ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ରାଜ୍ୟ ସ୍ୱାସ୍ଥ୍ୟ ସେବାରେ ଯୋଡ଼ିବ ନୂଆ ଅଧ୍ୟାୟ: ଆମ୍ରି ହେଲା ମଣିପାଲ ହସ୍ପିଟାଲ୍ସ,୮୦ରୁ ୧୦୦ କୋଟିର ନିବେଶ ହେବ

ଭୁବନେଶ୍ୱର,୨୩/୦୫: ଦେଶର ଦ୍ୱିତୀୟ ବୃହତ୍‌ ହସ୍ପିଟାଲ ଚେନ୍‌ ମଣିପାଲ ହସ୍ପିଟାଲ ଭୁବନେଶ୍ୱରରେ ସେବା ଆରମ୍ଭ କରିଛି । ୨୦୨୩ ସେପ୍ଟେମ୍ବରରେ ୪୦୦ ଶଯ୍ୟା ବିଶିଷ୍ଟ ଆମ୍ରି ହସ୍ପିଟାଲକୁ ଅଧିଗ୍ରହଣ କରିବା ପରେ ସଫଳତା ସହ ମଣିପାଲ ନିଜ ବ୍ରାଣ୍ଡ୍‌କୁ ଏକୀକରଣ କରିଛି।  ମେ’ ୨୨ରୁ ଏହା ଆମ୍ରିର ବିଭିନ୍ନ ସେବାକୁ ମଣିପାଲ  ହସ୍ପିଟାଲ ମାନଦଣ୍ଡ ଅନୁଯାୟୀ ପ୍ରଦାନ କରିବ । ଏହା  ପୂର୍ବ ଭାରତ ତଥା ରାଜ୍ୟର ସ୍ୱାସ୍ଥ୍ୟ କ୍ଷେତ୍ରରେ ନୂଆ  ଅଧ୍ୟାୟ ଯୋଡ଼ିବ ବୋଲି ଆଶା କରାଯାଉଛି । 

ଦେଶର ବଡ଼ ସହରଗୁଡିକରେ ମିଳୁଥିବା  ସ୍ୱାସ୍ଥ୍ୟ ସେବା ଏଠାରେ ମିଳିବ । ଏ ଅବସରରେ  ମଣିପାଲ ହସ୍ପିଟାଲ ପକ୍ଷରୁ ଚିଫ୍‌ ପିପୁଲ୍ସ ଅଫିସର  ପାର୍ଥ ଦାସ, ଭୁବନେଶ୍ୱର ଓ ବିଜୟୱାଡା କ୍ଲଷ୍ଟର  ନିର୍ଦ୍ଦେଶକ ଡ.ସୁଧାକର କଂଟିପୁଡି ଏବଂ ହସ୍ପିଟାଲ  ନିର୍ଦ୍ଦେଶକ ଡ. ଶକ୍ତିମୟ ମହାପାତ୍ର ସାମ୍ବାଦିକ  ସମ୍ମିଳନୀରେ ହସ୍ପିଟାଲର ଆଭିମୁଖ୍ୟ ସମ୍ପର୍କରେ  ସୂଚନା ଦେଇଥିଲେ । ଆଗାମୀ ଦିନରେ ରୋଗୀ  ଏଠାରେ ଉନ୍ନତ ମାନର ସ୍ୱାସ୍ଥ୍ୟ ସେବା ପାଇବେ ।  କର୍କଟ ରୋଗ ଚିକିତ୍ସା ଲାଗି ସ୍ୱତନ୍ତ୍ର ୟୁନିଟ୍‌ ଏବଂ  ଯକୃତ ପ୍ରତିରୋପଣ କ୍ଷେତ୍ରରେ ସ୍ୱତନ୍ତ୍ର କ୍ଲିନିକ୍‌  ଆସିବ । ଅତ୍ୟାଧୁନିକ ଦ୍ୱିତୀୟ କ୍ୟାଥୋଲ୍ୟାବ ପ୍ରତିଷ୍ଠା  ହେବ । ସିଟି ସ୍କାନ ଏବଂ ଏମ୍‌ଆର୍‌ଆଇ ସୁବିଧା  ସହ ସାମ୍ପ୍ରତିକ ଯନ୍ତ୍ରପାତି ଗୁଡିକର ବୃଦ୍ଧି ଉପରେ  ହସ୍ପିଟାଲ ଧ୍ୟାନ କେନ୍ଦ୍ରିତ କରିବ । ୮୦ରୁ ୧୦୦  କୋଟି ନିବେଶ କରିବ ହସ୍ପିଟାଲ । 

ଚିଫ୍‌ ପିପୁଲ୍ସ ଅଫିସର ଶ୍ରୀ ଦାସ କହିଛନ୍ତି, ଆମ୍ରି ହସ୍ପିଟାଲର ସମୃଦ୍ଧ ପରମ୍ପରା ସହ ମଣିପାଲ  ହସ୍ପିଟାଲ୍ସର ସମୃଦ୍ଧ ପାରଦର୍ଶିତାକୁ ମିଶ୍ରଣ କରି  ରୋଗୀଙ୍କୁ ସର୍ବୋକୃଷ୍ଟ ସ୍ୱାସ୍ଥ୍ୟ ସେବା ଯୋଗାଣ  ଉପରେ ଧ୍ୟାନ କେନ୍ଦ୍ରିତ କରାଯାଇଛି । ହସ୍ପିଟାଲ  ନିର୍ଦ୍ଦେଶକ (ଭୁବନେଶ୍ୱର) ଡା. ଶକ୍ତିମୟ ମହାପାତ୍ର  କହିଛନ୍ତି, ଉନ୍ନତ ମାନର ସ୍ୱାସ୍ଥ୍ୟ ସେବା ବିସ୍ତାର କରିବା  ଲକ୍ଷ୍ୟ । ମଣିପାଲର ସୁପ୍ରସିଦ୍ଧ ସେବା ଉତ୍କର୍ଷତାକୁ  ଧ୍ୟାନରେ ରଖି ଅତ୍ୟାଧୁନିକ ସ୍ୱାସ୍ଥ୍ୟ ସେବା ସମାଧାନ  ପ୍ରଦାନ କରିବା ଦିଗରେ ଉଦ୍ୟମ ଜାରି ରହିବ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.