ଚନ୍ଦ୍ରଶେଖରପୁର, ୧୭/୦୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗସ୍ତ ପାଇଁ ସଜେଇ ହୋଇଛି ଗାଡ଼କଣ ଶବର ସାହି । ଯେଉଁଠାରେ ଦିନେ ସରକାରୀ ଅଧିକାରୀଙ୍କ ପାଦ ପଡ଼ି  ନ ଥିଲା, ସେଠାକୁ ପ୍ରଧାନମନ୍ତ୍ରୀ  ଯିବେ । ଆବାସ ଘରେ ରହୁଥିବା ବସ୍ତି ବାସିନ୍ଦାଙ୍କୁ ଭେଟିବେ । ସେମାନଙ୍କ ସୁବିଧା ଅସୁବିଧା ପଚାରି ବୁଝିବେ । ପ୍ରାୟ ୩୦ ମିନିଟ୍‌ ହିତାଧିକାରୀଙ୍କ ସହ କଟାଇବେ ପ୍ରଧାନମନ୍ତ୍ରୀ ମୋଦି ।  

ପ୍ରଧାନମନ୍ତ୍ରୀଙ୍କୁ ସ୍ୱାଗତ ଅପେକ୍ଷାରେ  ଅନ୍ତର୍ଯ୍ୟାମୀ ନାୟକ । ଅନ୍ତର୍ଯ୍ୟାମୀଙ୍କ  ପିଏମ୍‌ ଆବାସକୁ ଉଦ୍‌ଘାଟନ କରିବେ  ପ୍ରଧାନମନ୍ତ୍ରୀ । ଏ ଖବର ଶୁଣିବା ପରେ  ତାଙ୍କ ପରିବାରରେ ଖୁସି କହିଲେ  ନସରେ । କେବଳ ଅନ୍ତର୍ଯ୍ୟାମୀ ନୁହନ୍ତି  ଗାଡ଼କଣ ଅଞ୍ଚଳର ଆଉ ୨୦ ଜଣ ହିତାଧିକରୀଙ୍କୁ ପ୍ରଧାନମନ୍ତ୍ରୀ ଭେଟି ସେମାନଙ୍କ ମଧ୍ୟ ଆଲୋଚନା କରିବେ ବୋଲି ଜଣାପଡିଛି ।   

ପ୍ରଧାନମନ୍ତ୍ରୀଙ୍କୁ ସ୍ୱାଗତ ପାଇଁ  ଗାଡ଼କଣରେ ପ୍ରବଳ ଉତ୍ସାହ ଦେଖିବାକୁ  ମିଳିଛି । ଗାଁକୁ ସମ୍ପୂର୍ଣ୍ଣ ସଜାଯାଇଛି ।  ରାସ୍ତା ଘାଟ ନେଇ ଭାଗବତ ଟୁଙ୍ଗିକୁ ନୂଆ  ରୂପ ଦିଆଯାଇଛି । ଯେଉଁ ରାସ୍ତା ଦୀର୍ଘଦିନ ହେବ କାମ ନହୋଇ ପଡ଼ିରହିଥିଲା  ପ୍ରଧାନମନ୍ତ୍ରୀଙ୍କ ପାଇଁ ତାହା ନିର୍ମାଣ ହୋଇଛି। ବିଦ୍ୟୁତ୍‌, ପାନୀୟ ଜଳ ବ୍ୟବସ୍ଥା  ମଧ୍ୟ କରାଯାଇଛି । ଯେଉଁ କାମ ବାକି ରହିଥିଲା ଯୁଦ୍ଧକାଳୀନ ଭିତ୍ତିରେ ରାତି  ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି ।