ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

ଶିକ୍ଷା ବିଭାଗରେ ଚାଉଳ ଘୋଟାଲା, ଖାଇଗଲେ ଛାତ୍ରଛାତ୍ରୀଙ୍କ ମଧ୍ୟାହ୍ନଭୋଜନ ଚାଉଳ

ଅନୁଗୁଳ, ୦୩/୦୪ : ଶିକ୍ଷା ବିଭାଗରେ ଏକ ବଡ଼ଧରଣର ଚାଉଳ ଘୋଟାଲା ପଦାକୁ ଆସିଛି । ଗତ ଆର୍ଥିକ ବର୍ଷର ଶେଷ ତିନି ମାସରେ ଛେଣ୍ଡିପଦା ବ୍ଲକ୍‌ରେ ଅଧିକାଂଶ ସ୍କୁଲକୁ ଯୋଗାଣ ହେଉଥିବା ଲକ୍ଷ ଲକ୍ଷ ଟଙ୍କାର ଚାଉଳ ହଡ଼ପ କରାଯାଇଥିବା ବିଭାଗୀୟ ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି । ଚାଲାଣ ଅନୁଯାୟୀ ଏଫ୍‌ସିଆଇ ଗୋଦାମରୁ ଉଠାଣ ହୋଇଥିଲେ ମଧ୍ୟ ସ୍କୁଲକୁ ବିତରଣ ହୋଇନାହିଁ³ ଅନ୍ୟତ୍ର ବିକି ଦିଆଯାଇଛି । ଏଭଳି ଏକ ସାଂଘାତିକ ଗଫଲତି ପ୍ରସଙ୍ଗରେ ବିଭାଗ ପକ୍ଷରୁ କିନ୍ତୁ କୌଣସି କାର୍ଯ୍ୟାନୁଷ୍ଠାନ ଏଯାବତ୍‌ ଗ୍ରହଣ କରାଯାଇନାହିଁ । ହଡ଼ପକାରୀଙ୍କୁ ଘଣ୍ଟ ଘୋଡ଼ାଇବାକୁ କୁଆଡ଼େ ଜଣେ ପ୍ରଶାସନିକ ଅଧିକାରୀ ଓ ଲୋକ ପ୍ରତିନିଧିଙ୍କ ଚାପରେ ମାମଲା ଚାପିଦେବାକୁ ଯତ୍‌ପରୋନାସ୍ତି ଉଦ୍ୟମ ଚଳାଇଛନ୍ତି । 

ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଛେଣ୍ଡିପଦା ବ୍ଲକ୍‌ରେ ଗତ ଜାନୁଆରି, ଫେବ୍ରୁଆରୀ ଓ ମାର୍ଚ୍ଚ ମାସର ଚାଉଳ ଅଧିକାଂଶ ସ୍କୁଲକୁ ଯୋଗାଣ ହୋଇନାହିଁ । ଏକ ଗୋଷ୍ଠୀ ଯୋଜନାବଦ୍ଧ ଭାବରେ ଚାଉଳକୁ ଅନ୍ୟତ୍ର ବିକ୍ରି ଟଙ୍କା ହଡ଼ପ କରିଥିବା ଜିଲ୍ଲା ଶିକ୍ଷା ବିଭାଗ ନିକଟରେ ଅଭିଯୋଗ ହେବା ପରେ ଗତ ସପ୍ତାହରେ ଜିଲ୍ଲା ଶିକ୍ଷା ବିଭାଗ ପକ୍ଷରୁ ଖୋଳତାଡ଼ କରାଯାଇଥିଲା । ଏପରିକି ଯାଦୃଚ୍ଛିକ ପର୍ଯ୍ୟବେକ୍ଷଣ (ରାଣ୍ଡମ୍‌ ଅବଜର୍ଭେସନ୍‌) କରିବାକୁ ବ୍ଲକ୍‌ର ବିଭିନ୍ନ ଇଲାକାରୁ ୭ଟି ସ୍କୁଲର କର୍ତ୍ତୃପକ୍ଷଙ୍କୁ ଜିଲ୍ଲା ଶିକ୍ଷା କାର୍ଯ୍ୟାଳୟକୁ ଡକାଯାଇଥିଲା । ମଧ୍ୟାହ୍ନ ଭୋଜନ କାଗଜାତ୍‌ ଯାଞ୍ଚ ବେଳେ ଯେଉଁ ତଥ୍ୟ ମିଳିଲା ବିଭାଗୀୟ ଅଧିକାରୀଙ୍କ ମୁଣ୍ଡ ଘୂରେଇ ଯାଇଥିଲା । ୬ଟି ସ୍କୁଲକୁ ଚାଉଳ ଆଦୌ ଯୋଗାଣ ହୋଇନଥିବା ବେଳେ ଜାଲ୍‌ ଦସ୍ତଖତରେ ଯୋଗାଇ ଦିଆଯାଇଥିବା ଦର୍ଶାଯାଇଥିବା ଧରାପଡ଼ିଥିଲା । ଗୋଟିଏ ସ୍କୁଲକୁ ଯେତିକି ଚାଉଳ ଯୋଗାଣ ହୋଇଛି ତା’ଠୁ ଅଧିକ କିନ୍ତୁ ଉଠାଣ ହୋଇଥିବା ଯାଞ୍ଚ ବେଳେ ଜଣାପଡ଼ିଥିଲା । ଚାଉଳ ଯୋଗାଣ ହୋଇନଥିବା ପ୍ରଧାନଶିକ୍ଷକ ରୋକ୍‌ଠୋକ୍‌ ଭାବେ ଜଣାଇବା ସହ ଦସ୍ତଖତ ଜାଲ୍‌ କରାଯାଇଥିବା ଅଭିଯୋଗ କରିଥିଲେ । କେବଳ ୭ଟି ସ୍କୁଲରେ ଯଦି ଅବସ୍ଥା ଏମିତି, ତେବେ ଅନ୍ୟ ସ୍କୁଲଗୁଡ଼ିକର ସ୍ଥିତି କ’ଣ ହୋଇଥିବ! ଏଭଳି ଏକ ସଙ୍ଗୀନ ମାମଲାରେ କିନ୍ତୁ ଯେଉଁମାନେ ଦୋଷୀ ସେମାନଙ୍କ ବିରୋଧରେ ଏଯାବତ୍‌ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ଶିକ୍ଷକ ମହଲରେ ତୀବ୍ର ଅସନ୍ତୋଷ ସୃଷ୍ଟି କରିଛି । 

ଜିଲ୍ଲା ପ୍ରଶାସନର ଜଣେ ଅଧିକାରୀ କୁଆଡ଼େ କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ଅଲିଖିତ ନିର୍ଦ୍ଦେଶ ଦେଇଥିବା ଚର୍ଚ୍ଚା ହେଉଛି । ମଧ୍ୟାହ୍ନ ଭୋଜନ ବିତରଣରେ ସାମାନ୍ୟ ବ୍ୟତିକ୍ରମ ହେଲେ ଶିକ୍ଷକ, କର୍ମଚାରୀଙ୍କ ଉପରେ ତତ୍‌କ୍ଷଣାତ କାର୍ଯ୍ୟାନୁଷ୍ଠାନ ହେଉଥିବା ବେଳେ ୩ ମାସର ଚାଉଳ ଲୁଟିଥିବା ଅଧିକାରୀ ଓ କର୍ମଚାରୀଙ୍କ ବିରୋଧରେ ପଦକ୍ଷେପ ନେବାକୁ ବିଭାଗୀୟ ଅଧିକାରୀ ଓ ପ୍ରଶାସନର ଦୋମୁହାଁ ନୀତିକୁ ବିରୋଧ କରାଯାଇଛି । ଏ ସମ୍ପର୍କରେ ଜିଲ୍ଲା ଶିକ୍ଷା ଅଧିକାରିଣୀ ସୁସ୍ମିତା ସାହୁଙ୍କ ସହ ଯୋଗାଯୋଗ ଉଦ୍ୟମ କରାଯାଇଥିଲେ ମଧ୍ୟ ସମ୍ଭବ ହୋଇପାରିନହିଁ । ସୂଚନାଯୋଗ୍ୟ, ବର୍ଷକ ତଳେ ଛେଣ୍ଡିପଦା ବ୍ଲକ୍‌ ଶିକ୍ଷା ବିଭାଗରେ ସରକାରୀ ଅନୁଦାନର ୟୁସି (ବିନିଯୋଗ ପ୍ରମାଣପତ୍ର) ଦାଖଲ ବେଳେ ପିସି ଆଦାୟ କରାଯାଉଥିବା ଅଭିଯୋଗ ହୋଇଥିଲା । ୩ ପ୍ରତିଶତ ପିସି ନଦେଲେ ୟୁସି ଗ୍ରହଣ କରାନଯାଇ ପରୋକ୍ଷରେ ହଇରାଣ କରାଯିବ ବୋଲି ଧମକ ପରେ ପିସି ଅର୍ଥ ନଗଦ ଆକାରରେ ଗଣିଥିଲେ ବୋଲି ନାମ ଗୋପନ ରଖିବା ସର୍ତ୍ତରେ ଅନେକ ଶିକ୍ଷକ ପ୍ରକାଶ କରିଥିଲେ । ମୁହଁ ଖୋଲି ବିରୋଧ କରିବା କି ବାହାରେ ପ୍ରଘଟ କରିବାକୁ ଶିକ୍ଷକମାନେ ସାହସ କୁଳାଇ ପାରିନଥିବା ବେଳେ ଜିଲ୍ଲାପାଳ ଏ ଦିଗରେ ତଦନ୍ତ କରି ପଦକ୍ଷେପ ନେବାକୁ ଅନୁରୋଧ କରିଥିଲେ । ଜିଲ୍ଲା ଶିକ୍ଷା ବିଭାଗ ନିଜ ଆଡ଼ୁ ଅନୁସନ୍ଧାନ କରି ସତ୍ୟତା ଜାଣିଥିଲେ ମଧ୍ୟ ଏ ଦିଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଛଘୁଞ୍ଚା ଦେଇଥିଲା ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.