ନୂଆଦିଲ୍ଲୀ: ଶନିବାର ସକାଳେ ମଧ୍ୟପ୍ରଦେଶର ବେତୁଲ ଜିଲ୍ଲାରେ ଏକ ପୋଲିସ ବସ୍ ଦୁର୍ଘଟଣାଗ୍ରସ୍ତ ହୋଇଛି । ବସ୍ଟି ଓଲଟି ପଡ଼ିବାରୁ ୨୧ ଜଣ ପୋଲିସ ଓ ହୋମ ଗାର୍ଡ କର୍ମଚାରୀ ଆହତ ହୋଇଛନ୍ତି । ଜଣେ ଅଧିକାରୀ ଏହି ସୂଚନା ଦେଇଛନ୍ତି । ଅଧିକାରୀ କହିଛନ୍ତି ଯେ ଏହି ଯବାନ ମାନେ ନିର୍ବାଚନ ଡ୍ୟୁଟି କରିବା ପରେ ସେମାନଙ୍କ ଗୃହ ଜିଲ୍ଲା ରାଜଗଡ ଫେରୁଥିଲେ । ଆଉ ଏହି ସମୟରେ ଭୋପାଳ-ବେତୁଲ ରାଜପଥରେ ବରେଥା ଘାଟ ନିକଟରେ ସେମାନଙ୍କ ବସ୍ ଓଲଟି ପଡ଼ିଥିଲା ।
ପୋଲିସ ସବ-ଡିଭିଜନାଲ ଅଫିସର (SDOP) ଶାଲିନୀ ପରସ୍ତେ କହିଛନ୍ତି ଯେ, ଏହି ଦୁର୍ଘଟଣା ସକାଳ ପ୍ରାୟ ୪ ଟା ସମୟରେ ଘଟିଛି । ସେ କହିଛନ୍ତି, “ବସ୍ରେ ସମୁଦାୟ ୪୦ ଜଣ କର୍ମଚାରୀ ଥିଲେ, ସେଥିମଧ୍ୟରୁ ପାଞ୍ଚ ଜଣ ପୋଲିସ କର୍ମଚାରୀ ଏବଂ ବାକି ହୋମଗାର୍ଡ କର୍ମଚାରୀ ଥିଲେ । ଏହି ସୈନିକ ମାନେ ଛିଣ୍ଡୱାରା ନିର୍ବାଚନ ଡ୍ୟୁଟି କରିବା ପରେ ରାଜଗଡ ଯାଉଥିଲେ, କିନ୍ତୁ ରାସ୍ତାରେ ବସ୍ ଓଲଟି ପଡିଥିଲା।
ପୋଲିସ ଅଧିକାରୀ କହିଛନ୍ତି ଯେ, ଆଠ ଜଣ ଗୁରୁତର ଆହତ କର୍ମଚାରୀଙ୍କୁ ବେତୁଲ ଜିଲ୍ଲା ଡାକ୍ତରଖାନାରେ ଚିକିତ୍ସା କରାଯାଉଛି ଏବଂ ସାମାନ୍ୟ ଆହତ କର୍ମଚାରୀଙ୍କୁ ଶାହପୁର ଡାକ୍ତରଖାନାରେ ଚିକିତ୍ସା କରାଯାଉଛି । ସେ କହିଛନ୍ତି ଯେ ରାସ୍ତାରେ ଆସୁଥିବା ଟ୍ରକକୁ ଧକ୍କା ଦେବାରୁ ବର୍ତ୍ତିବା ପରେ ବସ୍ ଓଲଟି ପଡିଥିଲା । ସୂଚନାଥାଉକି ଶୁକ୍ରବାର ଦିନ ଛିଣ୍ଡୱାରା ଲୋକସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଥିଲା ।
