ନୂଆଦିଲ୍ଲୀ, ୨/୬:  ବିବାହ ବନ୍ଧନରେ ବାନ୍ଧି ହେଲେ କୋଲକାତା ନାଇଟ୍ ରାଇଡର୍ସର ଷ୍ଟାର୍ ଅଲରାଉଣ୍ଡର ଭେଙ୍କଟେଶ ଆୟର । ସେ ଆଜି ଶ୍ରୁତି ରଘୁନାଥନଙ୍କୁ ବିବାହ କରିଛନ୍ତି। ପରିବାରବର୍ଗ ଓ ପ୍ରିୟଜନଙ୍କ ଉପସ୍ଥିତିରେ ବିବାହ କରିଛନ୍ତି ଭେଙ୍କଟେଶ ଓ ଶ୍ରୁତି। ତେବେ ଆୟରଙ୍କ ବିବାହ ସମୟର କିଛି ଫଟୋ ସୋସିଆଲ ମିଡିଆରେ ପୋଷ୍ଟ କରାଯାଇଛି। ଯାହ ବେଶ୍ ଭାଇରାଲ ହେଉଥିବା ବେଳେ ଶୁଭେଚ୍ଛା ବର୍ଷା କରୁଛନ୍ତି ଫ୍ୟାନ୍ସ। 

ତେବେ ଉଭୟଙ୍କ ନିର୍ବନ୍ଧ ଗତ ବର୍ଷ  ନଭେମ୍ବର ମାସ ୨୩ ତାରିଖରେ ହୋଇଥିଲା । ଆଇପିଏଲ୍ ୨୦୨୪ରେ କେକେଆର ଜିତିବା ନେଇ ଆୟରଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା। ସେ ଫାଇନାଲ ମ୍ୟାଚରେ ଅପରାଜିତ ରହି ୨୬ ବଲରେ ୫୨ ରନ୍  କରିଥିଲେ। ଯାହାଫଳରେ କେକେଆରକୁ ଟ୍ରଫି ବିଜୟୀରେ ସାହାଯ୍ୟ କରିଥିଲେ। ୧୪ ଟି ମ୍ୟାଚରେ ଆୟର ୧୫୮.୮୦ ଷ୍ଟ୍ରାଇକ୍ ରେଟ୍ ସହ ୩୭୦ ରନ୍ କରିଥିଲେ।