ନୂଆଦିଲ୍ଲୀ,୪/୨ : ଲୋକସଭା ନିର୍ବାଚନ ୨୦୨୪କୁ ନେଇ ଉତ୍ତରପ୍ରଦେଶର ପ୍ରମୁଖ ପାର୍ଟି ପୁରା ପ୍ରସ୍ତୁତି ସହ ନର୍ବାଚନୀ ମୈଦାନରେ ଓହ୍ଲାଇବାକୁ ପ୍ରସ୍ତୁତ ଅଛନ୍ତି । ଏହା ମଧ୍ୟରେ ଯୋଗୀ ସରକାରଙ୍କ ମନ୍ତ୍ରୀ ଏବଂ ନିଷାଦ ପାର୍ଟି ପ୍ରମୁଖ ସଞ୍ଜୟ ନିଷାଦ ଗଣମାଧ୍ୟମକୁ ସାକ୍ଷାତକାର ଦେଇ ଏକ ବଡ଼ ବୟାନ ଦେଇଛନ୍ତି । ଯେତେବେଳେ ତାଙ୍କୁ ପଚରାଗଲା କି ଲୋକସଭା ନିର୍ବାଚନକୁ ନେଇ ମାୟାବତୀଙ୍କୁ ଆପଣ ସାଙ୍ଗରେ ନେଉଛନ୍ତି ତ ସେ କହିଥିଲେ କି ଦେଖନ୍ତୁ ଆମର ନୀତିରେ ଯିଏ ସହମତ ହୋଇ ଆସିବେ ଆମେ ତାଙ୍କୁ ସ୍ବାଗତ କରିବୁ । ବହନ ଜୀ ଦଳିତ ଏବଂ ପଛୁଆ ଜାତିର ସ୍ବର ଉଠାଇଛନ୍ତି ।

ଏହାସହ କ୍ୟାବିନେଟ ମନ୍ତ୍ରୀ ସଞ୍ଜୟ ନିଷାଦ କହିଛନ୍ତି କି ଯେତେବେଳେ କାଶୀରାମ ଆସିଥିଲେ ତ ପ୍ରତ୍ୟେକ ଜାତି ଏବଂ ପ୍ରତ୍ୟେକ ଧର୍ମ ନେତୃତ୍ବ ରହିଥିଲା । ଆଜି ଯେଉଁ କାମ କାଶୀରାମଙ୍କ ଅଧୁରା ରହିଛି ତାକୁ ସିଏମ୍ ଯୋଗୀ ଏବଂ ପିଏମ୍ ମୋଦୀ ପୂରା କରୁଛନ୍ତି । ଯେତେବେଳେ ଆମେ ତାଙ୍କ ଲୋକଙ୍କ କାମକୁ ପୂରା କରୁଛୁ ତାଙ୍କର ଯେଉଁ ଅଧୁରା ସ୍ବପ୍ନ ରହିଛି ତ ସେମାନେ ବି ଆମ ସାଙ୍ଗରେ ସମୟ ଆସିଲେ ଆସିପାରନ୍ତି । ଏହା ବ୍ୟତୀତ ସେ ଏହା ବି କହିଛନ୍ତି କି ଜନତାଙ୍କ ସହ ଆମେ ଆଗକୁ ବଢୁଛୁ, ଆମେ ଜନତାଙ୍କୁ ବଢାଉଛୁ ଏଥିଲାଗି ଆଗକୁ ବଢୁଛୁ । ୭୦ବର୍ଷ ପରେ ରାମଙ୍କ ନାମ ପିଏମ୍ ମୋଦୀ ନେଲେ, ଏହା ପୂର୍ବରୁ କେହି ବି ନାଁ ନେଇନଥିଲେ । 

ପ୍ରକାଶ ଯେ, ମାୟାବତୀ ବସପା ନେତାଙ୍କ ସହ ବୈଠକ କରି ସ୍ପଷ୍ଟ କରି ଦେଇଥିଲେ କି ସେ ଲୋକସଭା ନିର୍ବାଚନ ଏକାକୀ ଲଢିବେ । ଲୋକସଭା ନିର୍ବାଚନ ୨୦୨୪ଲାଗି ୟୁପିରେ ସପା, କଂଗ୍ରେସ ଏବଂ ରାଲୋଦ ଆଇ.ଏନ.ଡି.ଆଇ.ଏ ଗଠବନ୍ଧନର ଭାଗିଦାରୀ ଅଟନ୍ତି । ସେହିଭଳି ଏନଡିଏରେ ବିଜେପି ସହ ଅପନା ଦଳ(ଏସ), ସୁଭାସପା ଏବଂ ନିଷାଦ ପାର୍ଟି ଅଛି । ଆଞ୍ଚଳିକ ଦଳ ୟୁପି ରାଜନୀତିରେ ବହୁ ଗୁରୁତ୍ବପୂର୍ଣ୍ଣ ଧରାଯାଏ ଏବଂ ଏହି ଦଳର ଭୋଟ ବ୍ୟାଙ୍କ୍ ବି ବହୁ ବିଶେଷ ହୋଇଥାଏ ।