରଙ୍କ କହିବାନୁଯାୟୀ ତୃତୀୟଲିଙ୍ଗୀମାନେ  ରାସ୍ତା କଡ଼ରେ ବସ୍‌ଷ୍ଟାଣ୍ଡ ତଥା ଅନ୍ୟାନ୍ୟ ଜନଗହଳିପୂର୍ଣ୍ଣ ସ୍ଥାନ ମାନଙ୍କରେ  ଲୋକଙ୍କଠାରୁ ଟଙ୍କା ପଇସା ମାଗିବା ଘଟଣା ଖୁବ୍‌ କଷ୍ଟକର । ସେମାନେ ସବୁ  ନିଜେ ରୋଜଗାରକ୍ଷମ ହେବା ସହିତ ସ୍ୱାବଲମ୍ବୀ ହେବାର ଆବଶ୍ୟକତା ରହିଛି  ବୋଲି ସେ କହିଛନ୍ତି 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.