ବାଲିପାଟଣା, ୦୨/୦୯ : ଷଣ୍ଢକୁ ଧକ୍କା ଦେଇ ରାସ୍ତାରେ ଓଲଟି ପଡ଼ିଲା ବୋଲେରେ। ଲିଙ୍ଗିପୁର ଟ୍ରାଫିକ୍ ନିକଟ ୫୦୦ ମିଟର ଦୂରରେ ଏହି ଦୁର୍ଘଟଣା ଘଟିଛି। ବୋଲେରୋରେ ଥିବା ୮ ଜଣ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ ଜଣ ଗୁରୁତର ଅଛନ୍ତି । ସମସ୍ତଙ୍କୁ ୧୦୮ ଆମ୍ବୁଲାନ୍ସ ଯୋଗେ କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାନୁଯାୟୀ, ଶନିବାର ଭୋର ସାଢେ ୩ ଟାରେ କୁଜଙ୍ଗରୁ ୮ ଜଣ ଯାତ୍ରୀ ପୁରୀ ବୁଲିବା ପାଇଁ ବୋଲେରୋ ଯୋଗେ ଆସୁଥିଲେ । ଲିଙ୍ଗିପୁର ଟ୍ରାଫିକ୍ ଠାରୁ ୫୦୦ ମିଟର ଦୂରରେ ଏକ କଳା ରଙ୍ଗର ଷଣ୍ଡ ରାସ୍ତା ଉପରେ ଠିଆ ହୋଇଥିଲା । ବେଗ ଅଧିକ ଥିବାରୁ ଗାଡ଼ିଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡ଼ିଥିଲା । ବୋଲେରୋରେ ଥିବା ୮ ଜଣ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ ଜଣ ଗୁରୁତର ଅଛନ୍ତି । ସ୍ଥାନୀୟ ଲୋକେ ସମସ୍ତ ଯାତ୍ରୀଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କ୍ଯାପିଟାଲ୍ ହସ୍ପିଟାଲ୍ ପଠାଇଛନ୍ତି । ଦୁର୍ଘଟଣାରେ ଷଣ୍ଢର ମୃତ୍ୟୁ ହୋଇଛି ।
