ଭୋପାଳ, ୧/୬: ଶେଷ ପର୍ଯ୍ୟାୟରେ ଗଣତନ୍ତ୍ରର ମହାପର୍ବ। ଚାଲିଛି ଅନ୍ତିମ ପର୍ଯ୍ୟାୟ ମତଦାନ। ନିଜ ପସନ୍ଦର ନେତା ବାଛୁଛନ୍ତି ଭୋଟର । ଚାରିଆଡେ କଡା ବନ୍ଦୋବସ୍ତ। ନିର୍ବାଚନ ଡ୍ୟୁଟିରେ ପ୍ରଶାସନ। ଭୋଟ୍‌ ପାଇଁ ସମସ୍ତ ଚାକିରିଆଙ୍କ ଛୁଟି ବାତିଲ। ଏହାରି ଭିତରେ ସାମ୍ନାକୁ ଆସିଛି ଏକ ନିଆରା ଦୃଶ୍ୟ। ନିର୍ବାଚନ ଡ୍ୟୁଟିରେ ନିୟୋଜିତ ଅଛନ୍ତି ୮ ମାସର ଗର୍ଭବତୀ। ତାଙ୍କର ନାମ ନିବଦିତା ନାଇଡୁ । ପେସାରେ ସେ ଜଣେ ଆରକ୍ଷୀ ଅଧିକ୍ଷକ । ମାତୃତ୍ୱକୁ ପଛରେ ପକାଇ ସେ କରୁଛନ୍ତି ଦେଶ ସେବା। 

୮ ମାସର ଗର୍ଭବତୀ ଥାଇ ମଧ୍ୟ ନିର୍ବାଚନ ଡ୍ୟୁଟି କରୁଛନ୍ତି ଏସ୍‌ପି। ମା' ହେବା ପୂର୍ବରୁ ସେ ଦେଶର ଝିଅ ହେବାର ତୁଲାଉଛନ୍ତି କର୍ତ୍ତବ୍ୟ। ୧୦ ଘଣ୍ଟାର କଡ଼ା ଡ୍ୟୁଟି ସହ ନାଇଟ୍‌ ପେଟ୍ରୋଲିଂ ଠାରୁ ଆରମ୍ଭ କରି ଘର ଘର ବୁଲି କରୁଛନ୍ତି ଚେକିଂ। କେବଳ ସେତିକି ନୁହେଁ ଅପରାଧିଙ୍କ ଉପରେ ମଧ୍ୟ ରହିଛି ତାଙ୍କର କଡ଼ା ନଜର। କାମ ଆଗରେ ତାଙ୍କ ପାଇଁ ତୁଚ୍ଛ ହୋଇପଡିଛି ତାଙ୍କ ଗର୍ଭାବସ୍ଥା। ତେବେ ତାଙ୍କର ଏଭଳି କାର୍ଯ୍ୟକୁ ଦେଖି ତାଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟିବାରେ ଲାଗିଛି ।