ଫିରିଙ୍ଗିଆ, ୨୨/୦୩: କନ୍ଧମାଳ ଜିଲ୍ଲା ଗୋଛାପଡ଼ା ଥାନା ସଲାଗୁଡ଼ା ପଞ୍ଚାୟତ ଗିଡାପଦରରେ ପୂର୍ବତନ ୱାର୍ଡ ମେମ୍ବର ଦମ୍ପତିଙ୍କୁ ହତ୍ୟା ଘଟଣା । ମୃତକଙ୍କ ଘରୁ ଯାଇ ସମ ବେଦନା ଜଣାଇବା ସହ କୁଇ ସମାଜ ସେବା ସମିତି ଆର୍ଥିକ ସହାୟତା ପ୍ରଦାନ କରିଛି ।

କନ୍ଧମାଳ ଜିଲ୍ଲା କୁଇ ସମାଜ ସଭାପତି ସୁଦର୍ଶନ କହଁରଙ୍କ ସହ ଏକ ଟିମ୍ ଲୁଇସିଂ ପଞ୍ଚାୟତ ଗୁମାନଦଣୀ ଗାଁରେ ଥିବା ମୃତକଙ୍କ ଘରକୁ ଯାଇ ପରିବାର ଲୋକଙ୍କୁ ଭେଟିଛନ୍ତି । ମୃତ ଡାହିରା କହଁରଙ୍କ ୨ ପୁଅ ଥିବା ବେଳେ ବଡ଼ ପୁଅ ବାହା ହୋଇ ସାରିଛି ଓ ସାନପୁଅର ବୟସ ମାତ୍ର ୧୦ ବର୍ଷ । ତେଣୁ କୁଇ ସମାଜ ସେବା ସମିତି ସାନପୁଅକୁ ଆର୍ଥିକ ରାଶି ପ୍ରଦାନ କରିଛି ।

ଗୁଣିଗାରେଡିକୁ କେନ୍ଦ୍ର କରି ଦମ୍ପତିଙ୍କୁ ହତ୍ୟା କରାଯାଇଥିବା ପୋଲିସ ସ୍ପଷ୍ଟ କରିଥିବା ବେଳେ ମାମଲାରେ ମୁଖ୍ୟ ଅଭିଯୁକ୍ତ ସହ ସେହି ଗାଁର ୧୦ ଜଣ ଲୋକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।