ଲକ୍ଷ୍ନୌ: ଆଇପିଏଲ ୨୦୨୪ର ୨୬ ତମ ମ୍ୟାଚ୍ରେ ଦିଲ୍ଲୀ- ଲକ୍ଷ୍ନୌ ଟକ୍କର । ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିବା ଲକ୍ଷ୍ନୌ ନିର୍ଦ୍ଧାରିତ ଓଭରରେ ୭ ଓ୍ବିକେଟ ହରାଇ ୧୬୭ ରନ୍ କରିଛି । ଲକ୍ଷ୍ନୌର ଆୟୁଷ ବାଦୋନି ଅପରାଜିତ ୫୫ ରନ୍ କରିଛନ୍ତି । ଆରମ୍ଭରୁ ବ୍ୟାଟିଂ ବିପର୍ଯ୍ୟୟ ଭୋଗିଥିବା ଲକ୍ଷ୍ନୌ ସୁପର ଜ୍ୟାଣ୍ଟସ୍ ଓଭର ଶେଷ ଆଡ଼କୁ ସମ୍ମାନଜନକ ସ୍କୋର କରିବାରେ ସଫଳ ହୋଇଛି । ଆଜିର ମ୍ୟାଚ୍ରେ ଅଧିନାୟକ କେଏଲ ରାହୁଲ ୩୯ ରନ୍ କରି ଆଉଟ ହୋଇଥିବା ବେଳେ ଅନ୍ୟ ବ୍ୟାଟର ଭଲ ପ୍ରଦର୍ଶନ କରିପାରିନଥିଲେ । ଆୟୁଷ ବାଦୋନିଙ୍କ ଅପରାଜିତ ୫୫ ରନ୍ ବଳରେ ଲକ୍ଷ୍ନୌ ୧୬୭ ରନ୍ କରପାରିଛି ।
ଦିଲ୍ଲୀ କ୍ୟାପିଟାଲ୍ସର କୁଲଦୀପ ଯାଦବ ଆଜି ଦମଦାର ବୋଲିଂ କରିଛନ୍ତି । ମାତ୍ର ୨୦ ରନ୍ ଦେଇ ୩ଟି ଓ୍ବିକେଟ ନେଇଛନ୍ତି କୁଲଦୀପ । ସେହିଭଳି ଖଲିଲ ଅହମ୍ମଦ ମଧ୍ୟ ୨ଟି ଓ୍ବିକେଟ ନେଇ ଲକ୍ଷ୍ନୌର ଦମ୍ଭ ଭାଙ୍ଗି ଦେଇଥିଲେ । ଇଶାନ୍ତ ଶର୍ମା ଏବଂ ମୁକେଶ କୁମାର ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି ।
ଆଜିର ମ୍ୟାଚ୍ରେ ଲକ୍ଷ୍ନୌ ୨୮ ରନ୍ରେ ପ୍ରଥମ ଓ୍ବିକେଟ (କ୍ବିଣ୍ଟନ ଡିକକ୍) ହରାଇଥିଲା । ସେ ୧୯ ରନ୍ କରି ଖଲିଲ ଅହମ୍ମଦଙ୍କ ବଲରେ ଏଲବିଡବ୍ଲୁ ହୋଇ ପ୍ୟାଭିଲିୟନ୍ ଫେରିଥିଲେ । ସେହିଭଳି ଦେବଦତ୍ତ ପାଡିକଲଙ୍କୁ ଆଉଟ କରି ପଡ଼ିଆରୁ ଫେରାଇଥିଲେ ଖଲିଲ ଅହମ୍ମଦ । ପରେ ପରେ ମାର୍କସ ଷ୍ଟାଇନିସ୍ (୮), ନିକୋଲାସ ପୁରନ (୦), ଦୀପକ ହୁଡା (୧୦), କୃଣାଲ ପାଣ୍ଡ୍ୟା (୩) ଆଉଟ ହୋଇଥିଲେ ।