ପ୍ରମୂଖ ଖବର
  • ଶ୍ରୀମନ୍ଦିର ପରିଚାଳନା କମିଟି ବୈଠକରେ ରଥଯାତ୍ରା ନୀତି ନିର୍ଘଣ୍ଟ ଉପରେ ବାଜିଲା ମୋହର
  • ||
  • ବାଂଲାଦେଶକକୁ ୮ରନ୍‌ରେ ପରାସ୍ତ କଲା ଆଫଗାନିସ୍ତାନ, ସେମିରେ ଦକ୍ଷିଣ ଆଫ୍ରିକାକୁ ଭେଟିବ
  • ||
  • ଶୌଚ ପାଇଁ ଯାଇଥିବା ବେଳେ ମହିଳାଙ୍କୁ ଦଂଶନ କଲା ସାପ, ଚାଲିଗଲା ଜୀବନ
  • ||
  • ମାଲକାନଗିରି ସୀମାନ୍ତରେ ଏନ୍‌କାଉଣ୍ଟର, ପୋଲିସ ଗୁଳିରେ ହାର୍ଡକୋର ମାଓବାଦୀ ନିହତ
  • ||
  • ଲୋକସଭା ବାଚସ୍ପତି ନିର୍ବାଚନ: ଆଜି ପ୍ରାର୍ଥୀଙ୍କ ନାଁ ଘୋଷଣା କରିବ NDA, ମଧ୍ୟାହ୍ନ ୧୨ଟାରେ ସୁଦ୍ଧା ନାମାଙ୍କନ
  • ||
  • ଲୋକସଭା ବାଚସ୍ପତି ନିର୍ବାଚନ,ଆଜି ପ୍ରାର୍ଥୀଙ୍କ ନାଁ ଘୋଷଣା କରିବ NDA, ୧୨ଟାରେ ନାମାଙ୍କନ
  • ||
  • ରାଜ୍ୟରେ ଜୁଲାଇ ୧୫ ଯାଏ ନିଅଣ୍ଟିଆ ବର୍ଷା: ଦୁର୍ବଳ ହେବ ଘୂର୍ଣ୍ଣିବଳୟ, ସକ୍ରିୟ ହେଉନି ମୌସୁମୀ
  • ||

ଗାଜା ଯୁଦ୍ଧରେ ‘ମେଡ୍‌ ଇନ୍‌ ଇଣ୍ଡିଆ’ ମିସାଇଲ୍‌ ବ୍ୟବହାର କରୁଛି କି ଇସ୍ରାଏଲ୍‌ ?

ନୂଆଦିଲ୍ଲୀ: ନିକଟରେ ଗାଜାରେ ଜାତିସଂଘ ଦ୍ବାରା ପରିଚାଳିତ ସ୍କୁଲ ଉପରେ ମିସାଇଲ ମାଡ଼ କରିଥିଲା ଇସ୍ରାଏଲ । ଆଉ ଏହି ଆକ୍ରମଣରେ ଇସ୍ରାଏଲ ସେନା ଭାରତରେ ତିଆରି ମିସାଇଲ ବ୍ୟବହାର କରିଥିଲା ବୋଲି ଦାବି ହୋଇଛି । ମିସାଇଲର ଏକ ଭିଡିଓ ଭାଇରାଲ ହେବାରେ ଲାଗିଛି । ପାଲେଷ୍ଟାଇନ୍‌ ନ୍ୟୁଜ ଚ୍ୟାନେଲର ଏକ ରିପୋର୍ଟ ଅନୁସାରେ, ମିସାଇଲ୍‌ର ଅବଶେଷ ଠାବ ହୋଇଛି ଏବଂ ଏଥିରେ ‘ମେଡ୍‌ ଇନ ଇଣ୍ଡିଆ’ ଲେଖା ହୋଇଛି । ଏହି ଭିଡିଓକୁ ନେଇ ସୋସିଆଲ ମିଡିଆରେ ଝଡ଼ ସୃଷ୍ଟି ହୋଇଛି । 

 ସୂଚନା ଅନୁସାରେ, ଇସ୍ରାଏଲ ଏହି ଆକ୍ରମଣ ଜୁନ ୬ରେ କରିଥିଲା । ଏହା ପୂର୍ବରୁ ଇସ୍ରାଏଲକୁ ଭାରତ ବିସ୍ଫୋରକ ପଠାଇବାକୁ ନେଇ ମଧ୍ୟ ବିବାଦ ଦେଖାଦେଇଥିଲା । ଭାରତୀୟ ମିସାଇଲ ଠାବ ନେଇ ଦାବି ହେବା ପରେ ପାଲେଷ୍ଟାଇନ୍‌ ଉତକ୍ଷିପ୍ତ ହୋଇଉଠିଛି । ସେପଟେ ଗାଜାର ଲୋକମାନଙ୍କ କହିବା ଅନୁଯାୟୀ, ଇସ୍ରାଏଲ ମିସାଇଲ ମାଡ଼ କରିଥିବା ସ୍କୁଲରେ ଶରଣାର୍ଥୀ ଆଶ୍ରୟ ନେଇଥିଲେ । ନୁସୈରତ ଶରଣାର୍ଥୀ ଶିବିରରେ ଜାତିସଂଘ ପକ୍ଷରୁ ମାନବୀୟ ସହାୟତା ପହଞ୍ଚୁଥିଲା । ସେପଟେ ଏସବୁ ମାମଲାକୁ ନେଇ ଇସ୍ରାଏଲ ପକ୍ଷରୁ କୌଣସି ପ୍ରତିକ୍ରିୟା ଦିଆଯାଇ ନାହିଁ । 

ଇସ୍ରାଏଲର ଏହି ମିସାଇଲ ଆକ୍ରମଣରେ ଅତିକମ୍‌ରେ ୨୦ ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରେ ମହିଳା ଏବଂ ଶିଶୁ ସାମିଲ । ଏବେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି, ମିସାଇଲ ମାଡ଼ରେ ବିଲ୍ଡିଂଟି ସମ୍ପୂର୍ଣ୍ଣ ଧ୍ବଂସ ହୋଇଯାଇଛି । ଯଦି ପ୍ରକୃତରେ ଏହି ଭିଡିଓରେ ଦେଖିବାକୁ ମିଳିଥିବା ମିସାଇଲ ‘ମେଡ୍‌ ଇନ ଇଣ୍ଡିଆ’ ହୋଇଥାଏ ତେବେ ଭାରତ ପାଇଁ ଅଡ଼ୁଆ ବଢ଼ିପାରେ ।  

ଅନ୍ୟପଟେ, ଭାରତ ଏ‌ବେ ସୁଦ୍ଧା ଗାଜା ଯୁଦ୍ଧ ପ୍ରସଙ୍ଗରେ ନିଜକୁ ଦୂରେଇ ରଖିଛି । ଏପରିକି ପାଲେଷ୍ଟାଇନ୍କୁ ସ୍ବତନ୍ତ୍ର ଦେଶର ମାନ୍ୟତା ମିଳୁ ବୋଲି ଭାରତ ଖୋଲାଖୋଲି ଭାବରେ ଦାବି କରିଆସିଛି । ସେପଟେ ଇସ୍ରାଏଲ ନିଜର ଆକ୍ରମଣକୁ ସଠିକ ବୋଲି ଦର୍ଶାଉଥିବା ବେଳେ ହମାସ ଆତଙ୍କବାଦୀଙ୍କୁ ନିପାତ କରିବ ବୋଲି ପଣ କରିଛି । ପାଲେଷ୍ଟାଇନ୍‌ ଗଣାମଧ୍ୟମ ଦ୍ବାରା ପ୍ରସାରିତ ଭିଡିଓ ଭାଇରାଲ ହେବା ପରେ ଭାରତୀୟ ଯୁଦ୍ଧାସ୍ତ୍ର ଗାଜା ଯୁଦ୍ଧରେ ବ୍ୟବହାର ହେଉଥିବା ନେଇ ଚର୍ଚ୍ଚା ବୃଦ୍ଧି ପାଇଛି । ଏହାକୁ ମାନବାଧିକାର ଉଲ୍ଲଂଘନ ଏବଂ ଯୁଦ୍ଧ ଅପରାଧ ବୋଲି ଅଭିଯୋଗ ହୋଇଛି । 


 

 

 

 

  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.