ନୂଆଦିଲ୍ଲୀ – ମାଳଦ୍ୱୀପର ଅର୍ଥବ୍ୟବସ୍ଥା ଏବେ ଖୁବ୍ ସଙ୍କଟର ସମ୍ମୁଖୀନ ହୋଇଛି। ଦେଶରେ ବଢୁଥିବା କରଜ ଓ ଆର୍ଥିକ ଅସ୍ଥିରତା ବିପଜ୍ଜନକ ମୋଡ ନେଇଛି। ମୁଇଜ୍ଜୁ ସରକାର କ୍ଷମତାକୁ ଆସିବା ପରେ ମାଳଦ୍ୱୀପର ଆର୍ଥିକ ସ୍ଥିତି ଆହୁରି ବିଗିଡ଼ି ଯାଇଛି। 

ମାଳଦ୍ୱୀପର ରାଷ୍ଟ୍ରପତି ମହମ୍ମଦ ମୁଇଜ୍ଜୁଙ୍କୁ ଚୀନର ନିକଟତର କୁହାଯାଉଛି। ସେ ଅନେକ ପ୍ରମୁଖ ବିଷୟରେ ଚୀନର ପକ୍ଷ ନେଉଛନ୍ତି। କିନ୍ତୁ ଏହି ଆର୍ଥିକ ସଙ୍କଟ ମଧ୍ୟରେ ଚୀନର କୁଦୃଷ୍ଟି ମାଳଦ୍ୱୀପର ଅର୍ଥବ୍ୟବସ୍ଥା ଉପରେ ଗଭୀର ପ୍ରଭାବ ପକାଉଛି। ଚୀନ୍‌ ଲଗାତାର ମାଳଦ୍ୱୀପକୁ କରଜ ଦେଇ ତାକୁ ଦୁର୍ବଳ କରୁଛି। ମାଳଦ୍ୱୀପର ଆର୍ଥିକ ନିର୍ଭରତା ଚୀନ୍‌ ଉପରେ ଲଗାତାର ବଢିବାରେ ଲାଗିଛି। ଏହି ବର୍ଷର ଆରମ୍ଭରେ ଆଇଏମଏଫ୍‌ ମାଳଦ୍ୱୀପକୁ ଚେତାଇ ଦେଇଥିଲା ଯେ, ଚୀନ ଠାରୁ ଅଧିକ କରଜ ନେବା ଦେଶର ଅର୍ଥ ବ୍ୟବସ୍ଥା ପାଇଁ ଘାତକ ସାବ୍ୟସ୍ତ ହୋଇପାରେ। ଆଇଏମଏଫ୍‌ ପରାମର୍ଶ ଦେଇଥିଲା ଯେ , ମାଳଦ୍ୱୀପକୁ ଆର୍ଥିକ ସଙ୍କଟରୁ ରକ୍ଷା କରିବା ପାଇଁ ରାଜସ୍ୱ ବୃଦ୍ଧି , ଖର୍ଚ୍ଚରେ ହ୍ରାସ କରିବା ଓ ବାହାରୁ ଉଧାର ହ୍ରାସ କରିବା ଉପାୟ ଆପଣାଇବା ଉଚିତ୍‌।

ଏହି ମଧ୍ୟରେ ମାଳଦ୍ୱୀପର ଅର୍ଥବ୍ୟବସ୍ଥା ଉପରେ ଆଉ ଏକ ସମସ୍ୟାର ପାହାଡ଼ ଭାଙ୍ଗି ପଡ଼ିଛି। ଆମେରିକୀୟ କ୍ରେଡିଟ୍‌ ରେଟିଂ ଏଜେନ୍ସି ଫିଚ୍‌ ମାଳଦ୍ୱୀପର କ୍ରେଡିଟ୍‌ ରେଟିଂକୁ ହ୍ରାସ କରି ‘CC’ କରି ଦେଇଛି, ଯେଉଁଥିରୁ ଏହା ସଙ୍କେତ ମିଳେ କି ଦେଶ ପାଖରେ ନିଜର ବିଦେଶୀ କରଜ ଶୁଝିବାର କ୍ଷମତା ଉପରେ ଖୁବ୍‌ ସନ୍ଦେହ ରହିଛି। ଏହି ହ୍ରାସ ପ୍ରଥମେ ଜୁନ୍‌ରେ ‘CCC+’ ଯାଏ କରାଯାଇ ଥିଲା।  ଫିଚ୍‌ ନିଜର ରିପୋର୍ଟରେ କହିଛି କି ମାଳଦ୍ୱୀପ ଉପରେ ବଢୁଥିବା ସାର୍ବଜନିକ କରଜ ଓ ବାହାର ଅର୍ଥ ପୋଷଣ ହାସଲ କରିବାରେ ଆସୁଥିବା ସମସ୍ୟା ଏହି ରେଟିଂରେ ହ୍ରସର ମୁଖ୍ୟ କାରଣ ହୋଇଛି। 

ଫିଚ୍‌ର ରିପୋର୍ଟରେ କୁହାଯାଇଛି ଯେ, ମାଳଦ୍ୱୀପରେ ବିଦେଶୀ ମୁଦ୍ରାର ଅଭାବ ଜାରି ରହିବ। କାରଣ ସାର୍ବଜନିକ ନିବେଶ ଓ ଆମଦାନୀ ଉପରେ ଖର୍ଚ୍ଚ ବଢୁଛି। ଏଥିରେ ଆମେରିକୀୟ ଡଲାରର ଅଭାବ ଓ ରିଜର୍ଭ ଉପରେ ପ୍ରଭାବ ବଢିବ , ଯେଉଁଥିରେ ଦେଶର ଆର୍ଥିକ ସ୍ଥିରତା ଆହୁରି ଦୁର୍ବଳ ହୋଇପାରେ। ଏହା ବ୍ୟତୀତ ବ୍ୟାଙ୍କ ଅଫ୍‌ ମାଳଦ୍ୱୀଭସ୍‌ ( ବିଏମଏଲ) ରୁଫିଆ ଆକାଉଣ୍ଟରୁ ଡଲାର ନେଣଦେଣକୁ ନିଲମ୍ୱିତ କରି ଦେଇଛି , ଯେଉଁଥିରେ ବ୍ୟାଙ୍କିଂ ପ୍ରଣାଳୀ ଉପରେ ମଧ୍ୟ ସଙ୍କଟର ପ୍ରଭାବକୁ ଅନୁଭବ କରାଯାଉଛି। 

ଫିଚ୍‌ ଚେତାବନୀ ଦେଇଛି କି , ବିଦେଶୀ ସହାୟତା ପ୍ରତି କୌଣସି ଗ୍ୟାରେଣ୍ଟି ନାହିଁ , ଏବଂ ମଧ୍ୟମ ଅବଧିରେ ସରକାରଙ୍କର ଆର୍ଥିକ ସୁଧାର ଏଜେଣ୍ଡାକୁ ଲାଗୁ କରିବା ହିଁ ଏହାର ସମାଧାନ ହୋଇପାରେ।