କୋଲକାତା: ଆଇପିଏଲର ୨୦୨୪ର ୬୦ ତମ ମ୍ୟାଚ୍ରେ କୋଲକାତା ଏବଂ ମୁମ୍ବାଇ ମ୍ୟାଚକୁ ନେଇ ଚର୍ଚ୍ଚା । ବର୍ଷା ଯୋଗୁଁ ଟସ୍ ବିଳମ୍ବ ହେବାରୁ ୧୬ ଓଭର ବିଶିଷ୍ଟ ମ୍ୟାଚ୍ ହୋଇଛି । ଟସ୍ ଜିତି ପ୍ରଥମେ ବ୍ୟାଟିଂ କରିଥିବା କୋଲକାତା ନାଇଟ ରାଇଡର୍ସ (କେକେଆର) ନିର୍ଦ୍ଧାରିତ ଓଭରରେ ୭ ଓ୍ବିକେଟ ହରାଇ ୧୫୭ ରନ୍ କରିଛି ।
ଫିଲିଫ ସଲ୍ଟ ୬ ରନ୍ କରି ଆଉଟ ହୋଇଥିବା ବେଳେ ସୁନୀଲ ନରାୟଣ ବୁମରାଙ୍କ ବଲ ବୁଝି ନପାରି ବୋଲ୍ଡ ହୋଇଥିଲେ । ଏହା ପରେ ଭେଙ୍କଟେଶ ଆୟାର ସର୍ବାଧିକ ୪୨ ରନ୍ କରିଥିଲେ । ସେହିଭଳି ଶ୍ରେୟସ ଆୟର (୭), ନୀତିଶ ରାଣା (୩୩), ଆଣ୍ଡ୍ରେ ରସେଲ (୨୪), ରିଙ୍କୁ ସିଂହ(୨୦), ରମଣଦୀପ ସିଂହଙ୍କ ଅପରାଜିତ ୧୭ ଏବଂ ମିଚେଲ ଷ୍ଟାର୍କଙ୍କ ଅପରାଜିତ ୨ ରନ୍ ବଳରେ ଦଳ ମୁମ୍ବାଇ ଇଣ୍ଡିଆନ୍ସକୁ ୧୫୮ ରନ୍ ଟାର୍ଗେଟ ଦେଇଛି ।
ସେପଟେ ମୁମ୍ବାଇର ଜସପ୍ରୀତ ବୁମରା ଏବଂ ପୀୟୁଷ ଚାଓ୍ବଲା ୨ଟି ଲେଖାଏଁ ଓ୍ବିକେଟ ନେଇଛନ୍ତି । ସେହିଭଳି ନୁଆନ ତୁଷାରା ଏବଂ ଅଂଶୁଲ କମ୍ବୁଜ ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି । ଆଜିର ମୁକାବିଲାରେ କୋଲକାତା ନାଇଟ ରାଇଡର୍ସ ବିଜୟୀ ହେଲେ ଔପଚାରିକ ଭାବେର ପ୍ଲେଅଫରେ ପହଞ୍ଚିବ ।
