ଭୁବନେଶ୍ୱର,୨୮/୦୪: ସାଧାରଣ ନିର୍ବାଚନକୁ ମୁକ୍ତ, ଅବାଧ, ସ୍ୱଚ୍ଛ ଓ ଆଇନଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଓଡ଼ିଶାରେ ୧୬୫ କମ୍ପାନୀ ସିଏପିଏଫ୍ ମୁତୟନ ପାଇଁ ବ୍ୟବସ୍ଥା ହୋଇଛି । ବର୍ତ୍ତମାନ ୭୫ କମ୍ପାନୀ ଫୋର୍ସ ବିଭିନ୍ନ ସ୍ଥାନରେ ମୁତୟନ ହୋଇ ସାରିଛନ୍ତି । ଆସନ୍ତା ୧୨ ଦିନ ମଧ୍ୟରେ ବାକି ୯୦ କମ୍ପାନୀ ଫୋର୍ସ ମୁତୟନ ହେବ ବୋଲି ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।
୨୦୧୯ ସାଧାରଣ ନିର୍ବାଚନ ସମୟରେ ତତ୍କାଳୀନ ଡିଜିପି ୧୪୦ କମ୍ପାନୀ ଫୋର୍ସ ମାଗିଥିଲେ । କେନ୍ଦ୍ର ସରକାରଙ୍କ ତରଫରୁ ୧୩୩ କମ୍ପାନୀ ସିଏପିଏଫ୍ ଫୋର୍ସ ଯୋଗାଇ ଦିଆଯାଇଥିଲା । ୨୦୨୪ ସାଧାରଣ ନିର୍ବାଚନ ଅଧିକ ରୋଚକ ଥିବାରୁ ୧୮୦ କମ୍ପାନୀ ଫୋର୍ସ ମାଗିଥିଲେ ଡିଜିପି । ସେଥିରୁ ୧୬୫ କମ୍ପାନୀ ଫୋର୍ସ୍ ମୁତୟନ ପାଇଁ ବ୍ୟବସ୍ଥା ହୋଇଛି । ଏଥିରୁ ୮୩ କମ୍ପାନୀ ଇନ୍ସିଟୁ ଓ ୮୨ କମ୍ପାନୀ ଡାଇରେକ୍ଟ ଇଣ୍ଡକ୍ସନ୍ ମାଧ୍ୟମରେ ମୁତୟନ ହେବେ । ମଇ ୧ ତାରିଖରେ ଆହୁରି ୪୮ କମ୍ପାନୀ ଓ ମଇ ୯ ତାରିଖରେ ୪୨ କମ୍ପାନୀ ସିଏପିଏଫ୍ ଜବାନ କାର୍ଯ୍ୟରେ ଯୋଗଦେବେ । ୧୬୫ କମ୍ପାନୀ ଫୋର୍ସ ମଧ୍ୟରୁ ୨୫ କମ୍ପାନୀ ଷ୍ଟ୍ରଙ୍ଗ୍ ରୁମ୍ ସୁରକ୍ଷା ଦାୟିତ୍ୱରେ ରହିବେ ।
