ମାଲକାନଗିରି,୨୪/୫ ଜଙ୍ଗଲରୁ ମାଓବାଦୀଙ୍କ ଶବ ଧରି ଫେରୁଥିବା ବେଳେ ଯବାନଙ୍କ ଉପରେ ମାଓବାଦୀ କଲେ ଆକ୍ରମଣ। ଉଭୟଙ୍କ ମଧ୍ୟରେ ଗୁଳିବିନିମୟ ହୋଇଛି । ଯବାନଙ୍କ ଗୁଳିରେ ପୁଣି ଜଣେ ମାଓବାଦୀର ମୃତ୍ୟୁ ଘଟିଛି । ଗତକାଲି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ନାରାୟଣପୁର ଜିଲ୍ଲା ଆବୁଜମାଦ ଜଙ୍ଗଲରେ ମାଓବାଦୀ- ଯବାନଙ୍କ ମଧ୍ୟରେ ଗୁଳିବିନିମୟରେ  ସାତ ଜଣ ମାଓବାଦୀ ନିହତ ହୋଇଥିଲେ । ଆଜି ମାଓବାଦୀ ଙ୍କ ମୃତଦେହ ନେଇ ଫେରୁଥିବା ଯବାନ ମାନଙ୍କ ଉପରକୁ ମାଓବାଦୀ ମାନେ ଆକ୍ରମଣ କରିଥିଲେ । ଉଭୟଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଯବାନଙ୍କ ଗୁଳିରେ ପୁଣି ଜଣେ ମାଓବାଦୀର ମୃତ୍ୟୁ ଘଟିଛି । ଗତକାଲି ଓ ଆଜି ନାରାୟଣପୁର ଏନକାଉଣ୍ଟରରେ ନିହତ ହୋଇଥିବା ମାଓବାଦୀଙ୍କ ସଂଖ୍ୟା ୮ କୁ ବୃଦ୍ଧି ପାଇଛି ।