ହାଇଦ୍ରାବାଦ ୨୩/୦୯: ମେଗାଷ୍ଟାର ଚିରଞ୍ଜିବୀ କୋନିଡେଲାଙ୍କୁ ଭାରତୀୟ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ସଫଳ ତାରକା ପୁରସ୍କାରରେ ସମ୍ମାନିତ କରାଯାଇଛି। ସେ ଏବେ ଗିନିଜ୍‌ ବୁକ୍‌ ରେକର୍ଡଧାରୀ ହୋଇଛନ୍ତି । । ୪୫ ବର୍ଷରେ ୨୪,୦୦୦ ଡ୍ୟାନ୍ସ ଷ୍ଟେପ୍‌ କରି ସେ ଏହି ରେକର୍ଡର ଅଧିକାରୀ ହୋଇଛନ୍ତି । ରବିବାର ଦିନ ଗିନିଜ ୱାର୍ଲ୍ଡ ରେକର୍ଡର ପ୍ରତିନିଧୀ ହାଇଦ୍ରାବାଦରେ ଏକ କାର୍ଯ୍ୟକ୍ରମରେ ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି । ତାଙ୍କ ସହ ବଲିଉଡ୍ ଫିଲ୍ମ ଷ୍ଟାର ଅମିର ଖାନ୍‌ ମଧ୍ୟ ମଞ୍ଚରେ ଉପସ୍ଥିତ ଥିଲେ । 

ସାଉଥ୍‌ ସୁପରଷ୍ଟାର ଚିରଞ୍ଜିବୀ ୧୯୭୮ରେ ଭାରତୀୟ ଚଳଚ୍ଚିତ୍ର ଜଗତରେ କାମ ଆରମ୍ଭ କରିଥିଲେ । ୪୫ ବର୍ଷରେ ୧୫୬ ଫିଲ୍ମରେ ୫୩୭ ଗୀତରେ ସେ ୨୪,୦୦୦ ଡ୍ୟାନ୍ସ ଷ୍ଟେପ୍‌ କରିଛନ୍ତି । ପୁରସ୍କାର ପାଇବା ଅବସରରେ ଚିରଞ୍ଜିବୀ କହିଥିଲେ, ଗିନିଜ ରେକର୍ଡ କଥା କେବେ ଭାବି ନ ଥିଲି । ସିନେମାର ଏହି ଯାତ୍ରାରେ ଗିନିଜ୍‌ ପୁରସ୍କାର କଳ୍ପନା ବାହାରେ । ମୋ ପ୍ରଯୋଜକମାନଙ୍କୁ ଧନ୍ୟବାଦ । ଚଳଚ୍ଚିତ୍ରରେ ଅଭିନୟ ତୁଳନାରେ ନୃତ୍ୟ ପ୍ରତି ଅଧିକ ଆଗ୍ରହୀ ଥାଏ । ୱାର୍କ ଫ୍ରଣ୍ଟକୁ ଦେଖିଲେ ଆଗକୁ ଚିରଞ୍ଜିବୀଙ୍କ ‘ବିଶ୍ୱମ୍ଭରା’ ଫିଲ୍ମ ଆସୁଛି । ମାଲ୍ଲିଦି ବଶିଷ୍ଠ ଏହାର ନିର୍ଦ୍ଦେଶନା ଦେଇଛନ୍ତି ।