ଭୁବନେଶ୍ୱର,୨୬/୦୮: ଖୁବ୍ ଶୀଘ୍ର ଆସିପାରେ ଫୁସ୍ଫୁସ୍ କର୍କଟକୁ ଦୂର କରିବା ପାଇଁ ବିଶ୍ୱର ପ୍ରଥମ ଟିକା । ଏହି ଫୁସ୍ଫୁସ୍ କର୍କଟ ଟିକାର ମାନବ ପରୀକ୍ଷଣ ଆରମ୍ଭ ହୋଇଛି। ଏହି ଟୀକାର ନାମ ହେଉଛି ବିଏନଟି୧୧୬, ଯାହା ବାୟୋ ଏନ ଟେକ୍ ଦ୍ୱାରା ନିର୍ମିତ । ଏହି ଟିକା ଫୁସ୍ଫୁସ୍ କର୍କଟର ଚିକିତ୍ସା ପାଇଁ ସ୍ୱତନ୍ତ୍ର ଭାବରେ ତିଆରି କରାଯାଇଛି । ବିଏନଟି୧୧୬ ର ପ୍ରଥମ ପର୍ଯ୍ୟାୟ ପରୀକ୍ଷା ୟୁକେ, ୟୁଏସଏ, ଜର୍ମାନୀ, ହଙ୍ଗେରୀ, ପୋଲାଣ୍ଡ, ସ୍ପେନ୍ ଏବଂ ତୁର୍କୀର ୩୪ ଟି ସ୍ଥାନରେ ଆରମ୍ଭ ହୋଇଛି । ସାରା ବିଶ୍ୱରେ କର୍କଟ ରୋଗରେ ମୃତ୍ୟୁର ସବୁଠାରୁ ବଡ କାରଣ ହେଉଛି ଫୁସ୍ଫୁସ୍ କର୍କଟ । ଏହି କାରଣରୁ, ପ୍ରତିବର୍ଷ ପ୍ରାୟ ୧.୮ ନିୟୁତ ମୃତ୍ୟୁ ଘଟୁଛି। ଆସନ୍ତୁ ଜାଣିବା ଏହି ଟିକା ବିଷୟରେ...
ଫୁସ୍ଫୁସ୍ କର୍କଟ ଟିକା ଉପରେ ମାନବ ପରୀକ୍ଷା-
ବ୍ରିଟେନର ପ୍ରଥମ ଫୁସ୍ଫୁସ୍ ରୋଗୀକୁ ଗତ ମଙ୍ଗଳବାର ଏହି ଟିକା ଦିଆଯାଇଥିଲା । ପରେ ବ୍ରିଟେନର ପ୍ରାୟ ୧୩୦ ରୋଗୀଙ୍କୁ ଫୁସ୍ଫୁସ୍ କର୍କଟର ବିଭିନ୍ନ ପର୍ଯ୍ୟାୟରେ ଇମ୍ୟୁନୋଥେରାପି ସହିତ ବିଏନଟି୧୧୬ ଦିଆଯିବ | କୋଭିଡ୍-୧୯ଟିକା ବନାଇବାର କୌଶଳ ସହିତ ଅନ୍ୟ ପ୍ରଯୁକ୍ତି ବିଦ୍ୟାକୁ ବ୍ୟବହାର କରି, ବିଏନଟି୧୧୬ ପ୍ରସ୍ତୁତ କରାଯାଇଛି । ଏହା ଏନଏସସିଏଲସି ଟ୍ୟୁମରକୁ ଟାର୍ଗେଟ କରିବ, ସୁସ୍ଥ କୋଷକୁ ବଞ୍ଚାଇବ ସହ କର୍କଟ ରୋଗ ସହ ଲଢିବା ପାଇଁ ରୋଗ ପ୍ରତିରୋଧକ ଶକ୍ତିକୁ ବାଢାଇବ ବୋଲି ଆଶା କରାଯାଉଛି ।
ଫୁସ୍ଫୁସ୍ କର୍କଟ ଟିକାର ପରୀକ୍ଷା କିପରି କରାଯାଇଛି ?
ଲଣ୍ଡନର ୬୭ ବର୍ଷିୟ ଏଆଇ ବୈଜ୍ଞାନିକ ଜାନୁସ୍ ରେଜ ଏହି ଟିକା ଗ୍ରହଣ କରିଥିବା ପ୍ରଥମ ୟୁକେ ରୋଗୀ ଥିଲେ । ସେ ମେ ମାସରେ ଫୁସ୍ଫୁସ୍ କର୍କଟ ରୋଗରେ ଆକ୍ରାନ୍ତ ହୋଇ କେମୋଥେରାପି ଏବଂ ରେଡିଓଥେରାପି ଆରମ୍ଭ କରିଥିଲେ । ପରେ ସେ ଏହି ପରୀକ୍ଷାରେ ଯୋଗଦେବାକୁ ନିଷ୍ପତ୍ତି ନେଇଥିଲେ । ତାଙ୍କୁ ଏକ ସାପ୍ତାହିକ ଟିକା ଦିଆଯାଇଥିଲା । ଏହା ପରେ ଏକ ବର୍ଷରୁ ଅଧିକ ସମୟ ପାଇଁ ପ୍ରତି 3 ସପ୍ତାହରେ ଥରେ ଚିକିତ୍ସା କରାଯାଇଛି ।
ଡାକ୍ତରଙ୍କ ମତାମତ-
ୟୁନିଭର୍ସିଟି କଲେଜ ଲଣ୍ଡନ ହସ୍ପିଟାଲର ପ୍ରଫେସର ସେଓ ମିଙ୍ଗ କହିଛନ୍ତି, ଫୁସ୍ଫୁସ୍ କର୍କଟ ପାଇଁ ଏମଆରଏନଏ ଆଧାରିତ ଇମ୍ୟୁନୋଥେରାପି ସହିତ ଏକ ନୂତନ ଯୁଗ ଆରମ୍ଭ ହେବ । ବ୍ରିଟେନରେ ଏହି ପରୀକ୍ଷଣର ନେତୃତ୍ୱ ନେଇ ସେ କହିଛନ୍ତି ଯେ, ଫୁସ୍ଫୁସ୍ କର୍କଟ ରୋଗକୁ ରୋକିବା ତାଙ୍କର ଲକ୍ଷ୍ୟ ଥିଲା ଏବଂ ସେ ଏଥିରେ ସଫଳତା ହାସଲ କରିଛନ୍ତି । ଏଥିପାଇଁ ସେ ୪୦ ବର୍ଷ ଧରି ଫୁସ୍ଫୁସ୍ କର୍କଟ ବିଷୟରେ ଅଧ୍ୟୟନ ମଧ୍ୟ କରିଥିଲେ ।
୧୯୯୦ରେ କେମୋଥେରାପି ପ୍ରଶ୍ନବାଚୀ ସୃଷ୍ଟି କରିଥିଲା । ବର୍ତ୍ତମାନ ସମୟରେ ଷ୍ଟେଜ୍ ୪ ରୋଗୀଙ୍କଠାରେ ୨୦-୩୦% ରୋଗ ପ୍ରତିରୋଧକ ଶକ୍ତି ରହୁଛି । ଆଶା କରାଯାଉଛି ଯେ, ଏହି ଏମଆରଏନଏ ଟିକା ଫୁସ୍ଫୁସ୍ କର୍କଟ ରୋଗରେ ପୀଡ଼ିତ ରୋଗୀଙ୍କ ବଞ୍ଚିବା ପରିମାଣକୁ ଆହୁରି ବଢାଇବ। ଏହା ଫୁସ୍ଫୁସ୍ କର୍କଟ ରୋଗୀଙ୍କ ଜୀବନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।
