ବ୍ରହ୍ମପୁର, ୧୧/୧୧ : ରାସ୍ତା ମରାମତି ଦାବିରେ ପ୍ରତିବାଦ। ବ୍ରହ୍ମପୁର ପୁରୁଣା ବସଷ୍ଟାଣ୍ଡ ନିକଟ ଇନ୍ଦିରା ଗାନ୍ଧୀ ପ୍ରତିମୂର୍ତ୍ତି ନିକଟରେ ଶନିବାର ପୂର୍ବାହ୍ନରେ ଆଇନଜୀବୀ ମନୋଜ ପଟ୍ଟନାୟକ ଏବଂ ତାଙ୍କର କିଛି ସମର୍ଥକ ଧାରଣା ଦେଇଛନ୍ତି। 

ସୂଚନାନୁଯାୟୀ, ପୁରୁଣା ବସଷ୍ଟାଣ୍ଡ ନିକଟ ଇନ୍ଦିରା ଗାନ୍ଧୀ ପ୍ରତିମୂର୍ତ୍ତି ନିକଟରେ ରାସ୍ତା ଖୋଳି ହୋଇ ଗର୍ତ୍ତ ହୋଇଥିଲା। ଦଶହରା ସମୟରେ ଏହାର ମରାମତି କରାଯାଇନଥିଲା। ୯ ତାରିଖରେ ଆଇନଜୀବୀ ପଟ୍ଟନାୟକ ମରାମତି କରିବାକୁ ବିଏମସି କମିଶନରଙ୍କୁ ଲିଖିତ ଭାବେ ଦେଇଥିଲେ। ରାସ୍ତା ମରାମତି ନହେଲେ ଶନିବାର ଧାରଣା ଦେବେ ବୋଲି କହିଥିଲେ। ଦାବି ପୂରଣ ନହେବାରୁ ଆଇନଜୀବୀ ପଟ୍ଟନାୟକ ଆଜି ଧାରଣା ଦେଇଛନ୍ତି।