ନୂଆଦିଲ୍ଲୀ,୧୦।୬: ମଣିପୁର ମୁଖ୍ୟମନ୍ତ୍ରୀ ଏନ୍ ବିରେନ୍ ସିଂହଙ୍କ ଆଡଭାନ୍ସ ସୁରକ୍ଷା ଟିମ୍‌ ଉପରେ କୁକି ଉଗ୍ରବାଦୀଙ୍କ ଆକ୍ରମଣ। ଜିରିବାମ ଯାଉଥିବା ଏକ ଅଗ୍ରୀମ ସୁରକ୍ଷା ଟିମ୍ ଉପରେ ଉଗ୍ରବାଦୀମାନେ ସେତେବେଳେ ଆକ୍ରମଣ କରିଥିଲେ ଯେତେବେଳେ ଏହି ଟିମ୍ ସିଏମ୍‌ଙ୍କ ମଙ୍ଗଳବାର ଗସ୍ତ ପୂର୍ବରୁ ଜିରିବାମ ଯାଉଥିଲେ। ମଙ୍ଗଳବାର ମୁଖ୍ୟମନ୍ତ୍ରୀଙ୍କୁ ଜିରିବାମ ଗସ୍ତ କରିବାର ଥିଲା।

ସିଆଇଡି ରାଜ୍ୟ ପୋଲିସ, ସିଆଇଏସ୍ଏଫ୍‌ ଯବାନ ସହିତ ୨ ସୁରକ୍ଷାକର୍ମୀ ଏହି ଆକ୍ରମଣରେ ଆହତ ହୋଇଛନ୍ତି। ଜଣେ ଆହତଙ୍କୁ ଇମ୍ଫାଲ ପଠାଇ ଦିଆଯାଇଛ। ଜିରିବାମରୁ ଗତ ଦୁଇ ଦିନ ହେବ ହିଂସାକାଣ୍ଡ ଖବର ସାମନାକୁ ଆସିଛି ଓ ସ୍ଥିତି ବିବାଦୀୟ ରହିଛି। ସ୍ଥିତି ଅନୁଧ୍ୟାନ କରିବା ପାଇଁ ମଣିପୁର ମୁଖ୍ୟମନ୍ତ୍ରୀ ବୀରେନ ସିଂହ ମଙ୍ଗଳବାର ଜିରିବାମ ଗସ୍ତ କରିଛନ୍ତି।

ଆଡଭାନ୍ସ ସୁରକ୍ଷା ଟିମ୍‌ ଇମ୍ଫାଲରୁ ଜିରିବାମ ଯାଉଥିବା ବେଳେ ସକାଳ ୧୦ଟା ୩୦ ମିନିଟ୍‌ରେ ଏନ୍‌ଏଚ୍-୩୭ (ଇମ୍ଫାଲ-ସିଲଚର ଭାୟା ଜିରିବାମ)ରେ କାଙ୍ଗପୋକି ଜିଲ୍ଲାର କୋଟଲେନ୍ ପାଖରେ ଥିବା ଟି ଲାଇଜାଙ୍ଗ ଗାଁରେ ଆକ୍ରମଣ ହୋଇଛି। ଏହି ସମୟରେ ଦୁଇ ସୁରକ୍ଷାକର୍ମୀ ଆହତ ହୋଇଛନ୍ତି। ବର୍ତ୍ତମାନ ପୋଲିସ କମାଣ୍ଡୋ ଓ ଆସାମ ରାଇଫଲ୍‌ର ମିଳିତ ଟିମ୍ ସର୍ଚ୍ଚ ଅପରେସନ୍ ଆରମ୍ଭ କରିଛନ୍ତି।